କଟକ ଗ୍ରାମାଞ୍ଚଳ(ନି.ପ୍ର)୨୧।୦୯ ନିଜର ଏକମାତ୍ର ପୁତ୍ର ରାଜା ଓରଫ ରାଜ କୁମାର ବିଶ୍ବାଳ(୨୨)ଙ୍କୁ ହରାଇ ପିତା ରଘୁନାଥ ବିଶ୍ଵାଳ ଏବେ ମ୍ରିୟମାଣ। ଓଲଟପୁର ଥାନା ଅନ୍ତର୍ଗତ ଅଡଶପୁର ବେଢ଼ା ସାହି ର ଗଣେଶ ମେଢ଼ ଭସାଣି ଶୋଭାଯାତ୍ରା ଆଣି ଦେଇ ଥିଲା ସେ କାଳରାତ୍ରିର କାହାଣୀ।ସୌମ୍ୟ ଯୁବକ ରାଜା ବାସ୍ତବରେ ଥିଲେ କେବଳ ଚେହେରାରେ ରାଜା ନୁହେଁ, ଥିଲେ ବି ଜଣେ ଦକ୍ଷ କ୍ୟାମେରା ମ୍ୟାନ।ସାହିର ଜଣେ ଭିଡିଓ ଫଟୋଗ୍ରାଫି ବ୍ୟବ ସାୟ କରୁଥିଲେ,ରାଜା ଓ ଅନ୍ୟ ଯୁବକ ଜଣେ ଦୁଇ ଜଣ ବିବା ହାଦି ଉତ୍ସବ ଅନୁଷ୍ଠାନରେ ଉକ୍ତ ସଂସ୍ଥା ତରଫରୁ ଏହାର ସୁଟିଂ କରୁଥିଲେ।ଅବସର ସମୟ ରେ ବାପା ରଘୁନାଥଙ୍କ ପାନ ଦୋକାନରେ ସହାୟତା ବି କରୁଥିଲେ।ଅଡଶପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପ୍ରାଚୀରକୁ ଲାଗି ଏହି ପାନ ଦୋକାନ ଏକ କାବିନ ରେ ଚାଲୁ ଥିଲା।କାବିନକୁ ବିଜୁଳି ଲାଇନ ସଂଯୋଗ କୁ କେନ୍ଦ୍ର କରି ଦୁଇ/ତିନି ମାସ ତଳେ ଆରମ୍ଭ ହୋଇ ଥିଲା ଶତ୍ରୁତା।ବ୍ୟକ୍ତିଗତ ମୁଚାଲିକାରେ ଟାଟା ପାୱାରରୁ ବିଦ୍ୟୁତ୍ ସଂଯୋଗ ନେଇ ଅଡଶପୁର ବଜାରରେ ବହୁ ବ୍ୟବସାୟୀଙ୍କୁ ବିଜୁଳି ବିକୁଥିବା ଜଣେ ବ୍ୟକ୍ତି ତାଙ୍କ ଠାରୁ ବିଜୁଳି ନେଇ ମାସିକିଆ ଦେବାକୁ ବାଧ୍ୟ କରିଥିଲେ।ଅନ୍ୟଥା ୪ହଜାର ଟଙ୍କା ଦେଇ ଟାଟା ପାୱାର ଠାରୁ ସଂଯୋଗ ନ ନେବାକୁ ଉଭୟଙ୍କ ମଧ୍ୟରେ ବଚସା ହୋଇଥିଲା।ସଂପୃକ୍ତ ବ୍ୟକ୍ତି ଜଣକ ପୁଲିସ ରେକର୍ଡ଼ରେ ଜଣେ ଦୁର୍ଦ୍ଦାନ୍ତ ଅପରାଧୀ ଭାବେ ଜଣାଶୁଣା ଥିବାରୁ ଅନେକ ସମୟ ରେ ସରକାରୀ,ବେସରକାରୀ ଲୋକଙ୍କୁ ଧମକ ଚମକ ଦେଇ କାର୍ଯ୍ୟ ହାସଲ କରୁଥିଲେ।ଏମିତିକି ସଂଖ୍ୟାଧିକ ବ୍ୟବସାୟୀ ଡରି ମରି ତାଙ୍କ ଠାରୁ ସଂ ଯୋଗ ନେବାକୁ ବାଧ୍ୟ ହେଉଥିଲେ।ରାଜ୍ୟ ରାଜପଥ ପାର୍ଶ୍ଵରେ ଟାଟା ପାୱାର କର୍ମଚାରୀଙ୍କ ଜାଣତରେ ଏହି ବିଜୁଳି ବେପାର ଚାଲିଥିବା ଓ ମୋଟା ଅଙ୍କର କମିସନି କର୍ମଚାରୀ ମାନେ ଆୟ କରୁଥିବା ପୂର୍ବରୁ ବିଭାଗ ନିକଟରେ ଅଭିଯୋଗ ରହିଛି।ରାଜା ଓ ତାଙ୍କ ପିତାଙ୍କ ସହ ଉକ୍ତ କାରଣରୁ ଉପୁଜିଥିବା ଗଣ୍ଡ ଗୋଳ ସମ୍ପର୍କରେ ପାଖ ଆଖ ଦୋକାନୀ ମାନେ ବି ଜାଣିଛନ୍ତି।ଏଥିରେ କୁଆଡେ ମୃତ ରାଜାଙ୍କୁ ପରୋକ୍ଷ ହତ୍ୟା ଧମକ ମିଳିଥିଲା,ଯାହାକୁ ବାପ-ପୁଅ ଅତି ହାଲୁକା ଭାବେ ନେଇଥିଲେ।ରଘୁନାଥ ଟାଟା ପାୱା ରରୁ ସଂଯୋଗ ନେବା ପରେ ଶୀତଳ ଶତ୍ରୁତା କ୍ରମେ ଦାନାବାନ୍ଧି ତୀବ୍ରରୂପ ନେଇଥିଲା।ସବୁଠୁ ବଡ଼ କଥା ହେଉଛି କେତେକ ସଂଯୋଗ ନେଇଥିବା ଉଠା ଦୋକାନୀଙ୍କୁ ବିଭିନ୍ନ ଅସାମାଜିକ କାର୍ଯ୍ୟରେ ବ୍ୟବ ହାର ଓ ନିୟୋଜିତ କରାଯାଉଥିଲା।ମାତ୍ର ବିଜୁଳି ସଂଯୋଗ କାଟି ଦେବା ଧମକ ଦେଖାଇ ସେମାନଙ୍କ ମୁହଁ ବନ୍ଦ କରା ଯାଉଥିଲା।ଏପରି ଦମନ ଲୀଳା ସହିବାକୁ ପଡ଼ିବ ଜାଣି ରଘୁନାଥ ତାଙ୍କ ଠାରୁ ସଂଯୋ ଗ ନେଇ ନ ଥିଲେ।ଫଳରେ ଆଜି ତାଙ୍କୁ ତାଙ୍କ ପ୍ରିୟ ପୁତ୍ରକୁ ହରାଇବାକୁ ପଡ଼ିଲା ବୋଲି ସ୍ଥାନୀୟ କିଛି ଲୋକ ଭୟରେ,ନାମ ଗୋପନ ସର୍ତ୍ତରେ କହିଛନ୍ତି।

ହତ୍ୟାକାଣ୍ଡ ଦିନର ଘଟଣା ପୂର୍ବ ଯୋଜନା ମୁତାବକ ପ୍ରସ୍ତୁତ ହୋଇଥିଲା,କେବଳ ଅପେକ୍ଷା ଥିଲା ଜନ ଗହଳିକୁ।ପୁଲିସ ସଂଖ୍ୟା ପର୍ଯ୍ୟାପ୍ତ ନ ଥିଲା।ଶୋଭା ଯାତ୍ରାରେ ୨୦୦୦ପାଖାପାଖି ଲୋକ ଥିଲେ।ରାତି ପ୍ରାୟ ୮.୪୦ରୁ ୯ଟା ଭିତରେ କିଛି ଗଣ୍ଡଗୋଳ ଆରମ୍ଭ ହେଲା।ରାସ୍ତା ପ୍ରବଳ ଭିଡ ଥିବାରୁ କଣ ହେଲା ବୋଲି କିଛି ଦେଖଣାହାରି ରାସ୍ତାର ବାହାର କଡେ କଡେ ବସଷ୍ଟାଣ୍ଡ ଆଡ଼କୁ ଧାଇଁଲେ,ସେଥିରେ ମୃତକ ରାଜାଙ୍କ ପିତା ରଘୁନାଥ ବି ଥିଲେ।ଏହା ପରେ’ରାଜା’ଙ୍କୁ ପୁଲିସ ସଦର ଉପଖଣ୍ଡ ଅଧିକାରୀ ଙ୍କ କାର୍ଯ୍ୟାଳୟ ପାଖ ପଞ୍ଚାୟତର ନୂଆ ଦ୍ଵିତୀୟ କାର୍ଯ୍ୟାଳୟ ପାଖ ଗଳିକୁ ନିଆଯାଇ ଆପୋଷ ସମା ଧାନ ଆଳରେ ପ୍ରବଳ ମାଡ଼ ଦିଆଯାଇ ହତ୍ୟା କରା ଯିବା ପରେ ଶୋଭାଯାତ୍ରା ଓ ଭସାଣି ନିରୋଳା ହେବା ପରେ ଅଡଶପୁର କଲେଜ ସାମ୍ନା ପ୍ରାଚୀ ଜିମ ଖାନା ଆଡ଼କୁ ଯିବା କେନାଲ(ନିଆଳି ଡିଷ୍ଟ୍ରିବ୍ୟୁଟାରି )ରେ ପକାଇ ଦେଇ ହତ୍ୟାକାରୀ ମାନେ ଚାଲି ଯାଇ ଥିଲେ।ଘଟଣା ପରଦିନ ଠାରୁ ଦୁଇ ଜଣ ଗୁପ୍ ଚୁପ୍ ଦୋକାନୀ(ଜଣେ ଜିଲ୍ଲା ବାହାରର)ଙ୍କ ସମେତ ଅନ୍ୟ ଜଣେ ସ୍ଥାନୀୟ ଯୁବକ ଫେରାର ରହିଛନ୍ତି।(ଯେଉଁ ମାନେ କି ଶୋଭାଯାତ୍ରାରେ ଉପସ୍ଥିତ ଥିଲେ)।କେଉଁ କାରଣରୁ ସେମାନେ ଫେରାର ରହିଛନ୍ତି ଏହାର ପୁଲିସ ଅନୁସନ୍ଧାନ ବେଳେ ନିଶ୍ଚୟ ଧରାପଡ଼ିବା। ତେବେ ରାଜାଙ୍କ ପିତା ଜାଣି ନ ପାରି ପୂଅର ବଡ଼ ଖାଲଗ୍ରାମରେ ଜଣେ ଝିଅକୁ ଭଲ ପାଉଥିବା କାରଣ ରୁ ଯେଉଁ ସନ୍ଦେହ ପ୍ରକଟ କରିଥିବା ଏତଲାରେ ଉଲ୍ଲେଖ ହୋଇଛି ତାହା ଘଟଣାକୁ ଭୁଲ୍ ବାଟରେ ନେଉଥିବା କେତେକ କହିଛନ୍ତି।