କଟକ ଗ୍ରାମାଞ୍ଚଳ ଜିଲ୍ଲା(ନି.ପ୍ର)କ୍ରୋଧ ମଣିଷର ପରମ ଶତ୍ରୁ ଜାଣି ମଧ୍ୟ ମଣିଷ ବାରମ୍ବାର ସେହି ଭୁଲର ପୁନରାବୃତ୍ତି କରିଥାଏ,ଠିକିଲେ ବି ଶିଖେ ନାହିଁ।ଏମିତି ଲୋକହସା,ଅପମାନିତ ହେବାକୁ ପଡ଼ିଛି କଣ୍ଟାପଡ଼ା ବ୍ଲକ ଶିକ୍ଷାଧିକାରୀ ପ୍ରତାପ ପ୍ରଧାନଙ୍କୁ।ଶେଷରେ ଅଦାଲତି ଚାପୁଡ଼ାରେ ଏବେ କେବଳ ସମ୍ମାନ ଯାଇନାହିଁ,ବରଂ ଜଣେ ପ୍ରାଥମିକ ଶିକ୍ଷକଙ୍କ ସହ ଲଢ଼ି ପରାଜୟ ବରଣ କରିଛନ୍ତି।ସୂଚନା ଅନୁଯାୟୀ,ବ୍ଲକ ସ୍ତରୀୟ ପ୍ରାଥମିକ ଶିକ୍ଷକ ସଂଘ ନେତା ପୁନାନନ୍ଦ ବେହେରାଙ୍କ ସହିତ କୌଣସି କାରଣରୁ କଣ୍ଟାପଡ଼ାବ୍ଲକ ଶିକ୍ଷାଧିକାରୀ ପ୍ରତାପ ପ୍ରଧାନଙ୍କ ବିବାଦ ସୃଷ୍ଟି ହୋଇଥିଲା ଏହି ବିବାଦ ଏପରି ଚରମ ସୀମାକୁ ଯାଇଥିଲା ଯେ,ଶିକ୍ଷାଧିକାରୀ ଶ୍ରୀ ପ୍ରଧାନ ପୁନାନନ୍ଦଙ୍କୁ କାର୍ଯ୍ୟରୁ ନିଲମ୍ବନ କରିଥିଲେ।ଶିକ୍ଷକ ପୁନାନନ୍ଦ ତାଙ୍କ ବିରୁଦ୍ଧରେ ଜାତିଆଣ ଆକ୍ଷେପ ଅଭିଯୋଗ ପୁଲିସରେ ଦରଜ କରିଥିଲେ।ମାନବ ଅଧିକାର କମିଶନରେ ଅଭିଯୋଗ ବି ହୋଇଥିଲା, ଯାହା ଏବେ ବିଚାରାଧୀନ ଅଛି।ପୁନାନନ୍ଦ ସସ୍ପେଣ୍ଡ ଆଦେଶକୁ ଓଡ଼ିଶା ହାଇକୋର୍ଟରେ ଚାଲେଞ୍ଜ କରିଥିବା ସ୍ଥଳେ ୩ମାସ ମଧ୍ୟରେ ଏହାର ବିଚାର କରିବାକୁ ରାଜ୍ୟ ପ୍ରାଥମିକ ଶିକ୍ଷା ନିର୍ଦ୍ଦେଶକଙ୍କୁ ରାୟରେ ଆଦେଶ ଦିଆଯାଇଥିଲା।ଅପର ପକ୍ଷରେ ପୁନାନନ୍ଦଙ୍କୁ ଦଳିତ ଜାତି ଆକ୍ଷେପ ମାମଲାରେ ଶିକ୍ଷାଧିକାରୀ,ସ୍ପେଶାଲ କୋର୍ଟରୁ ସର୍ତ୍ତମୂଳକ ଜାମିନରେ ଆସିଥିଲେ।ତେବେ ସର୍ତ୍ତ ଭାଙ୍ଗି ପୁନାନନ୍ଦଙ୍କୁ ପୁନର୍ବାର ଲିଖିତ ଭାବେ ଧମକ ଚମକ ଦେଇଥିବା ଅଭିଯୋଗ ହୋଇଛି।ଏହି ଧମକ ଅନୁଯାୟୀ ସେ ଚାକିରୀରୁ ବାହାର କରିଦେବାକୁ ବି ଏହି ଲିଖିତ ନୋଟିସରେ ଉଲ୍ଲେ ଖ ଥିଲା।ଏହି ଧମକ ନୋଟିସ ବିରୁଦ୍ଧରେ ଶିକ୍ଷକ ପୁନାନନ୍ଦ ଓଡ଼ିଶା ହାଇ କୋର୍ଟରେ ଆଶ୍ରୟ ଲୋଡିଥିଲେ।ଆଜି ଜିଲ୍ଲା ଅତିରିକ୍ତ ଶିକ୍ଷାଧିକାରୀ ଘଟ ଣାର ବିଚାର କରି ବାକୁ କଣ୍ଟାପଡ଼ାବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟରେ ପହଞ୍ଚିଥିବା ବେଳେ ଆଶ୍ଚର୍ଯ୍ୟଜନକ ଭାବେ ସମାନ ସମୟରେ ହାଇକୋ ର୍ଟଙ୍କ ସ୍ଥଗିତ ଆଦେଶ ବି ସେଠାରେ ପହଞ୍ଚି ଯାଇଥିଲା।ଫଳରେ ଶିକ୍ଷାଧି କାରୀଙ୍କ ହୀନ ଉଦ୍ଦେଶ୍ୟ ଭଣ୍ଡୁର ହୋଇ ଯାଇଥିଲା ।