କଟକ ଗ୍ରାମାଞ୍ଚଳ (ନିଜ ପ୍ରତିନିଧି),୧୧/୩ ସଂସ୍କୃତ ଶ୍ଳୋକର ଏକ ଅଂଶ ବିଶେଷ ହେଉଛି ବିଦ୍ଵନ ସର୍ବତ୍ର ପୁଜ୍ୟତେ…. ଯାହା ଚଳିତ ନିର୍ବାଚନରେ ସାଧାରଣ ଜନତାର ମତାଧିକ୍ୟ ରାୟ ପ୍ରମାଣ କରିଛି।

ଇତିଶ୍ରୀ ବେହେରା,ଜନ୍ମ ୧୯୮୯ ଜୁଲାଇ ୮ତାରିଖ। କେନ୍ଦ୍ରାପଡା ଜିଲ୍ଲା,ଚାନ୍ଦୋଳ ଦାନପୁର ପଞ୍ଚାୟତ ଦକ୍ଷବ୍ରହ୍ମପୁର ଗ୍ରାମରେ।ବିବାହ ୨୦୧୫ ଜାନୁଆରୀ ୧୮ ତାରିଖ କଟକ ଜିଲ୍ଲା,ଗୋବିନ୍ଦପୁର ଥାନା କଣ୍ଟାପଡ଼ା ବ୍ଲକ ଅନ୍ତର୍ଗତ ସାଇଲୋ ଝାରପଡ଼ା ପଞ୍ଚାୟତ,ବଡୱାଉବରାଇ ରାଜସ୍ବ ଗ୍ରାମର ଦ୍ଵିଲିପ ବେହେରାଙ୍କ ସହିତ ବୈଦିକ ରୀତିନିତି ଅନୁଯାୟୀ ହୋଇଥିଲା।ଇତିଶ୍ରୀଙ୍କ ସହିତ ତାଙ୍କ ପରିବାରର ଜଣେ ସମ୍ପର୍କୀୟା ଭଉଣୀ ବି ଏହି ପଞ୍ଚାୟତର ସରପଞ୍ଚ ପଦବୀ ନିମନ୍ତେ ଲଢ଼ୁ ଥିଲେ।ଅନ୍ୟ ୪ଜଣ ବି ପ୍ରତିଦ୍ବନ୍ଦିତାରେ ଥିଲେ।ଦୁଇଜଣ ବିଜେଡି ସମର୍ଥିତ,ଥିବା ବେଳେ ଅନ୍ୟ ଦୁଇ ଜଣଙ୍କ ମଧ୍ୟରୁ ଜଣେ ବିଜେପି,ଜଣେ କଂଗ୍ରେସ ସମର୍ଥିତ ଥିଲେ।ହେଲେ ପ୍ରଥମରୁ ଇତିଶ୍ରୀ ଙ୍କ ପଲା ଭାରିଥିବା ବାରି ହୋଇ ପଡ଼ିଥିଲା।ଏହାର ଏକମାତ୍ର କାରଣ ଥିଲା ଯେ ସମସ୍ତଙ୍କ ମଧ୍ୟରୁ ଇତିଶ୍ରୀ ଥିଲେ ଅଧିକ ଯୋଗ୍ୟତା ସମ୍ପନ୍ନ,ଵିଏ.ଏଲ ଏଲ ବି, ବୃତ୍ତିରେ ଆଇନଜିବୀ।ତେଣୁ ଲୋକେ ମାନସିକ ସ୍ତରରେ ହିଁ ପ୍ରଥମରୁ ଅନ୍ୟ ସମସ୍ତଙ୍କୁ ପ୍ରତ୍ୟାଖାନ କରି ଦେଇଥିଲେ।କେବଳ ଔପଚାରିକତା ବାକିଥିଲା,ଯାହା ବାଲଟ ବାକ୍ସରେ ପ୍ରତିଫଳିତ ହୋଇ ଥିଲା। ସେତିକି ନୁହେଁ,ଗତକାଲି ଥିଲା ସରକାରୀ ଭାବେ ଇତିଶ୍ରୀଙ୍କ ଦାୟିତ୍ୱ ଅର୍ପଣର କାର୍ଯ୍ୟ ଦିବସ।ଦାୟିତ୍ୱ ନେବାପରେ ତାଙ୍କୁ ସ୍ଥାନୀୟ ଜଗନ୍ନାଥ ଗ୍ରୁପ ୧୯ ଜଣିଆ ଯୁବ ସଦସ୍ୟଙ୍କ ପକ୍ଷରୁ ସ୍ଵାଧୀନ ଭାବେ ସରପଞ୍ଚ କାର୍ଯ୍ୟାଳୟ ସମେତ, ବ୍ଲକ କାର୍ଯ୍ୟାଳୟ ଯିବା ଆସିବା କରିବାକୁ ଏକ ନୂଆ ହୋଣ୍ଡା ଆକ୍ଟିଭା ଯାନ ପଞ୍ଜି କରଣ ସହିତ ସମ୍ବର୍ଦ୍ଧନା ଉପହାର ସ୍ୱରୂପ ଦିଆଯାଇଛି।ଯାହାକି କେବଳ ଝାର ପଡ଼ା ପଞ୍ଚାୟତ ଇତିହାସରେ ନୁହେଁ ସ୍ଥାନୀୟ ଅଞ୍ଚାଲରେ ଏକ ବିରଳ ଘଟଣା ଭାବେ ପ୍ରମାଣିତ ହୋଇଛି।