ପୁରୁଣା ଭୁବନେଶ୍ୱର: ମହାପ୍ରଭୁ ଶ୍ରୀଲିଙ୍ଗରାଜଙ୍କ ମନ୍ଦିର ବ୍ୟତୀତ ଏକାମ୍ର କ୍ଷେତ୍ରରେ ଶତାଧିକ ମନ୍ଦିର ଓ ଐତିହ୍ୟସ୍ଥଳୀ ରହିଛି। ପ୍ରତିଦିନ ଏଠାକୁ ଶତାଧିକ ପର୍ଯ୍ୟଟକଙ୍କ ଆଗମନ ହୋଇଥାଏ। ସେହିପରି ପୁରୁଣା ଭୁବନେଶ୍ବର, ସୁନ୍ଦରପଦା, କପିଳପ୍ରସାଦ, କପିଳେଶ୍ବର ଆଦି ଅଞ୍ଚଳରୁ ପ୍ରତିଦିନ ଶହଶହ ଲୋକ ଶ୍ରୀଲିଙ୍ଗରାଜ ମନ୍ଦିର ନିକଟରୁ ବିଭିନ୍ନ ସ୍ଥାନକୁ ଯାତ୍ରା କରନ୍ତି। କିନ୍ତୁ ଦୀର୍ଘ ବର୍ଷେ ହେଲା, ଏଠାକୁ କୌଣସି ଟାଉନ୍‌ ବସ୍‌, ସିଟି ବସ୍ ଆସୁନାହିଁ। ଏପରିକି ‘କ୍ରୁଟ୍‌’ କର୍ତ୍ତୃପକ୍ଷ ମଧ୍ୟ ଏହି ରୁଟ୍‌ରେ ମୋ’ ବସ୍‌ ଚଳାଉ ନାହାନ୍ତି। ତେଣୁ ଏହାର ପ୍ରତିବାଦରେ ଆଜି ସେବା ପ୍ରତିନିଧି ପକ୍ଷରୁ ଶ୍ରୀଲିଙ୍ଗରାଜ ମନ୍ଦିର କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଥିଲା। ଏହାସହ ଏନେଇ ଏକ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟ‌ରେ ମନ୍ଦିର ପ୍ରଶାସନକୁ ପ୍ରଦାନ କରାଯାଇଥିଲା। ଏହି ଦାବିପତ୍ର ଏଡିଏମ୍‌ଙ୍କ ପାଖକୁ ପଠାଇ ଦିଆଯାଇଛି ବୋଲି ମନ୍ଦିର କାର୍ଯ୍ୟ ନିର୍ବାହୀ ଅଧିକାରୀ ପ୍ରଦୀପ କୁମାର ସାହୁ କହିଛନ୍ତି