କଟକ ୨୮।୮(ସ୍ୱ.ପ୍ର) ସତରେ ଏମାନେ ମଣିଷ ନା ପଶୁ ?ଏ ପ୍ରଶ୍ନ ବେଳେ ବେଳେ ଏଥିପାଇଁ ଉଠୁଛି ଯେ, ଯଦି ଏମାନେ ମଣିଷ ଏପରି ଅମଣିଷ କାମ କଲେ କେମିତି ? ଜଣେ ମଣିଷ ରୂପି ଆଉଜଣକଂର ପାଇଖାନା ନିଶଂକୋଚରେ ଖାଉଛି କେମିତି ? ଖରାପ ଲାଗୁନାହିଁ ତାକୁ କାହିଁକି ? ପ୍ରାପ୍ତ ସୂଚନାନୁଯାୟୀ, ହିତାଧିକାରୀକଂ ନାମ କୈଳାସ ସ୍ୱାଇଁ ପି:ଉତ୍ସବ ସ୍ୱାଇଁ, ଘର ଓ ପୋ:ବଡପାଟସୁନ୍ଦରପୁର ବ୍ଲକ କଣ୍ଟାପଡା ଜି: କଟକ। ବି.ପି.ଏଲ ବର୍ଗ। ଜିଲ୍ଲା ଜଳପରିମଳ ବିଭାଗ ପକ୍ଷରୁ ୧୨ହଜାର ଟଂକାର ଏକ ପାଇଖାନା ନିମନ୍ତେ କାର୍ଯ୍ୟାଦେଶ ନମ୍ବର 538/ 2015-16 ବର୍ଷ ରେ ତାଂକୁ ମିଳିଥିଲା ଯହିଁରେ ତାଂକ ସର୍ଭେ ବେସ୍ ଲାଇନ କ୍ରମିକ ନମ୍ବର 6197659515 ବୋଲିଉଲ୍ଲେଖ ଅଛି । କାର୍ଯ୍ୟାଦ୍ଦେଶ ଦେଇଥିବା କନିଷ୍ଠ ଯନ୍ତ୍ରୀ କଂ ସ୍ୱାକ୍ଷର ସ୍ନିଗ୍ଧା ଶତପଥୀ ବୋଲି ଉଲ୍ଲେଖ ଅଛି। ହିତାଧିକାରୀ ଜଣକଂ ଧାର୍ଯ୍ୟ ସମୟ ମଧ୍ୟରେ ପାଇଖାନା ନିର୍ମାଣ ଶେଷକରି ପ୍ରଶାସନକୁ ଜି.ଓ ଟ୍ୟାଗିଂ କରିବାକୁ ଜଣାଇଲେ।ବ୍ଲକର ଜଣେ କର୍ମଚାରୀ ଆସି ହିତାଧିକାରୀ କୈଳାସକଂ ଫଟୋ ବି ଉଠାଇନେଲେ । ତା ପର ଠୁ ଯେତେଥର କୈଳାସ ବ୍ଲକ ଦୌଡି ନୟାନ୍ତ ହେଲେଣି। ଏମିତି କି ୧୨ ହଜାର ଟଂକାର ପାଇଖାନା ପାଇଁ ୨୪ ହଜାର ଟଂକା ଖର୍ଚ୍ଚ କରିସାରିଲେଣି ,ଅଥଚ ପାଇଖାନା ଟଂକା ଏଯାଏ ମିଳୁନି । ଶେଷରେ କଥା ବି.ଡି.ଓ କଂ କାନକୁ ଯିବାରୁ ସଂପ୍ରୁକ୍ତ କନିଷ୍ଠ ଯନ୍ତ୍ରୀ କହିଲେ ତାଂକର ଆଉଥରେ ବେସଲାଇନ ସର୍ଭେ ହେବ, ଆଉ ଗୋଟାଏ ନୂଆ କାର୍ଯ୍ୟାଦ୍ଦେଶ ହେବ ତାପରେ ଯାଇ ତାଂକୁ ଟଂକା ମିଳିବ।କୈଳାସ ଅନୁଭବ କଲେ ଯେ ତାଂକ ପାଇଖାନା ଅନ୍ୟ କିଏ ଜଣେ ଖାଇସାରିଛି ନ ହେଲେ ତାଂକ କାର୍ଯ୍ୟାଦ୍ଦେଶରେ ଉଲ୍ଲେଖ ବେସଲାଇନ ଗଲା କୁଆଡେ?ତିନିବର୍ଷ ଟପିଲା ପରେ ଟଂକା ନ ମିଳି ଆଉଥରେ ନୂଆ କାଯ୍ୟାଦ୍ଦେଶର ମାନେକଣ ?ସେତ ସେମିତି ହିଁ ଅଛନ୍ତି ,କିଛି ବଦଳିନାହାନ୍ତି ବେଳେ ବେଳେ କୈଳାସ ନିଜ ଦେହରେ ହାତ ମାରି ଦେଖୁଛନ୍ତି। ସବୁ ତ ଠିକ ଠାକ ଅଛି ତେବେ କାର୍ଯ୍ୟାଦ୍ଦେଶର ବେସଲାଇନ ବଦଳିଲା କେମିତି ??

ଖାଉଛି କେମିତି ?ଏମିତି ଏକ ପ୍ରଶ୍ନ କଟକ ଜିଲ୍ଲା କଣ୍ଟାପଡା ବ୍ଲକରେ

ମୁଣ୍ଡ ଟେକିଛି।