ଘରୋଇ ରନ୍ଧନ ଗ୍ୟାସ୍ ରେ ଚାଲିଥିଲା ମିଠା ଓ ଚା ଦୋକାନ!!

ନିଆଳି,୧୩/୬(ନି.ପ୍ର)କଥାରେ ଅଛି ଚୋର ଘର ନୀତି ଅନ୍ଧାର ନ ଥାଏ ,ଦିନେ ନା ଦିନେ ଆଲୁଅ ଜଳେ ଓ ସେତେବେଳେ ଧରା ପଡେ।ସେମିତି ଏକ ଘଟଣା ,ଦୁର୍ଘଟଣାରୁ ଧରାପଡ଼ିଛି ପୁଲିସ ଏବଂ ପ୍ରଶାସନର ଅସଲ ଛବି।ସରକାର କରୋନା କଟକଣା ଲାଗୁ କରିଛନ୍ତି।ତା ଛଡା ଏଥିଯୋଗୁଁ ସାପ୍ତାହିକ ସଟ ଡାଉନ୍ ବି ଲାଗିରହିଛି।ତେବେ ଆସନ୍ତା କାଲି ଗଣପର୍ବ ରଜ ଆରମ୍ଭ ହେଉ ଥିବାରୁ ,କଟକଣା ଭାଙ୍ଗି କେତେକ ଦୋକାନୀ ବିଶେଷତଃ ମିଠା ଦୋକାନୀ ମାନେ ଲୁୁଚାରେ ଦୋକାନ ଖୋଲିଛନ୍ତି।ଏଥିପାଇଁ ସେମାନେ ପୁଲିସକୁ ଚାନ୍ଦା ବି ଦେଉଛନ୍ତି।କଟକ ଗ୍ରାମାଞ୍ଚଳ ଜିଲ୍ଲା ପୁଲିସ ଅଧିନସ୍ଥ, ନିଆଳି ଥାନା,କସର୍ଦ୍ଦା ଫାଣ୍ଡି ଅନ୍ତର୍ଗତ ଏରଞ୍ଚ ବଜାରରେ ଆଜି ଅପରାହ୍ନରେ ଚା ଓ ମିଠା ଦୋକାନ କରିଥିବା କୂଳ ସାହିର କାଲନ୍ଦି ବେହେରା ଅଧା ସଟର ପକାଇ ଚା ଓ ମିଠା ବିକୁଥିଲେ।ଘରୋଇ ରନ୍ଧନ ଗ୍ୟାସର ବେଆଇନ ଉପ ଯୋଗ କରି ସେ ଏହି ବ୍ୟବସାୟ ଚଳାଇ ଥିବା ବେଳେ,ଚୁଲାରୁ ଗ୍ୟାସ୍ ପାଇପ ଖୋଲିଯାଇ ସେଥିରେ ନିଆଁ ଧରିଯାଇ ଥିଲା।ଫଳରେ ନିଜେ କାଳନ୍ଦୀ ଗୁୁଋତର ଭାବେ ପୋଡି ଯାଇ ଆହତ ହେବା ସହିତ ପାଖରେ ଥିବା ଅନ୍ୟ ୩ଜଣ ଗ୍ରାହକ ବି ଆଂଶିକ କ୍ଷତିଗ୍ରସ୍ତ ହୋଇଛନ୍ତି।ମାତ୍ର ଭୟରେ ସେମାନେ ଘଟଣା ସ୍ଥଳରୁ ପଳାୟନ କରିଥିଲେ।ସେମାନଙ୍କ ମଧ୍ୟରୁ ଜଣେ କନ୍ଦଳ ଗ୍ରାମର ବୁଲା ମହାପାତ୍ର ବୋଲି ସ୍ଥାନୀୟ ଲୋକଙ୍କ ସୂଚନାରୁ ଜଣାପଡିଛି। ର୍ଗ।ଦୁର୍ଘଟଣା ପରେ ଲୋକେ ଆମ୍ବୁଲାନ୍ସ ସେବାକୁ ଡ଼କାଇ ଅଡଶ ପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ କାଳନ୍ଦୀଙ୍କୁ ଭର୍ତ୍ତି କରିଛନ୍ତି।ସବୁ ଠୁ ବଡ଼ କୌତୁହଳର ବିଷୟ ଯେ କୋଭିଡ ନିୟମ ଭାଙ୍ଗି ରଜ ପାଇଁ ଦୋକାନ ଖୋଲିଥିବା ଦୋକାନୀ ମାନଙ୍କ ଠାରୁ କସର୍ଦ୍ଦା ଫାଣ୍ଡି ଡ୍ରାଇଭର ସାଦା ପୋଷାକରେ ବଜାର ସାରା ବୁଲିବୁଲି ରଜ ଚାନ୍ଦା ଆଦାୟରେ ବ୍ୟସ୍ତ ଥିବା ବେଳେ ଦୁର୍ଘଟଣା ଘଟିଥିଲା।ଅଥଚ ଘଟଣାର ଦୁଇ ଘଣ୍ଟା ପର୍ଯ୍ୟନ୍ତ ପୁଲିସ ସେଠାରେ ପହଞ୍ଚି ନ ଥିବାରୁ ଲୋକେ ବ୍ୟାପକ ଅସନ୍ତୁଷ୍ଟ ହୋଇଥିଲେ।ପୁଲିସ, ପ୍ରଶା ସନ,ଓ ଯୋଗାଣ ବିଭାଗ ଜାଣତରେ ଦୋକାନ ଓ ବ୍ୟବସାୟ ଅନୁଷ୍ଠାନ ଗୁଡ଼ିକ ରେ ଘରୋଇ ରନ୍ଧନ ଗ୍ୟାସ୍ ଗୁଡ଼ିକର ବହୁଳ ଉପଯୋଗ ହେଉଥିବା ବେଳେ,ଚଢ଼ାଉ ଓ ଧରପଗଡ ହେଉନାହିଁ।