
କୁନି ବୈଜ୍ଞାନିକକଂ ପ୍ରୟୋଗଶାଳା: ବିଜ୍ଞାନମେଳା,ବାରଂଗବ୍ଲକ୍
କୁନି ବୈଜ୍ଞାନିକକଂ ପ୍ରୟୋଗଶାଳା,ବାର୍ଷିକ ବିଜ୍ଞାନମେଳା
ବିଦ୍ୟାଳୟ ଗୁଡିକରେ ଆୟୋଜିତ ହୋଇଆସୁଥିବା ବାର୍ଷିକ ବିଜ୍ଞାନମେଳା ଗୁଡିକ ବାସ୍ତବରେ କୁନିବୈଜ୍ଞାନିକ ମାନକଂ ପ୍ରୟୋଗଶାଳା ଭାବେ ସାବ୍ୟସ୍ତ ହୋଇଆସୁଛି । ପାଠ୍ୟଖସଡା ଅନ୍ତର୍ଭୁକ୍ତ ଅଥବା ବହିର୍ଭୁକ୍ତ ବିଜ୍ଞାନ ବିଷୟର ନୂଆ ନୂଆ ପ୍ରକଳ୍ପ ଗୁଡିକର ଉଭାବନ,ପରିକଳ୍ପନା ଏହାଦ୍ୱାରା ପ୍ରକଳ୍ପିତ ହେଉଛି। କଟକ ଜିଲ୍ଲା , ବାରଂଗ ବ୍ଲକ ଅନ୍ତର୍ଗତ ଉଷୁମା ହାଇସ୍କୁଲରେ ଚଳିତ ବର୍ଷର ବ୍ଲକସ୍ତରୀୟ ବାର୍ଷିକ ବିଜ୍ଞାନ ମେଳାସମାପ୍ତ ହୋଇଛି।ବ୍ଲକସ୍ତରରେ ଚୟନ ହୋଇଥିବା ଶ୍ରେଷ୍ଠ ପ୍ରକଳ୍ପ ଓ ପ୍ରତିଯୋଗୀ ମାନେ ଆସନ୍ତା ଜିଲ୍ଲାସ୍ତରୀୟ ବିଞାନ ମେଳାରେ ଯୋଗଦେବେ।ତେବେ ଚଳିତବର୍ଷ ର ଏହି ମେଳାରେ ମୋଟ୍ ୨୧ଟି ବିଦ୍ୟାଳୟର ୧୬୭ଜଣ ଛାତ୍ର ଛାତ୍ରୀକଂ ଦ୍ୱାରା ୧୬୭ ପ୍ରକଳ୍ପ ପ୍ରଦର୍ଶିତ ହୋଇଥିଲା।ଅଧିକାଂଶ ପ୍ରକଳ୍ପ ପ୍ରଦୂଷଣ ଉପରେ ପର୍ଯ୍ୟବସିତ ଥିଲା।ବନ୍ୟା ସମୟରେ ଜନସାଧାରଣକୁଂ ସତର୍କ କରାଇବା ନିମନ୍ତେ ଧାର୍ଯ୍ୟ ଜଳସ୍ତର ଟପିଲେ କିପରି ସ୍ୱୟଂକ୍ରିୟ ସତର୍କ ଘଣ୍ଟି କାର୍ଯ୍ୟକରିବ ତାହା ଜନୈକ ଛାତ୍ର ପ୍ରଦର୍ଶନ କରିଥିଲେ।ଅମୁହାଁ ଦେଉଳ ପ୍ରକଳ୍ପକୁ ଛାତ୍ରୀ ମନସ୍ୱିନୀ ଶର୍ମା ପ୍ରଦର୍ଶନ କରିଥିଲେ ଆୟୋଜିତ ଉତ୍ସବର ସଭାମଂଚରେ ମୁଖ୍ୟଅତିଥିଭାବେ ଶ୍ରୀଅଜିତ କୁମାର ଶାସେନି, ମୁଖ୍ୟବୈଜ୍ଞାନିକ ତଥା ବିଭାଗୀୟ ମୁଖ୍ୟ ବାୟୋଟେକ୍ନୋଲୋଜି ସି.ଏଫ.ଆଇ.ଆର ଲକ୍ଷ୍ନୌ ଓ ସମ୍ମାନିତ ଅତିଥିଭାବେ ଉକ୍ତ ସଂସ୍ଥାର ଓ ଉକ୍ତ ବିଭାଗର ଅନ୍ୟତମ ବୈଜ୍ଞାନିକ ଶ୍ରୀ ପ୍ରଶାନ୍ତ କୁମାର ରାଉତ ବହୁ ଉପାଦେୟ ବକ୍ତବ୍ୟ ମାଧ୍ୟମରେ ଡଃ ଅବଦୁଲ କାଲାମକଂ ପରି ବୈଜ୍ଞାନିକ ହେବାକୁ ସୁଚିନ୍ତିତ ପରାମର୍ଶଦେଇ ଉତ୍ସାହିତ କରିଥିଲେ । ଅନ୍ୟମାନକଂ ମଧ୍ୟରେ ବାରଂଗ ପଂଚାୟତ ସମିତି ଅଧ୍ୟକ୍ଷ ସରୋଜ କୁମାର ସାହୁ, ବାରଂଗ ବ୍ଲକ ବି.ଡି.ଓ ପ୍ରଭାକର ପଣ୍ଡା,ଓ ମୁଖ୍ୟବକ୍ତା ଭାବେ ନକ୍ଷତ୍ର ନ୍ୟୁଜ ର ବିଜ୍ଞାନ ସଂପାଦକ ଲକ୍ଷ୍ମୀନାରାୟଣ ବକ୍ସି,ବାରଂଗ ବ୍ଲକ ସହକାରୀ ବି.ଡି ଓ ଶ୍ରୀମତି ଭାରତୀ ଆଚାର୍ଯ୍ୟ,ସହକାରୀ ମଣ୍ଡଳ ଶିକ୍ଷାଧିକାରୀ ସରୋଜିନୀ ସାହୁ,ଉଷୁମା ପଂଚାୟତ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ଶ୍ରୀ ଚନ୍ଦ୍ରମଣି ପ୍ରଧାନ,ନିଖିଳଉତ୍କଳ ପ୍ରାଥମିକ ଶିକ୍ଷକ ଫେଡେରେସନ ସଂପାଦକ ଶ୍ରୀ ମନୋଜ କୁମାର ସ୍ୱାଇଁ,ବାରଂଗବ୍ଲକ ମଣ୍ଡଳ ଶିକ୍ଷାଧିକାରୀ ଶ୍ରୀ ନରେନ୍ଦ୍ରକୁମାର ବେହେରା,ଉଷୁମା ପଂଚାୟତ ସରପଂଚ ଯଚୀନ୍ଦ୍ର କୁମାର ସାହୁ ପ୍ରମୁଖ ମଂଚାସୀନ ଥିବାବେଳେ ପଣ୍ଡିତ ଅଜୟ କୁମାରପତି କାର୍ଯ୍ୟକ୍ରମ ସଂଯୋଜନା କରିଥିଲେ।କୁନିକୁନି ଛାତ୍ର ଛାତ୍ରୀମାନକଂ ଦ୍ୱାରା ମନୋଜ୍ଞ ସାଂସ୍କ୍ରୁତିକ କାର୍ଯ୍ୟକ୍ରମ ପରିବେଷିତ ହୋଇଥିଲା।ସେହିପରି ଅନୁରୂପ ଭାବେ କଣ୍ଟାପଡା ବ୍ଲକ ସ୍ତରୀୟ ବିଜ୍ଞାନମେଳା ମଧ୍ୟ ଅନୁଷ୍ଠିତ ହୋଇଯାଇଛି।କାର୍ଯ୍ୟକ୍ରମର କୀୟଦଂଶ ଆମପ୍ରିୟ ଦର୍ଶକ ତଥା ପାଠକ କଂଅବଗତି ନିମନ୍ତେ ଏଠାରେ ପେଶ୍ କରୁଛୁ
