ଜଗତସିଂହପୁର ୧୪/୯ (ଜିଲ୍ଲାପ୍ରତିନିଧି)/ବିରିଡି(ନି.ପ୍ର)- ଚାରିଆଡେ ପୂଜାପାର୍ବଣ, ମେଢଭସାଣି,ବାହାଘର ଶୋଭାଯାତ୍ରା ରେ ଏବେ ମ୍ରୁତ୍ୟୁଭେଦୀ ସଂଗୀତର ଯମଦୂତ ପାଲଟିଛି ଡି.ଜେ ଶବ୍ଦ।ଅମୂଲ୍ୟ ଜୀବନକୁ ଉଜେଇଁ ଦେବାକୁ ସଂଖ୍ୟାଧିକ ଯେମିତି ତତ୍ପର । ନା ବୁଝୁଛି ସଭ୍ୟଶିକ୍ଷିତ ମଣିଷ ନା କାର୍ଯ୍ୟକାରୀ ହେଉଛି ଆଇନର କଟକଣା ।ଏମିତି ବେଳରେ କୋଉ ଥାନାପୁଲିସ ଅବା ଆମକୁ ରକ୍ଷା କରିପାରିବ ?ଏମିତି ଏକ ଘଟଣାକ୍ରମେ ଗତକାଲି ରାତିରେ ଜଗତସିଂହପୁର ଜିଲ୍ଲାନ୍ତର୍ଗତ ବିରିଡି ବ୍ଲକ ଶଂଖାରୀସାହି ଗ୍ରାମର ସୁଦର୍ଶନ ପାଇକରାୟ ଓରଫ ଡାଂଗିଆ (୪୫)କଂର ଗାଁ ଗଣେଷ ମେଢ ଭସାଣି ବେଳେ ଡି.ଜେ ଶବ୍ଦରେ ହ୍ରୁଦଘାତ ଜନିତ ପ୍ରାଣବାୟୁ ଉଡିଯାଇଛି। ଫଳରେ ଭସାଣି ଶୋଭାଯାତ୍ରାରେ ଭାଗନେଇ ଖୁସି ମନାଉଥିବା ସୁଦର୍ଶନକଂ ନିଜର ମହାଯାତ୍ରା ଅନୁଷ୍ଠିତ ହୋଇଛି ।ଆମ ପ୍ରତିନିଧିକୁଂ ମିଳିଥିବା ସୂଚନାନୁଯାୟୀ, ଗତକାଲି ରାତିରେ ଶଂଖାରୀସାହିର ଗଣେଶ ମେଢଭସାଣିଉତ୍ସବ ଡି.ଜେ ବାଜିବା ସହିତ ଶୋଭାଯାତ୍ରା ଅନୁଷ୍ଠିତ ହେଉଥିଲା।ଏଥିରେ ସୁଦର୍ଶନ ବି ଭାଗ ନେଉଥିଲେ।ଗାଁ ଦାଣ୍ଡ ଦେଇ କଚେରୀପଡିଆ ଆଡକୁ ବିସର୍ଜନ ପାଇଁ ମେଢ ନିଆ ଯାଉଥିବା ବେଳେ ଅସହ୍ୟ ଶବ୍ଦରେ ପାଖ ଘର ଗୁଡିକର ଝରକା କବାଟ ବି ଥରିଉଠୁଥିଲା । ଏହିସମୟରେ ଶୋଭାଯାତ୍ରାରେ ବୁଲାବୁଲି କରୁଥିବା ସୁଦର୍ଶନ କଷ୍ଟ ଅନୁଭବ କରିଥିଲେ ସେ ତୁରନ୍ତ ଘରକୁ ଯାଇ ଶ୍ୱାସ ପ୍ରଶ୍ୱାସରେ କଷ୍ଟ ହେଉଥିବା ଓ ଗମଗମ ଝାଳ ବୋହୁଥିବା କହିଥିଲେ ।ଏହାଦେଖି ଗାଁ ର ଜଣେ ଫାର୍ମାସିଷ୍ଟ ସୁବାସ ପାଇକରାୟକୁଂ ଡକାଯାଇଥିଲା।ସେ ଏକ ଇଂଜେକ୍ସନ ଦେଇଥିଲେ ଓ ତୁରନ୍ତ ଡାକ୍ତରଖାନା ନେବାକୁ ପରାମର୍ଶ ଦେଇଥିଲେ ,ତେବେ ଡାକ୍ତରଖାନା ନେବା ପୂର୍ବରୁ ତାଂକ ପ୍ରାଣବାୟୁ ଉଡିଯାଇଥିଲା । ଘଟଣାକୁ ନେଇ ଗାଁ ରେ ଶୋକର ଛାୟା ଖେଳିଯାଇଛି । ଫଳରେ ଡି.ଜେ ପ୍ରତି ଅହେତୁକ ଭୟ ସ୍ରୁଷ୍ଟି ହୋଇଯାଇଛି।ସବୁଠୁ ବିସ୍ମୟର କଥା ଯେ ଶୋଭାଯାତ୍ରା ଗୁଡିକ ବେଳେ ପୁଲିସ ଉପସ୍ଥିତି ସତ୍ତ୍ୱେ କିଭଳି ୪ ଡେସିବୁଲ ଧାର୍ଯ୍ୟ ଶବ୍ଦରୁ ବହୁଉଚ୍ଚରେ ଡି.ଜେ ଗୁଡିକୁ କିଏ କିପରି ଅନୁମତି ଦେଉଛନ୍ତି ?ପୁଲିସ ବଟିଖାଇ ଆଇନରେ କୋହଳକରିଥିବା , ଏପରି ଯନ୍ତ୍ରପାତି ଗୁଡିକୁ ଜବତ କରୁ ନ ଥିବା ସାଧାରଣରେ ଅଭିଯୋଗ ହେଉଛି।କେବଳଏତିକି ନୁହେଁ, ନାମ ଗୋପନ ସର୍ତ୍ତରେ ବିରିଡିଥାନାର ଜଣେ ପୁଲିସ କର୍ମଚାରୀ କହିଛନ୍ତି କି ସରକାର ବଡବଡ କଥା କହୁଛନ୍ତି, କେବଳ ଆଇନ କରିଦେଲେ ହେବନି, ଥାନାଗୁଡିକୁ ବି ଏଯାଏ ଧ୍ୱନିମାପକ ଯନ୍ତ୍ର ଦିଆ ଯାଇନାହିଁ ,ଆମେ ମାପିବୁ କୋଉଥିରେ ? କଣ ବାଡିରେ ମାପହେବ ?