କଣ୍ଟାପଡ଼ା,୧୧/୪(ନି.ପ୍ର) କଟକ ଗ୍ରାମାଞ୍ଚଳ ପୁଲିସ ଜିଲ୍ଲା ଅନ୍ତର୍ଗତ,ଗୋବିନ୍ଦପୁର ଥାନାର ଜନୈକ ପୁଲିସ କର୍ମଚାରୀଙ୍କ ବିରୁଦ୍ଧରେ ଆସିଛି ସଙ୍ଗୀନ ଅଭିଯୋଗ ଯାହାକି ଜଣେ ପୁଲିସ କର୍ମଚାରୀଙ୍କ ଚାକିରି ସର୍ତ୍ତାବଳୀ ଉଲ୍ଲଙ୍ଘନ ସମେତ ୧୯୮୮ ଦୁର୍ନୀତି ନିବାରଣ ଆଇନ ଧାରା ୧୩ କୁ ଇଙ୍ଗିତ କରୁଛି।

ପ୍ରାପ୍ତ ତଥ୍ୟ ସୂଚନା ଆଧାରରେ ଜଣା ପଡ଼ିଛି ଯେ, ଗତ ୨୦୨୦ ମସିହା,ଅକ୍ଟୋବର ମାସ ୧୭ ତାରିଖ ବିଳମ୍ବିତ ରାତ୍ରୀ ପ୍ରାୟ ୩ଟା ବେଳେ ଗୋବିନ୍ଦପୁର ଥାନା,ଉରୁଜଙ୍ଗ ଗ୍ରାମରେ ନିଜ ମା ପାଖ ରେ ଘର ଭିତରେ ଶୋଇଥିବା ଏକ ନା ବାଳିକା ଅପହୃତା ହୋଇ ଯାଇଥିଲା।ଘର ପରିବାର ଲୋକେ ଖୋଜାଖୋଜି କରି ନିଷ୍ଫଳ ହେବାରୁ ଗୋବିନ୍ଦପୁର ଥାନାରେ ତତ୍ପର ଦିନ ,ଅର୍ଥାତ୍ ୨୦/୧୦/୨୦୨୦ ଲିିିିିିଖିତ ଅଭିଯୋଗ ଦେଇଥିଲେ।ଥାନାର ପୁଲିସ କର୍ମଚାରୀ ଆଲୋକ ଷଡ଼ଙ୍ଗୀ କେସର ଦାୟିତ୍ୱ ନେଇ ଥିଲେ।ଝିଅକୁ ଖୋଜି ଆଣି ଦେବାକୁ ଖର୍ଚ୍ଚ ଲାଗିବ କହି ସେ କୁଆଡେ ଅଭିଯୋଗକାରୀଙ୍କ ଠାରୁ ୫୦୦୦ଟଙ୍କା ନେଇଥିଲେ।କାରଣ ଝିଅଟିର ପରିବାର ଏହିଥାନା ଅନ୍ତର୍ଗତ ତୁଣ୍ଡା ଗ୍ରାମର ଅନ୍ୟଜଣେ ଦଳିତ ନା ବାଳିକା ଅପହରଣ ଘଟଣାରେ ବିବାହ ପ୍ରତିଶୃତି ଦେଇ ଅପହରଣ ପରେ ପୁଲିସ ଅଭିଯୋଗ ପାଇ ମଧ୍ୟ ସମୟୋପୋଯୋଗି ପଦକ୍ଷେେପ ନେବାରେ ବିଳମ୍ବ କରିବାରୁ ନା ବାଳିକାଟି ମାସେରୁ ଉର୍ଦ୍ଧ୍ବ ୪ ଅପହରଣକାରିଙ୍କ କବଜାରେ ଗଣ ଦୁଷ୍କର୍ମ ଓ ପରେ ହତ୍ୟାର ଶୀକାର ହୋଇଥିଲା ଓ ତାହାର ଶବ ସ୍ଥାନୀୟ ଏକ ବାଇଗଣ କିଆରୀରେ ଗାତ ଖୋଳି ଅଭିଯୁକ୍ତ ମାନେ ପୋତି ଦେଇଥିବାର କଙ୍କାଳ ଉଦ୍ଧାର ହୋଇ ଥିଲା।ଏହା ସ୍ଥାନୀୟ ଦଳିତ ପରିବାର ଗୁଡ଼ିକୁ ଭୟ ଆଚ୍ଛନ୍ନ କରି ଏଯାଏ ରଖିଛି।ଏବେ ସେହି ଘଟଣା ଅଦାଲତରେ ବିଚାରାଧୀନ ଥିବା ବେଳେ ଗିରଫ ଅଭିଯୁକ୍ତ ମାନେ ଜେଲରେ ଅଛନ୍ତି।ତେଣୁ ଏହି ଭୟ ଓ ଆଶଙ୍କାରେ ଜଡ ସଡ ଦଳିତ ବ୍ୟକ୍ତି ଜଣଙ୍କ ନିଜେ ଜଣେ ଦିନ ମଜୁରିଆ ହୋଇ ମଧ୍ୟ ଝିଅର ଉଦ୍ଧାର ଆଶାରେ ଶ୍ରୀ ଷଡ଼ଙ୍ଗୀଙ୍କୁ ଅଗତ୍ୟା ୫ ହଜାର ଟଙ୍କା ଦେଇଥିବା ସତ୍ତ୍ବେ,ଏ ଯାଏ ଅପହୃତା ନା ବାଳିକା ଜଣଙ୍କ ଉଦ୍ଧାର ହୋଇ ନାହାନ୍ତି।ଅପର ପକ୍ଷରେ ଏତଲାରେ ଉଲ୍ଲେଖ ଥିବା ସନ୍ଦିଗ୍ଧ ଉକ୍ତ ଗ୍ରାମର ଆଲୋକ ଭୋଇ ପିତା ଅମର ଭୋଇଙ୍କୁ ଅପହୃତା ଜଣଙ୍କ ସା ବାଳିକା ହେବାଯାଏ ଅନ୍ୟତ୍ର ଲୁଚାଇ ରଖିବାକୁ କୁଆଡେ ପ୍ରତିମାସରେ ଅଭିଯୁକ୍ତ ପରିବାରରୁ ମାସିକ ୨୦୦୦ ଟଙ୍କା ଲେଖାଏଁ ପୁଲିସ ବାବୁ ବଟି ଆଦାୟ କରୁଛନ୍ତି,ଏଥିରେ ଟିକେ ତାରିଖ ଓଲମ୍ ବିଲମ୍ ହେଲେ ‘ବଡ଼ବାବୁ ଡାକୁଛନ୍ତି ଥାନାକୁ ଚାଲ ‘ ଧମକ ମିଳୁଛି।କେବଳ ଏତିକି ନୁହେଁ,ଅପହୃତା ଉଦ୍ଧାର ନ ହେବା କିମ୍ବା ଲାଞ୍ଚ ଟଙ୍କା ନ ଫେରିବା କଥା ଶ୍ରୀ ଷଡ଼ଙ୍ଗୀଙ୍କୁ ପଚାରିବାରୁ ଝିଅଟିର ବାପାଙ୍କୁ ଶ୍ରୀ ଷଡ଼ଙ୍ଗୀ ଧମକ ଦେଇ ‘ତୁ ପୁଲିସକୁ ଖରାପ ବ୍ୟବହାର କରୁଛୁ, ତୋ ରେକର୍ଡିଂ ମୋବାଇଲ ରେ ରହିଲା ‘କହୁଥିବା,ଚୋରୀ ଉପରେ ସିନା ଚୋରୀ ଉପା ଖ୍ୟାନ କୁ ବୟାନ କରୁଛି।ଅଭିଯୋଗକାରିଙ୍କ ବୟାନ ପରେ ଘଟଣା ସମ୍ପର୍କରେ ପ୍ରତିକ୍ରିୟା ନେବାକୁ ଶ୍ରୀ ଷଡ଼ଙ୍ଗୀଙ୍କୁ ଯେତେ ଯୋଗାଯୋଗ କରାଗଲେ ବି ସେ ଫୋନ ଉଠାଉ ନାହାନ୍ତି,ଏଣୁ ମତାମତ ସଂଗ୍ରହ ହୋଇପାରିନାହିଁ।ଉଲ୍ଲେଖ ଯୋଗ୍ୟ ଯେ,ଏହି ଥାନାରେ କାର୍ଯ୍ୟରତ ଜଣେ ପୁଲିସ ଏ ଏସ ଆଇ ଚିତ୍ତରଂଜନ ହୋତା, ସାନପାଟସୁନ୍ଦରପୁର ଗ୍ରାମର ଜଣେ ଜାଳେଣି କାଠ ବ୍ୟବସାୟୀଙ୍କ ଠାରୁୁ ମାତ୍ର ୨୦୦୦ ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଗିରଫ ହୋଇ ଜେଲ ଯାଇଥିଲେ।ସେହି ମାମଲା ଏବେବି ବିଚାରାଧୀନ ରହିଛି।ଏହି ଘଟଣାଟି ସ୍ଥାନୀୟ ଅଞ୍ଚଳ ବାସିଙ୍କୁ ଗଭୀର ଭାବେ ଆନ୍ଦୋଳିତ କରିଥିବା ବେଳେ ଗୃହ ବିଭାଗ ଦାୟିତ୍ବରେ ଥିବା ମୁଖ୍ୟମନ୍ତ୍ରୀ ଓ 5T ସଚିବଙ୍କୁ ଜଣାଇବାକୁ କେତେକ ପରାମର୍ଶ ଦେଇଛନ୍ତି।