CAA ସାରାଦେଶରେ ଲାଗୁହେଲା —————————————————- ସମର୍ଥନ ବିରୋଧ ଲାଗି ରହିଥିବା ସତ୍ତ୍ୱେ ଜାନୁୟାରୀ ୧୦ ତାରିଖରୁ ସାରା ଦେଶରେ CAA ବା ନାଗରିକତା ସଂଶୋଧନ ଆଇନ ଲାଗୁ ହୋଇଛି।ଏ ସଂପର୍କରେ କେନ୍ଦ୍ରସରକାର ପ୍ରକାଶିତ ରାଜପତ୍ର ଜରିଆରେ ଅଧିସୂଚନା ଜାରୀ କରିଛନ୍ତି।ଶୁକ୍ରବାର ଜାରୀ ହୋଇଥିବା ଉକ୍ତ ବିଜ୍ଞପ୍ତି ଅନୁଯାୟୀ,ଏଣିକି ପାକିସ୍ତାନ, ଆଫଗାନିସ୍ତାନ,ଓ ବଂଗଳାଦେଶରେ ପ୍ରତାରିତ,ଉତ୍ପିଡୀତ ସ୍ୱଳ୍ପ ସଂଖ୍ୟକ ହିନ୍ଦୁ, ଇସାଇ,ଶିଖ, ବୌଦ୍ଧ,ପାର୍ସି,ଓ ଇହୁଦୀକୁଂ ଭାରତୀୟ ନାଗରିକତା ଦେବାକୁ ଏହି ଆଇନରେ ବ୍ୟବସ୍ଥା ରହିଛି।ନାଗରୀକତା ସଂଶୋଧନ ବିଧେୟକ ଡିସେମ୍ବର ୧୦ତାରିଖରେ ପ୍ରଥମେ ଲୋକସଭାରେ ଓ ଏହାର ଦିନକ ପରେ ରାଜ୍ୟ ସଭାରେ ପାରିତ ହୋଇଥିଲା,ଡିସେମ୍ବର ୧୨ତାରିଖରେ ରାଷ୍ଟ୍ରପତିକଂ ସ୍ୱାକ୍ଷରପରେ ଏହା ଆଇନରେ ପରିଣତ ହେଲା।ଉକ୍ତ ଆଇନ ବିରୁଦ୍ଧରେ ଦେଶର କେତେକ ସ୍ଥାନରେ ବିରୋଧ ପ୍ରଦର୍ଶନ ହୋଇଥିବା ବେଳେ ବହୁସଂଖ୍ୟାରେ ଲୋକେ ଏହାକୁ ସମର୍ଥନ କରିଥିଲେ।ବିଲ୍ ବିରୁଦ୍ଧରେ ଆସାମରୁ ପ୍ରଥମେ ବିରୋଦ୍ଧ ପ୍ରଦର୍ଶନ ହୋଇଥିବା ବେଳେ ଦେଶର ଅନ୍ୟକିଛି ସହରକୁ ଏହା ପହଂଚିଥିଲା । ଉତ୍ତରପ୍ରଦେଶ,ଦିଲ୍ଲୀ,କର୍ଣାଟକରେ ହିଂସା ହୋଇଥିଲା।ଉତ୍ତରପ୍ରଦେଶରେ ୧୯ଜଣ ଓ କର୍ଣାଟକରେ ୩ଜଣ ହିଂସା ଜନିତ ମ୍ରୁତ୍ୟୁର ଶୀକାର ହୋଇଥିଲେ।ଏହାସତ୍ତ୍ୱେ ବିଲର ଉପକାରୀତା ସପକ୍ଷରେ ଖୋଲାଖୋଲି ପ୍ରଦର୍ଶନ,ସମର୍ଥନ ଓ ଶୋଭାଯାତ୍ରା ମାନ ଦେଶ ସାରା ଦେଖିବାକୁ ମିଳିଥିଲା।ଦେଶର ଗ୍ରୁହମନ୍ତ୍ରୀ ଅମିତଶାହ କୌଣସି ପରିସ୍ଥିତିରେ ଏହି ଆଇନରୁ ପଛକୁ ହଟିବାର ପ୍ରଶ୍ନ ଉଠୁନାହିଁ ବୋଲି ରୋକ ଠୋକ ଭାବେ ବାରମ୍ବାର କହିଆସିଥିଲେ