ନିଆଳି,୨୪।୦୨(ନି.ପ୍ର) ସମଗ୍ର ନିଆଳି ନିର୍ବାଚନ ମଣ୍ଡଳୀରେ ତ୍ରି ସ୍ତରୀୟ ପଞ୍ଚାୟତ ନିର୍ବାଚନର ଅନ୍ତିମ ଚରଣ ମତଦାନ ବେଳେ ଆଜି ବୁଥ ଜବର ଦଖଲ,ଭୋଟବାକ୍ସ ଉଠାଇ ନେଇଯିବା,ମାଡ଼, ଆକ୍ରମଣ,ଏଜେଣ୍ଟ ଫର୍ମ ଚିରିଦେବା,ପୁଲିସ ଓ ପ୍ରଶାସନ ନୀରବ ରହିବା,ପ୍ରତିବାଦରେ ପୋଡ଼ାଜଳା,ରାସ୍ତାରୋକ ପୁଲିସ ଉପସ୍ଥିତି ରେ ସାନି ନିର୍ବାଚନ ଦାବି ଆଦି ସମଗ୍ର ଅଞ୍ଚଳକୁ ସ୍ତବ୍ଦ, ଅବାକ୍ କରି ଦେଇଛି।ପୂର୍ବରୁ ଶାସକ ଦଳ ସ୍ଥିତି ଭଲ ନଥିବା ଓ ଦଳ ବହୁ ଆଗରୁ ବ୍ୟାକ ଫୁଟକୁ ଯାଇ ସାରିଥିବା ଅଭିଯୋଗ ହୋଇ ଆସୁ ଥିଲା।ଏମିତି କି ପୁର୍ବତନ ବିଧାୟକ ରବି ମଲ୍ଲିକ ଓ ପୂର୍ବତନ ମନ୍ତ୍ରୀ ପଞ୍ଚାନନ କାନୁନଗୋଙ୍କ ମିଳିତ କଂଗ୍ରେସ ବିଜେଡିକୁ ବେହା ଲ୍ କରିବ ବୋଲି ବି ଆକଳନ କରାଯାଉ ଥିଲା।ତେବେ ଏହାକୁ ମୁକାବିଲା କରିବାକୁ ହିଂସା କାଣ୍ଡର ରଣ ନୀତି,ଆଗୁଆ ପ୍ରସ୍ତୁତି ଆଜି ସାମ୍ନାକୁ ଆସିଛି। ପ୍ରିଜାଇଦିଂ ଅଫିସର ଆର୍ତ୍ତଚରଣ ବେହେ ରା ପୋଖରୀ ଗାଁ ପଞ୍ଚାୟତ ବୁଥନମ୍ବର ୧୩ ଭୋଟ ବାକ୍ସକୁ ଦୁର୍ବୃ ତ୍ତ ମାନେ ନେଇଯାଇ ଥିବା ଗଣମାଧ୍ୟମକୁ ସୂଚନା ଦେଇଛନ୍ତି।ପ୍ରିଜାଇଡିଂ ଅଫିସର ଜଗବନ୍ଧୁ ବାରିକ ପ୍ରମୁଖ ଏଭଳି ତିକ୍ତ ଅନୁ ଭୂତି ବଖାଣିଛନ୍ତି।ପୋଖରୀଗାଁ ପଞ୍ଚାୟତର କାନପୁର ବୁଥର ଅବ ସ୍ଥା ବି ଆହୁରି ଭୟାନକ।ସେଠାରେ ପୂର୍ବତନ ସମିତି ସଦସ୍ୟ ରମେଶ ଚନ୍ଦ୍ର ପତି କୁହନ୍ତି ତାଙ୍କ ସାନ ଭାଇଙ୍କୁ ମାଡ଼ ମାରି ଖାବରା କରି ଦିଆଯାଇଛି।ଏଜେଣ୍ଟ ଫର୍ମ ଚିରିଦେବା,ବୁଥରୁ ବାହାର କରି ଦେବା ଓ ବୁଥ କ୍ୟାପଚରିଂଙ୍ଗ କରି ଭୋଟ ଦିଆଯାଇଛି।ସରପଞ୍ଚ ପ୍ରାର୍ଥୀନୀ ମାନିଆ ଜେନା ମଧ୍ୟ ସେଇ ସମାନ ଅଭିଯୋଗ କରିଛନ୍ତି ।ପୋଖରୀଗାଁ ପଞ୍ଚାୟତ ରାଣୀପଡ଼ାରେ ଦୁର୍ବୃତ୍ତ ମାନେ ଭୋଟ ବାକ୍ସ କୁ ନେଇଯାଇ ପାଣିରେ ପକାଇ ଦେଇଥିବା ସେ କହିଛନ୍ତି।ପ୍ରଶାସନକୁ ଅଘଟଣ ଆଶଙ୍କାରେ ଅବଗତ କରାଯାଇ ଥିଲା ମାତ୍ର ପୁଲିସ ଓ ପ୍ରଶାସନ ନୀରବ ରହିଥିଲେ।ବିଶ୍ୱଜିତ୍ ଖଟେଇ କୁହନ୍ତି ତାଙ୍କ ପତ୍ନୀ ନିବେଦିତା ନିର୍ବାଚନ ଲଢ଼ୁଛନ୍ତି ଅଥଚ ଭୁବନେଶ୍ୱର ,କଟକରୁ ଗୁଣ୍ଡା ଆଣି ସକାଳ ୭ଟାରୁ ୯ଟା ଭିତରେ ଭୋଟ ଦେଇ ଦିଆ ଯାଇଛି।କେତେକ ଜିଲ୍ଲାପାଳଙ୍କ ଅପାରଗତା ଉପରେ ପ୍ରଶ୍ନ ଉଠାଇ ଘଟଣା ସ୍ଥଳକୁ ଆସିବା ଦାବିରେ ଆନ୍ଦୋଳନରେ ବସି ରହିଛନ୍ତି।ପରିସ୍ଥିତି ଉତ୍ତେଜନାପୂର୍ଣ୍ଣ ହୋଇରହିଛି।