କଣ୍ଟାପଡ଼ା,୨୫/୪(ନି. ପ୍ର) ଓଲଟପୁରଥାନା ପକ୍ଷରୁ ମାସ୍କ ଧରପଗଡ ଓ ଜୋରିମାନା ଆଦାୟ ନାମରେ ଜଣେ ବିଜେଡି କର୍ମୀଙ୍କ ଠାରୁ ଗୋଟିଏ ଥରରେ ଦୁଇଟି ଜୋରିମାନା ଗୋଟିଏ ନଗଦ କ୍ୟାସ ଓ ଅନ୍ୟଟି ତାଙ୍କ ଅଜାଣତରେ ତାଙ୍କ ଗାଡ଼ି ନମ୍ବର ରେ ଚାଲାଣ କାଟି ଆଦାୟ କରାଯାଇଥିବା ଏବେ ସାରା ଅଞ୍ଚଳରେ କୌତୁହଳ ସୃଷ୍ଟି କରିଛି। ପ୍ରସଙ୍ଗ ଅନୁଯାୟୀ, ଅସୁସ୍ଥ ଥିବା ନିଆଳି ନିର୍ବାଚନ ମଣ୍ଡଳୀ ଯୁବ ବିଜେଡ଼ି କର୍ମୀ ତୃପ୍ତି ରଞ୍ଜନ ବେହେରା ଔଷଧ ପାଇଁ ଗତ ୨୪ ତାରିଖ ଦିନ ନିଜ ଭାଇଙ୍କ କାର ଚଳାଇ ଯାଉଥିଲେ।ଓଲଟପୁର ଥାନା ଓ କଣ୍ଟାପଡ଼ା ତହସିଲ ପକ୍ଷରୁ ମିଳିତ ଭାବେ ଅଡଶପୁରରେ ମାସ୍କ ଧରପଗଡ ହେଉଥିଲା।ତରବରରେ ମୋବାଇଲ,ଟଙ୍କା,ଏ ଟି ଏମ କାର୍ଡ ଛାଡ଼ି ଆସିଥିବା ତୃପ୍ତି ରଞ୍ଜନଙ୍କୁ ପୁଲିସ ମାସ୍କ ଯାଞ୍ଚ ନିମନ୍ତେ ଅଟକାଇ ଥିଲେ।ସେ ଅଟକି ଥିଲେ ମାତ୍ର ନିଜ କାର ଭିତରେ ସେ ନିଜେ ଏକା ଥିବାରୁ ଓ ଶ୍ୱାସ କ୍ରିୟା ସମସ୍ୟା ଥିବାରୁ ମାସ୍କ ଲଗାଇ ନାହାନ୍ତି।ଯଦି ନିୟମ ଲାଗି ଜୋରି ମାନା ହେଉଛି ସେ ଏହାକୁ ମାନିବାକୁ ପ୍ରସ୍ତୁତ।ଯାଞ୍ଚକାରୀ ମାନେ ୨୦୦ ଟଙ୍କା ଜୋରିମାନା ରସିଦ କାଟି ନେଇଥିଲେ ହେଲେ ଏହି ସମୟରେ ତାଙ୍କ ଗାଡି ନମ୍ବରରେ ତାଙ୍କ ଅଜାଣତରେ ଆଉ ୫୦୦ ଟଙ୍କାଇ ଚାଲାଣ କଟା ଯାଇ ଥିଲା।ଏହା ତାଙ୍କ ଭାଇଙ୍କ ଆକାଉଣ୍ଟକୁ ଯିବାରୁ ସେ ଏହା ପୈଠ କଲାବେଳେ ଜଣା ପଡ଼ିଥିଲା।ଏଥି ସହ ଯାଞ୍ଚ କାରୀ ମାନେ,ସେ ଜଣେ ଦଳିତ ବର୍ଗ ହୋଇଥିବା ସ୍ଥଳେ ତାଙ୍କୁ ଦୁର୍ବ୍ୟବହାର କରିଥିବା ଅଭିଯୋଗ କରିଛନ୍ତି।ଏଥି ନେଇ ସେ ଦଳର ନେତା ନବୀନ ପଟନାୟକ ଓ 5T ସଚିବ ଭି କେ ପାଣ୍ଡିଆନଙ୍କୁ ଜଣାଇବେ ବୋଲି କହିଛନ୍ତି।