ପ୍ରଶାସନ ଓ କର୍ମଚାରୀ ମାଲାମାଲ,ଅସଲ ଗରୀବ ଜଳକା । ଭୂବନେଶ୍ୱର ୨୭।୮(ସ୍ୱତନ୍ତ୍ରପ୍ରତିନିଧି)”ଫନି” ବାତ୍ୟା କ୍ଷତିଗ୍ରସ୍ତ ଓଡିଶାର ବହୁ ଜିଲ୍ଲାରେ ପିଡୀତ ମାନକୁଂ ସରକାରୀ ସହାୟତା ନାଁ ରେ ପ୍ରଶାସନିକ ଅଧିକାରୀକଂ ଠାରୁ ଆରମ୍ଭ କରି ଦାୟୀତ୍ୱରେ ଥିବା କର୍ମଚାରୀ, କୁଜିନେତାକଂ ପର୍ଯ୍ୟନ୍ତ ଏମିତି ଲୁଟିଛନ୍ତି ଯେ ,କାହାର ପୁଷମାସ ତ କାହାର ସର୍ବନାଶ ସାବ୍ୟସ୍ତ ହୋଇଛି; ସପ୍ରମାଣ ଅଭିଯୋଗକୁ ବି ଶୁଣିବାକୁ କେହି ନାହିଁ।ସରକାରୀ ତହବିଲରୁ କୋଟି ଟଂକା ଲୁଟିନେବାକୁ ସଭିଏଁ ଯେମିତି ଏକାକାର,ତତ୍ପର। ବାଡ ଯେତେବେଳେ ଫସଲ ଖାଉଛି ଜଗିବ ବା କିଏ ? ଅସଲ ଗରୀବ କିନ୍ତୁ ମୁଣ୍ଡ କୋଡୁଛି।ବୌଦ୍ଧିକ ରାହାଜାନୀର ଏହି ଖେଳକୁ ବୁଝିବାକୁ ମୁଣ୍ଡ ଥିବାପରି ଜଣାପଡୁନି।ପରିସ୍ଥିତି ଏପରି ହୋଇଛି ଯେ ଘଟଣା ଚିଟଫଣ୍ଡକୁ ବଳିପାରେ ବୋଲି ଆଶଂକା ପ୍ରକାଶ ପାଇଛି। ଘଟଣାରେ ସଂପ୍ରୁକ୍ତ ବହୁ ସରକାରୀ ଅଧିକାରୀ ବିହାର ଗୋ-ଖାଦ୍ୟ ଦୁର୍ନୀତି ଅଥବା ଚିଟଫଣ୍ଡ ମାମଲା ପରି ଜେଲର ଚାରିକାନ୍ଥ ଭିତରେ ଦିନକାଟିପାରନ୍ତି। ତୋଷରପାତ ସରକାରୀ ଅର୍ଥକୁ ଅଭିଯୁକ୍ତ ମାନକଂ ଠାରୁ ଆଦାୟ ନିମନ୍ତେ ହୁଏତ ସମୟ ଲାଗିପାରେ। ପ୍ରାପ୍ତ ସୂଚନାନୁଯା ୟୀ, ୧୯୯୯ ମହାବାତ୍ୟା ପରେ ଗତ ୨୦୧୯ ର ଫନି ମହାବାତ୍ୟାରେ ଧନ ଜୀବନ କ୍ଷୟକ୍ଷତି ଘଟିଥିଲା। ସରକାରୀ କର୍ମଚାରୀ ମାନେ କ୍ଷତି ଘଟିଥିବା ଘର ଗୁଡିକର ଆକଳନ କରିଥିଲେ। ମାତ୍ର ଏଥିରେ ମାତ୍ରାଧିକ ପ୍ରିୟାପ୍ରିତୀ ତୋଷଣର ଅଭିଯୋଗ ହୋଇଛି।ଅଭିଯୋଗ ଗୁଡିକରୁ ଅଧିକାଂଶ ବି ସତ୍ୟ ଥିବାର ପ୍ରମାଣ ମିଳିଲାଣି। ଯାହାକି ଯୋଜନା ବଦ୍ଧଉଦ୍ୟମର ଅଂଶବିଶେଷ ବୋଲି ବିଶ୍ୱାସ କରାଯାଉଛି। ବହୁ ଥିଲାବାଲା ଓ ଲକ୍ଷପତି ପରିବାର ସରକାରୀ କର୍ମଚାରୀ ମାନକଂ ଉପରେ ନିଜପାରିବା ପଣିଆର ପ୍ରଭାବ ବିସ୍ତାର କରି ଏ ସବୁ ହାତେଇ ନେଇଛନ୍ତି। ସରକାର କୁଆଡେ କୋଠାଘର ଥିଲେ ବି ଚାଳଘର ଭାଂଗିଥିଲେ କୋଠା ଘରମିଳିବ କହିଥିଲେ ବୋଲି ସର୍ଭେ କରୁଥିବା କର୍ମଚାରୀମାନେ ଲୋକମାନକୁଂ ଲୁଟିଛନ୍ତି ଓ ଏଭଳିପରିବାର ଗୁଡିକର ନାମ ବି ତାଲିକାରେ ପ୍ରକାଶିତ ହୋଇଛି। ଗୋଟିଏ ଗୋଟିଏ ପରିବାର ସରକାରକଂ ଦ୍ୱାରା ପ୍ରକାଶିତ ଭୋଟର ତାଲିକାରେ ଘର ନମ୍ବରଅଲଗା ନ ହୋଇ ଓ ଗୋଟିଏ ପ୍ଲଟ୍ ଉପରେ ଅବସ୍ଥିତ

ଅଥଚ ସରକାରୀ ଭାବେ ସର୍ଭେ ରେ ପରିବାର ଗୁଡିକୁଏକାଧିକ ବୋଲି ଦର୍ଶାଯାଇଛି। କେବଳ ଏତିକି ନୁହେଁ, ପୂର୍ବରୁ ପାଇଥିବା ଇନ୍ଦିରା ଆବାସ କୋଠାଘର ବି ସେଇଏକା ପ୍ଲଟ୍ ରେ ଥାଇ, ପୁନର୍ବାର ପ୍ରଧାନମନ୍ତ୍ରୀ ଆବାସ ସେଇଏକା ପ୍ଲଟ ଉପରେ ହାତେଇନେଇଥିବା ସତ୍ତ୍ୱେ ବାତ୍ୟାରେ ଗୋଟିଏ ବି କୋଠାଘର ଭାଂଗି ନ ଥିବାର ସର୍ଭେ ରିପୋର୍ଟ କୁ ଏଡାଇ ପ୍ରଶାସନର କେଉଁ ଅଧିକାରୀ ମାନେ ବହୁଳ ସଂଖ୍ୟାରେ କାହା ଭଂଗା ଚାଳିଆ ଦେଖେଇ ଜି.ଓ ଟ୍ୟାଗ କରିଛନ୍ତି ? କୋର୍ଟକଂ ଆଦେଶ ହେଲେ କ୍ରାଇମବ୍ରାଂଚ ତଦନ୍ତରେ ଉକ୍ତ ଅମେଳ ଧରାପଡିବ ଓ ଅବସ୍ଥା କଣ ହେବ ବୋଲି ମତ ପ୍ରକାଶ ପାଉଛି । କେତେକେ ଅତିପ୍ରଭାବଶାଳୀ ଅତିଚାଲାକ୍ ବ୍ୟକ୍ତି ନିଜ ଓ ପିତାଂକନାମ ରେକର୍ଡରେ ଥିବା ସାଂଗିଆ କୁ ସର୍ଭେ ବେଳେ ଜାଣିଶୁଣି ଭୁଲ ଦର୍ଶାଇଛନ୍ତି ଯାହାକୁ ମଂଜୁର ପରେ ଏବେ ସାଂଗିଆ ସଂଶୋଧନ ଆଳରେ ହାତେଇ ନେବାକୁ ବସିଛନ୍ତି।ଇନ୍ଦିରା ଆବାସ ଯୋଜନା ଟି ପ୍ରଧାନମନ୍ତ୍ରୀ ଆବାସ ଯୋଜନା କୁ ବଦଳିଛି ଅଥଚ ମୁଖ୍ୟ ନିୟମାବଳୀ ର ଧାରା ସମାନ ରହିଛି ଏ ସବୁର ସରକାରୀ ପ୍ରମାଣ ଦପ୍ତର ଗୁଡିକରେ କାଗଜ ପ୍ରମାଣ ରହିଛି। କେଉଁମାନେ ମାଗଣାଘର ପାଇଛନ୍ତି, କେଉଁ ବର୍ଷରେ ପାଇଛନ୍ତି,କେଉଁ ପ୍ଲଟ୍ ଉପରେ ଏସବୁ ଘର ରହିଛି ତାହାର ସଂପୂର୍ଣ ତଥ୍ୟ ପ୍ରଶାସନ ନିକଟରେ ମହଜୁଦ ଥିବାବେଳେ ଗୁଗଲ ମ୍ୟାପ ସାଟେଲାଇଟ ରୁ ନିଆ ଯାଇଥିବା ଫଟୋରେ ବି ସବୁଘରର ଚିତ୍ର ସୁସ୍ପଷ୍ଟ । ଯଦି ଏସବୁର ମେଳକ ପାଇଁ କ୍ରାଇମବ୍ରାଂଚ ଓ ନ୍ୟାୟାଳୟରେ କେହି ବି ଜଣେ ପ୍ରାର୍ଥନା କରେ କି ଉତ୍ତର ରଖିବ ପ୍ରଶାସନ, କି ଅବସ୍ଥା ହେବ ଏ ସବୁ କାମଳ ଆକ୍ରାନ୍ତ ଅଧିକାରୀ ଓ କର୍ମଚାରୀ କଂର ? ତାହାର ଚିନ୍ତନ ମନ୍ଥନ ବେଳହୁଁ ନ କଲେ ଭେଳା ବୁଡିବା ଥୟ। କାରଣ ଡିଜିଟାଲ ଯୁଗରେ ଧରାପଡିଯିବା ଓ ପ୍ରମାଣ ଅତିସହଜ ।