କଣ୍ଟାପଡା/ ନିଆଳି/ (ନି.ପ୍ର)/ ଜଗତସିଂହପୁର ୨୧।୮(ସ୍ୱ.ପ୍ର) ଗୋବିନ୍ଦପୁର ଥାନା,ଡିମିରି ଫାଣ୍ଡି ଅନ୍ତର୍ଗତ ପଣ୍ଡାବଗିଚା ଛକ ନିକଟରେ ଆଜି ପ୍ରତ୍ୟୁଷରେ ଭୂବନେଶ୍ୱରରୁ ବାଇକରେ ଜଗତସିଂହପୁରକୁ ଫେରୁଥିବା ଦୁଇଜଣ ବ୍ୟକ୍ତିକଂ ଠାରୁ ଦୁଇଜଣ ଦୁର୍ବ୍ରୁତ୍ତ ବନ୍ଧୁକ ଦେଖାଇ ୩ହଜାର ଟଂକା,ଦୁଇଟି ମୋବାଇଲ ଫୋନ୍ ଓ ଜଣକଂ ବେକରେ ପଡିଥିବା ଏକ ସୁନାଚେନ ଲୁଟିନେଇଥିବା ଡିମିରି ଫାଣ୍ଡିରେ ଲିଖିତ ଅଭିଯୋଗ ହୋଇଛି।ମିଳିଥିବା ସୂଚନାନୁଯାୟୀ, ଜଗତସିଂହପୁର ଅଂଚଳର ଜଣେ ରୋଗୀ ଭୂବନେଶ୍ୱରର ଏକଚିକିତ୍ସାଳୟରେ ଚିକିତ୍ସିତ ହେଉଛନ୍ତି।ତାଂକର ଆଜି ଅସ୍ତ୍ରୋପଚାର ହେବାର ଥିଲା ।ଟଂକାପାଇଁ ତାଂକ ନିକଟରେ ଥିବା ଦୁଇଜଣ ଆତ୍ମୀୟ ଜଗତସିଂହପୁର ଆଡକୁ ଆସୁଥିଲେ।ସେମାନେ ଅଡଶପୁର ଦେଇ କସର୍ଦ୍ଦା ପର୍ଯ୍ୟନ୍ତ ଆସୁଥିବା ବେଳେ ଡିମିରି ଫାଣ୍ଡିର ଅନତି ଦୂରରେ ରାସ୍ତାଉପରେ ଦୁଇ ଦୁର୍ବ୍ରୁତ୍ତ ବନ୍ଧୁକ ଦେଖାଇ ଅଟକାଇଥିଲେ ଓ ଦୁଇଟିମୋବାଇଲ, ଚିକିତ୍ସା ପାଇଁ ପାଖରେ ଥିବା ୩ହଜାର ଟଂକା, ବେକରେ ପଡିଥିବା ଏକ ସୁନାଚେନକୁ ଲୁଟି ନେଇଥିଲେ।ବାଇକ୍ ଛଡାଇବା ବେଳେ ପ୍ରାତଃ ଭ୍ରମଣରେ ଆସିଥିବା କିଛିଲୋକ ପାଟିତୁଣ୍ଡ ଶୁଣି ସେଠାରେ ପହଂଚିଯିବାରୁ ଅସାମାଜିକମାନେ ଖସିପଳାଇଥିଲେ । ସେମାନେ ସ୍ଥାନୀୟ ଅଂଚଳର ବୋଲି ଦେଖିଥିବା ଲୋକେ କହିଛନ୍ତି।ତେବେ ପୁଲିସର ନିଷ୍କ୍ରିୟତାକୁ ସେମାନେ ଦାୟୀ କରିଛନ୍ତି।