ଫନିଟଂକାପାଇଁ ଅପକୌଶଳ ଧରାପଡିଲା !

କଣ୍ଟାପଡା ବ୍ଲକ ବଡପାଟସୁନ୍ଦରପୁର ପଂଚାୟତର ବାରସାଇଲୋ ଗ୍ରାମରେ ଫନି ସହାୟତାର ଅନୁସଂଧାନ ନିମନ୍ତେ ବ୍ଲକର କେତେକ କର୍ମଚାରୀକଂ ଏକ ଟିମ ଘରଘର ବୁଲି ଅନୁସଂଧାନ କରୁଥିଲେ।କେତେକ ହିତାଧିକାରୀ ସେମାନକୁଂ ନିଜ ନିଜର ଘର ଦେଖାଉଥିଲେ।ଗୋଟିଏ ଜାଗାରେ ପହଂଚି ଟିମ ମୁଖ୍ୟ ୩ ବଖରା ଘର ମଧ୍ୟରୁ କାହାର କେଉଁଟି ବୋଲି ପଚାରି ଲେଖୁଥିଲେ। ଚାବିପଡିଥିବା ମଝି ବଖରା କାହାର ବୋଲି ପଚାରିବାରୁ ତାହା ଭାଣପୁର ଆମ ଦେଠା ଶ୍ୱଶୁରକଂର ସେ ସେଠାରେ ରହୁଛନ୍ତି ବୋଲି କେହି ଜଣେ କହିଥିଲେ।ଅନୁସଂଧାନ କରୁଥିବା କର୍ମଚାରୀ କଥାଟା ଉପରେ ସଂଦେହ ପ୍ରକଟ କରି ପୁଣି ପଚାରିଲେ ଦେଠାଶ୍ୱଶୁରକଂ ଘର ଭାଣପୁରରେ ଏଠି ରହୁଛନ୍ତି ?ଘରର ଚାବି କାହା ପାଖରେ ଅଛି ? ଉତ୍ତର ମିଳିଲା ଚାବି ସେ ନେଇ ଯାଇଛନ୍ତି ତାଂକ ଘର।ଅନୁସଂଧାନକାରୀ ଦଳ ଆଗକୁ ଯିବାକୁ ପାଦ ବଢାଉଥିବା ବେଳେ ହଠାତ୍ ଚାବିପଡି ବାହାରୁ ବନ୍ଦଥିବା ଘର ଭିତରୁ ଜଣେ କଅଁଳିଆ ଶିଶୁର ଲଗାତର କାନ୍ଦଣା ଶୁଭିଲା ,ତଦନ୍ତକାରୀ ଦଳ ଅଟକିଗଲେ ବାଧ୍ୟହୋଇ ଘରର ଯେ ଚାବି ରଖିଥିଲେ ଖୋଲିବା ବେଳକୁ ଜଣେ ୨।୩ ମାସର କଅଁଳିଆ ଶିଶୁକୁ ତାର ମା ତଳେ ବସି କୋଳରେ ଧରିଥିବା ଛୁଆକୁ କ୍ଷୀର ଖୁଆଉଥିବା ଦେଖିବାକୁ ମିଳିଲା । ତଦନ୍ତକାରୀ ଦଳ ଚାବି ଖୋଲିବାଲୋକକଂ ମୁହଁକୁ ଚାହିଁଲେ ମାତ୍ରଏତେବେଳଯାଏ ସେ ମିଛକହିଥିବା ଧରାପଡିଯାଇଥିବାରୁ ଲଜ୍ଜାରେ ମୁହଁକୁ ଚାହିଁ ପାରୁ ନ ଥିଲେ।ଏହି ମୁହୂର୍ତ୍ତକୁ କୌତୁହଳ ସହକାରେ ତଦନ୍ତ ଟିମ୍ ଉପଭୋଗ କରିଥିଲେ।ଘଟଣାଟି ସାରା ଅଂଚଳରେ ବେଶ୍ ଚର୍ଚ୍ଚାର ବିଷୟ ପାଲଟିଛି ।