ପରିବେଶ ପ୍ରଦୂଷଣ ମୁଣ୍ଡ ବଥାର କାରଣ

ବିଶ୍ୱଜଳବାୟୁ ଦିନକୁ ଦିନ ଯେଭଳି ଅବନତି ଆଡକୁ ଯାଉଛି ତାହା ଆମପାଇଁ ଓ ଆଗାମୀ ବଂଶଧରକଂ ପାଇଁ ବଡଉଦବେଗର କାରଣ ପାଲଟିଲାଣି।ଏପରି ଅବସ୍ଥା ଜାରୀ ରହିଲେ ୨୦୩୦ ମସିହା ସୁଦ୍ଧା କିଭଳି ପରିସ୍ଥିତି ଉପୁଜିବ ସେଥିନେଇ ବିଭିନ୍ନଦେଶର ବୈଜ୍ଞାନିକ ମାନେ ଆଶଂକା ପ୍ରକାଶ କଲେଣି।ପରିବେଶକୁ କିପରି ରକ୍ଷା କରାଯାଇପାରିବ ସେଥିନେଇ ସଚେତନତା ଜାରୀ କରିବାକୁ ଆଜି ସାରା ବିଶ୍ୱରେ ପ୍ରତ୍ୟେକ ଦେଶ,ମହାଦେଶ,ରାଜ୍ୟ ଓ ସହର ମାନକଂରେ ବିଶ୍ୱ ଜଳବାୟୁ ସତ୍ୟାଗ୍ରହ ଅନୁଷ୍ଠିତ ହୋଇଯାଇଛି।ସେହିପରି ନିଆଳି ଅଂଚଳର ଅଗ୍ରଣୀ ସ୍ୱେଛାସେବୀ ଅନୁଷ୍ଠାନ “ଗ୍ରାମୀଣ ସେବକ ସମାଜ” ଓ “ବିଲୁପ୍ତି ବିପ୍ଳବ ” ଓଡିଶା,ପକ୍ଷରୁ କଣ୍ଟାପଡାବ୍ଲକ ଅନ୍ତର୍ଗତ ଅଡଶପୁର ଗ୍ରାମ ପଂଚାୟତ କାର୍ଯ୍ୟାଳୟ ସମ୍ମୁଖରେ ଏକ ସତ୍ୟାଗ୍ରହ ଆଜି ପୂର୍ବାହ୍ନରେ ଆୟୋଜିତ ହୋଇଥିଲା । ଅନୁଷ୍ଠାନର କର୍ମକର୍ତା ଓ ସଦସ୍ୟ ମାନେ ହାତରେ ପ୍ଲାକାର୍ଡ ମାନ ଧରିଥିଲେ । “ ଗଛ ଗଛ ଗଛ ,ଆଉସବୁ ପଛ” ନାରାବାଜି କରାଯାଇଥିଲା ।ଅନୁଷ୍ଠାନର ସଂପାଦକ ତଥା ଯୋଗ ଅଧ୍ୟାପକ ସଂନ୍ତୋଷ କୁମାର ମାଝି କଂ ନେତ୍ରୁତ୍ୱରେ ସହ – ସଂପାଦକ ଇଂ ଅବିନାଶ ମହାପାତ୍ର ,ସୂର୍ଯ୍ୟକାନ୍ତ ମଲ୍ଲିକ ଉପସଭାପତି ,ହେମନ୍ତକୁମାର ମଲ୍ଲିକ, କୋଷାଧ୍ୟକ୍ଷ ସଂଦୀପ ମଲ୍ଲିକ,ଯଶୋବନ୍ତ ରାଉତରାୟ, ସୌଭାଗ୍ୟ ରଂଜନ ବେହେରା, ସୁବ୍ରତ କୁମାର ବେହେରା, ମହମ୍ମଦ ଯିଶନ ,ସେକ୍ ୟହିଦ,ଆଶିଷ ପରିଜା,ସାଗରସାହୁ,ସୁଜିତ ରାଉତରାୟ ,ନ୍ରୁସିଂହ ଚରଣ ପ୍ରୁଷ୍ଟି ,ସମ୍ବିତ କୁମାର ମଲ୍ଲିକ, ସୋମନାଥ ବେହେରା,ରାଜେଶ ମହାପାତ୍ର,ମୋହନ ଭୋଇ,ଆଶିଷ କୁମାର ସ୍ୱାଇଁ,ବିନୟ କୁମାର ମହାନ୍ତି ପ୍ରମୁଖ ସତ୍ୟାଗ୍ରହୀ ଭାଗ ନେଇଥିଲେ।ସମାଜସେବୀ ତଥା ଅନୁଷ୍ଠାନର ସଂପାଦକ ସନ୍ତୋଷ କୁମାର ମାଝି କାର୍ଯ୍ୟକ୍ରମ ପରିଚାଳନା କରିଥିଲେ । ସୂଚନା ଯୋଗ୍ୟ ଯେ ,ସରକାର ବ୍ୟାପକ ପରିମାଣରେ ବ୍ରୁକ୍ଷ ରୋପଣ ,ସଚେତନତା ଓ ସୁରକ୍ଷା ନିମନ୍ତେ ସ୍ୱତନ୍ତ୍ର ଆଇନ ପ୍ରଣୟନ କରିବାକୁ ଉକ୍ତ ଅନୁଷ୍ଠାନ ପକ୍ଷରୁ ବହୁବାର ଦାବୀ କରାଯାଇଆସୁଛି ।