କଟକ ଗ୍ରାମାଞ୍ଚଳ ଜିଲ୍ଲା,(ନିପ୍ର)କଟକ ଗ୍ରାମାଞ୍ଚଳ ଜିଲ୍ଲା,କଣ୍ଟାପଡ଼ା ବ୍ଲକ,ଗୋବିନ୍ଦପୁର ଥାନା ଅନ୍ତର୍ଗତ କମାରସାହି ଉଚ୍ଚପ୍ରାଥମିକ ସରକାରୀ ବିଦ୍ୟାଳୟ ରେ କର୍ତ୍ତୃପକ୍ଷଙ୍କ ଅବହେଳାରୁ ଜଣେ କୋମଳମତି ଷଷ୍ଠଶ୍ରେଣୀର,ଦଳିତଛାତ୍ରୀ ଜଣଙ୍କ ପାଦ ମଧ୍ୟାହ୍ନ ଭୋଜନ ପ୍ରସ୍ତୁତି ନିମନ୍ତେ ଉଦ୍ଦିଷ୍ଟ ଏକ ଧାରୁଆ ପନିକି ଉପରେ ପଡ଼ି କଟିଯାଇଛି।ତେବେ ନିକଟ ରେ ଅବସର ନେବାକୁ ଯାଉଥିବା ବିଦ୍ୟାଳୟ କର୍ତ୍ତୃପକ୍ଷ ଓ ବ୍ଲକଶିକ୍ଷାଧିକାରୀ ନିଜ ପେଡ଼ିପୁଟୁଳା ବାନ୍ଧିବାରେ ବ୍ୟସ୍ତ ରହିଥିବାରୁ ଅତି ଅମାନବୀୟ ଭାବେ ଘଟଣାକୁ ଚାପି ଦେବାକୁ ଉଦ୍ୟମ କରି ଥିବା ଅଭିଯୋଗ ହୋଇଛି।ଏବେ ଘଟଣାକୁ ନେଇ ମାନବ ଅଧିକାର କମିଶନଙ୍କ ନିକଟରେ ମାମଲା ରୁଜୁ କରାଯିବ ବୋଲି ଛାତ୍ରୀ ଅଭିଭାବକଙ୍କ ସୂତ୍ର ରୁ ଜଣାପଡିଛି।ପ୍ରାପ୍ତ ସୂଚନା ଅନୁଯାୟୀ,ବିଦ୍ୟା ଳୟର ପ୍ରଧାନଶିକ୍ଷୟତ୍ରୀ ଭାବେ ଆଜି ପ୍ରଭାତୀ ସେନାପତି(ଛଦ୍ମନାମ)ଦାୟିତ୍ବରେ ଥିଲେ।ମଧ୍ୟାହ୍ନ ଭୋଜନ ପନିକିକୁ କେହି ଖାଇବାଲାଗି ପତ୍ର କାଟିବାକୁ ନେଇଥିବା କୁହା ଯାଇଥିଲେ ହେଁ ସରକାର ପିଲା ମାନଙ୍କ ଖାଇବା ଲାଗି ଥାଳି ଯୋଗାଇଛନ୍ତି,ମାତ୍ର ପନିକି ନଳକୂଅ ପାଖକୁ କେମିତି ଆସିଲା?ନଳକୂପ ପାଖରେ ଏହାକୁ ରଖି ଦେଇ ଏହା ଉପରେ କିଛି ଡିମିରି ପତ୍ର କିଏ ଘୋଡାଇ ଦେଇଥିଲା?।ବିଦ୍ୟାଳୟ ମୁଖ୍ୟ ଏହାର ଯାଞ୍ଚ ମଧ୍ୟ କରିନଥିଲେ।ଫଳରେ ଏହି ବିଦ୍ୟାଳୟ ରେ ଚଉପଡ଼ା ଗ୍ରାମର ଜଗନ୍ନାଥ ଭୋଇଙ୍କ ଷଷ୍ଠ ଶ୍ରେଣୀରେ ପଢ଼ୁଥିବା ଝିଅ ସଂଜୀବନୀ (ଛଦ୍ମନାମ ) ଜାଣି ନପାରି ନଳକୂଅ ନିକଟକୁ ଯିବାରେ କିଛି ଡିମିରିପତ୍ର ତଳେ ଲୁଚାଯାଇଥିବା ଧାରୁଆ ପନିକି ଧାର ଉପରେ ତାଙ୍କ ନରମ ପାଦପଡ଼ି କଟି ଯାଇ ଥିଲା। ଧାରଧାର ରକ୍ତସୁଅ ପାଦରୁ ଛୁଟୁ ଥିବାରୁ ଯନ୍ତ୍ରଣାରେ ଛଟପଟ ହୋଇ ସେ କାନ୍ଦିଥିଲେ ,ପାଦରୁ ବୋହୁଥିବା ରକ୍ତକୁ ପାଖରେ ପଡିଥିବା ଇଟା ଓ ପଥରରେ ପୋଛିଥିଲେ,ଅପର ପକ୍ଷରେ ଘଟଣା ଚାପିବାକୁ ଦାୟିତ୍ୱରେ ଥିବା ପ୍ରଧାନ ଶିକ୍ଷ ୟତ୍ରୀ ଘରେ ଏକଥା ନ ଜଣାଇ ଝୁଣ୍ଟି ପଡ଼ିଥିବା କହିବାକୁ ଛାତ୍ରୀଙ୍କୁ ତାଗିଦ୍ କରିଥିଲେ କିନ୍ତୁ କୌଣ ସି ପ୍ରାଥମିକ ଚିକିତ୍ସାକେନ୍ଦ୍ରକୁ ନେଇନଥିଲେ ଏଠା ରେ କଥା ଉଠୁଛି ଯେ,ଯଦି ପ୍ରଧାନଶିକ୍ଷୟତ୍ରୀ ଜଣ ଙ୍କର କିଛି ଦୋଷ ନଥିଲା ଘରେ ନଜଣାଇବାକୁ ଓ ମିଛ କହିବାକୁ ସେ ପ୍ରବର୍ତ୍ତାଇଥିଲେ କାହିଁକି?ସୂଚନାଯୋଗ୍ୟ ଯେ,ପୂର୍ବରୁ ଶ୍ରେଣୀ କକ୍ଷକୁ ପରି ଷ୍କାର ପରିଚ୍ଛନ୍ନ ରଖାଯାଇ ନଥିବା ବେଳେ ଏହି ବିଦ୍ୟାଳୟ ଶ୍ରେଣୀକକ୍ଷରେ ସ୍ଥାନୀୟ ବାରସାଇ ଲୋ ଗ୍ରାମର ଜଣେଛାତ୍ରଙ୍କୁ ସାପକାମୁଡ଼ି ଥିଲା।ଯୋଗକୁ ସାପଟି ବିଷଧର ନଥିବାରୁ ଛାତ୍ର ଜଣଙ୍କ ବଞ୍ଚିଯାଇଥିଲେ।ସେତେବେଳେ ମଧ୍ୟ ଘଟଣାର ଉଚ୍ଚସ୍ତରୀୟ ତଦନ୍ତବଦଳରେ ଚାପି ଦେବା ଉଦ୍ୟମ ହୋଇଥିଲା।ଆଜିର ଏପରିଘଟଣା ପରେ ବିଦ୍ୟାଳୟ ପକ୍ଷରୁ ବିଭାଗୀୟ ଉଚ୍ଚଅଧିକାରୀଙ୍କୁ ଘଟଣାସ୍ଥଳକୁ ଡକାଇଥିବା କିମ୍ବା ଡକାଇ ନଥିବା ଦେଖିବାକୁ ମିଳିନାହିଁ।ଯାହାକି ସେମାନଙ୍କ ଭୂମିକା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।ପୂର୍ବରୁ ପ୍ରାର୍ଥନା ରେ “ସତ କହିବାକୁ କିଆଁ ଡରିବି,ସତ କହି ପଛେ ମଲେ ମରିବି “ବୋଲା ଯାଉଥିବା ବେଳେ ଏବେ ନିଜେ ଗୁରୁ ମିଛ କହିବାକୁ ପିଲାଙ୍କୁ ତାଲିମ ଦେଉ ଥିବା ଘୋର ସଂଶୟ ସୃଷ୍ଟି କରିଛି।ଘଟଣା ଲାଗି ଉତ୍ତଦାୟିତ୍ଵର ଉତ୍ତର କାହାଠୁ ବି ମିଳୁନି।