ମହାରାଷ୍ଟ୍ରରେ ସ୍ୱର୍ଗତଃ ହିନ୍ଦୁ ହୃଦୟର ସମ୍ରାଟ ବାଲା ସାହେବ୍ ଦେଓରସଙ୍କ ସ୍ଵପ୍ନର କଠୋର ହିନ୍ଦୁତ୍ବବାଦ ପୁନଃ ଫେରିବା ନେଇ ନୂତନ ଆଶା ଓ ସମ୍ଭାବନା ସୃଷ୍ଟି ହୋଇଛି।ମିଳିଥିବା ସୂଚନା ଅନୁଯାୟୀ,ବାଲା ସାହେବଙ୍କ ପରେ ତାଙ୍କ ନୀତି ଆଦର୍ଶ ପ୍ରତି କୁଠାର ଘାତ ପୂର୍ବକ କ୍ଷମତା ହାସଲ କରିଥିବା ଶିବସେନା ନେତା ଉଦ୍ଧବ ଠାକରେ ଦଳୀୟ ବିଦ୍ରୋହ ଯୋଗୁ କ୍ଷମତାଚ୍ୟୁତ ହୋଇଛନ୍ତି।ଶିବସେନା ବିଧାୟକ ଏକ ନାଥ ସିନ୍ଧେଙ୍କ ନେତୃତ୍ୱରେ ବିଜେପିର ୪୦ଜଣ ଓ ଶିବସେନାର ୧୦ଜଣ ଏପରି ମୋଟ ୫୦ଜଣ ବିଧା ୟକ ଏକତ୍ର ହୋଇ ବିଦ୍ରୋହ ଆରମ୍ଭ କରିଥିଲେ।ନି ଜ ଗାଦି ବଞ୍ଚାଇବାକୁ ଉଦ୍ଧବଙ୍କ ସମସ୍ତ କଳକୌଶଳ ଫେଲ ମାରିଥିଲା।ଏପରିକି ସଂଖ୍ୟା ଗରିଷ୍ଠତାର ପ୍ରମାଣ ଦେବାକୁ ଉଦ୍ଧବ ସାହସ କରିପାରି ନଥିଲେ।ଆଜି ମହାରାଷ୍ଟ୍ର ରାଜଭବନରେ ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫର୍ଡନବିସ୍ ଓ ଶିବସେନା ବିଦ୍ରୋହୀ ବିଧା ୟକଦଳ ନେତା ଏକନାଥ ସିନ୍ଧେ ଓ ସହଯୋଗୀ ବିଧାୟକମାନେ ରାଜ୍ୟପାଳ ଭଗତସିଂହ କୋଷିଆ ରିଙ୍କୁ ଭେଟି ସରକାର ଗଠନ ନିମନ୍ତେ ଦାବି ଜଣାଇ ଥିଲେ।ରାଜ୍ୟପାଳ ଶ୍ରୀ କୋଷିଆରୀ ଉଭୟ ନେତା ଙ୍କୁ ମିଠା ଖୁଆଇ ସମ୍ବର୍ଦ୍ଧିତ କରିଥିଲେ।ଆଜି ରାତି ୭. ୩୦ବେଳେ ଏକନାଥ ସିନ୍ଧେଙ୍କ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ।ଗଣ ମାଧ୍ୟମକୁ ଦେଇଥିବା ବାର୍ତ୍ତା ଅନୁଯାୟୀ ଶ୍ରୀ ସିନ୍ଧେ କହିଛନ୍ତିଯେ ଶିବ ସେନାର ପ୍ରତିଷ୍ଠାତା ସ୍ବର୍ଗତ ବାଲା ସାହେବଙ୍କ ନୀତିଆଦର୍ଶ ପ୍ରତି ଆମେ ବଚନବଦ୍ଧ ଅଛୁ।