କଟକ ଗ୍ରାମାଞ୍ଚଳଜିଲ୍ଲା(ନି.ପ୍ର)ରାଜ୍ୟରେ ବିଜେପି ସରକାର ଗଠନ ପରେ ପ୍ରଥମକରି କଟକ ଜିଲ୍ଲା, ନିଆଳି ବିଧାନସଭା ଅନ୍ତର୍ଗତ,କଣ୍ଟାପଡ଼ା ବ୍ଲକ “ଆତ୍ମା”ଅଧ୍ୟକ୍ଷଭାବେ ବିଜେପିର ଜଣେ ଆଗଧାଡ଼ି ର ଟାଣୁଆ ଯୁବନେତା,ଜଣେ ଆଦର୍ଶଚାଷୀ,ଓ ପୂର୍ବତନ ସରପଂଚ ବିଜୁପାତ୍ର ଓରଫ ପ୍ରଦୀପ୍ତ କୁମାର ପାତ୍ର ଆଜି ଅପରାହ୍ନରେ ଅପ୍ରତିଦ୍ଵନ୍ଦୀ ଭାବେ ନିର୍ବାଚିତ ହୋଇଛନ୍ତି।ନିର୍ବାଚିତ ହେବା ପରେ ଗଣମାଧ୍ୟମକୁ ଦେଇଥିବା ସାକ୍ଷାତକାରରେ ଶ୍ରୀ ପାତ୍ର କହିଛନ୍ତି କି ରାଜ୍ୟରେ ଏକ ବିକାଶ ଓ ଚାଷୀଙ୍କ ସରକାର ଗଠନ ହୋଇଛି।ତେଣୁ ଚାଷୀ ସମସ୍ୟାକୁ ଅଗ୍ରାଧିକାର ଦିଆଯିବ।ତେବେ ଗଣ ମାଧ୍ୟମର ଏକ ନିର୍ଦ୍ଦିଷ୍ଟପ୍ରଶ୍ନ ପୂର୍ବତନ ଆତ୍ମାଅଧକ୍ଷ ଙ୍କ କାର୍ଯ୍ୟକାଳରେ ଅଫିସ ଅଫ ପ୍ରଫିଟର ଅଭି ଯୋଗ ରହିଛି,ଫଳରେ ଚାଷୀଙ୍କ ପାଇଁ ଆସିଥିବା ସରକାରୀ ସୁବିଧା ସୁଯୋଗକୁ କର୍ମକର୍ତ୍ତା ମାନେ ହାତେଇ ନେଇଛନ୍ତି,ଯାହାକି ସୂଚନା ଅଧିକାର ତଥ୍ୟରୁ ସ୍ପଷ୍ଟ ହୋଇଛି,ଏ ବାବଦରେ କାର୍ଯ୍ୟନୁ ଷ୍ଠାନ ହେବ କି?ଉତ୍ତରରେ ନବନିର୍ବାଚିତ ଅଧ୍ୟକ୍ଷ କହିଥିଲେ ସେ ତଥ୍ୟ,ଅଭିଯୋଗ ମିଳିଲେ ତଦନ୍ତ କରାଯାଇ ପଦକ୍ଷେପ ନିଆଯିବ।କମିଟିର ଅଧ୍ୟକ୍ଷ ପଦବୀ ନିମନ୍ତେ ଆଜି ଅପରାହ୍ନରେ କଣ୍ଟା ପଡ଼ାବ୍ଲକ କୃଷିବିଭାଗ କାର୍ଯ୍ୟାଳୟ ପରିସରରେ ବୈଠକ ଆହୂତହୋଇଥିଲା।କୃଷି ପରାମର୍ଶଦାତା କମିଟିର ମୋଟ ୨୮ଜଣ ସଦସ୍ୟଙ୍କ ମଧ୍ୟରୁ ୨୫ ଜଣ ଉପସ୍ଥିତ ଥିଲେ।ଶ୍ରୀ ପାତ୍ରଙ୍କ ବ୍ୟତୀତ ଅନ୍ୟ କୌଣସି ଆବେଦନକାରୀ ଆବେଦନ କରି ନଥି ଲେ।ଏମିତିକି ବିଜେଡି ସମର୍ଥିତ କୌଣସି ଜଣଙ୍କୁ ବି ଶେଷପର୍ଯ୍ୟନ୍ତ ସେଠାରେ ଦେଖିବାକୁ ମିଳି ନ ଥିଲା।ଶତାଧିକ କାର୍ଯ୍ୟାଳୟ ସମ୍ମୁଖରେ ଉପସ୍ଥିତ ଥିଲେ।କମିଟି ଅଧ୍ୟକ୍ଷ ନିର୍ବାଚନ ପରେ ଉଛସ୍ଵିତ ସମ୍ବର୍ଦ୍ଧନା,ଆନନ୍ଦ,ଉଲ୍ଲାସ,ଆତସବାଜି ପ୍ରଦର୍ଶନ କରି ସାଥୀ ସମର୍ଥକ ମାନେ ଖୁସି ମନାଇଥିଲେ।ମାନ୍ୟବର ନିଆଳି ବିଧାୟକ ଛବି ମଲ୍ଲିକ ଏହି ଜିତାପଟ ଲାଗି ସ୍ବାଗତ ଜଣାଇଥିଲେ।