ରାଜନୀତି ନାଁ ରେ ଶାସକଦଳ ବିଜେଡି ଗୋଟିଏ ପଞ୍ଚାୟତର ୫ ଗୋଟି ଗାଁ କୁ ଶୁଦ୍ଧ ପାନୀୟ ଜଳ ଯୋଗାଣରୁ ବଞ୍ଚିତ କରି ପୁଣି ଭୋଟ ମାଗିବାକୁ ମତଦାତା ମାନଙ୍କ ପାଖରେ ସାହସ ଯୁଟେଇ ଦ୍ୱାରେ ଦ୍ୱାରେ ପହଞ୍ଚି ପାରୁଛି,ଯାହାକି ସ୍ଥାନୀୟ ଅଞ୍ଚଳରେ ବେଶ କୌତୁହଳ ଉଦ୍ଦିପକ ହୋଇଛି।ଲୋକେ ମୁହଁରେ କିଛି କହୁ ନ ଥିଲେ ହେଁ ଭିତରେ ଭିତରେ ପ୍ରବଳ କ୍ରୋଧ ଓ ଅସନ୍ତୋଷରେ କୁହୁଳୁଛନ୍ତି।ଏହାର ପରିମାଣ କେତେ ହେବ ତାହା ନିର୍ବାଚନ ଫଳାଫଳ ଗଣତି ପରେ ହିଁ ସ୍ପଷ୍ଟ ଜଣା ପଡ଼ିବ।

ପ୍ରାପ୍ତ ତଥ୍ୟ ସୂଚନା ଅନୁଯାୟୀ,ଗତ ଥର ପଞ୍ଚାୟତ,ଓ ପଞ୍ଚାୟତ ସମିତି ଉଭୟ ଶାସକ ବିଜେଡି ଦଳ ହାତରେ ଥିଲା।ନିଆଳି ବିଧାୟକ ଡାକ୍ତର ପ୍ରମୋଦ ମଲ୍ଲିକ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ବି ଅଛନ୍ତି।ହେଲେ କେଉଁ କାରଣରୁ ନା ହା ଳ ପୁର ଭଳି ଏକ ଚାଷୀ ଦଳିତ ବହୁଳ ପଞ୍ଚାୟତର ୫ ଗୋଟି ମୁଖ୍ୟ ଗ୍ରାମ ଯଥା ଗୋଗଳ,ଗେଲପୁର,ଯୋହଳ,ଓ ପାଇକପଡାକୁ ନିରାପଦ ଶୁଦ୍ଧ ପାନୀୟ ଜଳ ସରକାର ଯୋଗାଇ ଦେଲେ ନାହିଁ।ଏହି ସବୁ ଜଳ କ୍ଲିଷ୍ଟ ଗ୍ରାମ ଗୁଡ଼ିକର ଶହଶହ ପରିବାର ଯେଭଳି ଭାବେ ଅପରି ସ୍କାର ପାନୀୟ ଅନୁପଯୋଗୀ ଜଳକୁ ବ୍ୟବହାର କରନ୍ତି,ଓ ପ୍ରାଣୀ ସମ୍ପଦଙ୍କୁ ବ୍ୟବହାର ନିମନ୍ତେ ଦେବାକୁ ବାଧ୍ୟ ହୋଇ ଥାଆନ୍ତି,ତାହା ନିଜ ଆଖିରେ ଜଣେ ନ ଦେଖିଲେ କଦାପି ବିଶ୍ୱାସ କରି ପାରିବ ନାହିଁ। ସରକାରୀ କାଗଜରେ ଶିଶୁଆ – ମହୁରା ଲିଙ୍କ ଡ୍ରେନ ,ଯାହାକୁ ସ୍ଥାନୀୟ ଲୋକେ ଚୁଙ୍ଗୁଡ଼ିଆ ଜୋର ବୋଲି କହିଥାନ୍ତି ତାହା ବର୍ଷ ବର୍ଷ ଧରି ନିୟମିତ ସଫେଇ ନ ହେବାରୁ ବ୍ୟାପକ କଳକତୀ ଦଳ,ବଦ୍ଧରେ ମଶା,ଡ଼ାଆଁଶ,ବିଷଧର ଜନ୍ତୁଙ୍କ ନିରାପଦ ଆଶ୍ରୟ ସ୍ଥଳ ପାଲଟିଛି।ତଥାପି ବିକଳ୍ପ ନ ଥିବାରୁ ବ୍ୟବହାର କରିବାକୁ ବାଧ୍ୟ ହୋଇ ଥାଆନ୍ତି।ତଥା କଥିତ ଚୁଙ୍ଗୁଡ଼ିଆ ଜୋର ଉପରେ ବନାମ୍ୱର ବନ୍ଧ ନାମକ ଏକ ସିମେଣ୍ଟ ଢ଼ଳେଇ ଆଡିବନ୍ଧ ବା ଚେକଡ୍ୟାମ୍ ନିର୍ମାଣରେ ପ୍ରାୟ ଲକ୍ଷ ଲକ୍ଷ ଟଙ୍କାର ଅନୁଦାନ ପୂର୍ବ ସରକାରଙ୍କ ଅମଳରେ ଖର୍ଚ୍ଚ ହୋଇଥିଲା,ଯାହା ଏବେ ଚିନ ର ଦୁଃଖ ହୋୟାଙ୍ଗ ହୋ ପାଲଟିଛି।ବନ୍ଧରେ ଲାଗିଥିବା ଲୌହ ଫାଟକର ଆଦୌ ପରିଚାଳନା କରାଯାଉ ନ ଥିବାରୁ ବର୍ଷା ଜଳ କେତେବେଳେ ଚାଷୀଙ୍କ ଫସଲ ଧୋଇ ନେଲାଣି ତ କେତେ ବେଳେ ଚାଷୀଙ୍କୁ ପନିପରିବା ଚାଷ ଲାଗି ସଂରକ୍ଷଣ କରା ଯାଇ ନ ପାରି ସଂପୂର୍ଣ୍ଣ ବହିଯାଇ ଶୁଖିଲା ପଡୁଛି ।ବହୁଲୋକେ ଘର ଖଣ୍ଡେ ନ ପାଇ ପ୍ରାକୃତିକ ବିପର୍ଯ୍ୟୟ ବେଳେ ମିଳିଥିବା ଖଣ୍ଡେ ଖଣ୍ଡେ ସରକାରୀ ରିଲିଫ ପଲିଥିନ ତଳେ ଭଙ୍ଗା ଚାଳିଆରେ ପଡିଛନ୍ତି ।ସରକାରୀ ଆବାସ କିଣା ବିକା ହୋଇ ଚାଲିଛି।ସରକାରୀ ପାଇ ଖାନା ନ ଥିବା ବହୁ ପରିବାର ଅଛନ୍ତି।ରାସ୍ତା ଆଲୋକୀ କରଣର ନମୁନା ଆଲୋକସ୍ତମ୍ଭ ଗୁଡ଼ିକ ପଥଚାରୀ ମାନଙ୍କୁ ବିଦ୍ରୁପ କରୁଛି।ସବୁଥିରେ ହାତ ଗୁଂଜା, ରାସନ ଯୋଡ଼ା ନ ହେବା ଏମିତି ବହୁବିଧ ସମସ୍ୟାକୁ ନେଇ ଏହି ପଞ୍ଚାୟତର ଜନସାଧାରଣ ଜର୍ଜିତ ଥିବା ବେଳେ କ୍ରୋଧରେ ଫୁଟୁଛନ୍ତି।ଏତେବେଳେ ଶାସକଦଳ ଓ ନବୀନଙ୍କ ନାଁ ଶୁଣିଲେ ବହୁ ଲୋକେ ମୁହଁ ବୁଲେଇ ଦେଉଛନ୍ତି ଏହା ବିରୋଧୀ ଦଳକୁ ନିର୍ବାଚନ ନିମନ୍ତେ ସୁହାଉଛି।୫ ଗୋଟି ଗାଁକୁ ପାନୀୟ ଜଳ କ୍ଲିଷ୍ଟତା ଗ୍ରୀଷ୍ମ ପ୍ରବାହ ବଢ଼ିଲେ ଅଧିକ ସମସ୍ୟା ସୃଷ୍ଟି କରିବା ଆଶଙ୍କା ରହିଛି।ଅପର ପକ୍ଷରେ ପାନୀୟ ଜଳ ବାବଦ ସରକାର ଦେଇଥିବା ଟଙ୍କା ଓ କିଣା ଯାଇଥିବା ସାମଗ୍ରୀ ସବୁକୁ ଅଧିକାଂଶ ପଞ୍ଚାୟତ ଓ ସମିତି ମାନେ କବାଡିଆ କୁ ବିକି ମାଲା ମାଲ ହୋଇଥିବା ଆମ ପାଖରେ ନିର୍ଦ୍ଦିଷ୍ଟ ସପ୍ରମାଣ ତଥ୍ୟ ଓ ଅଭିଯୋଗ ପହଞ୍ଚିଛି,ଯାହା ପଞ୍ଚାୟତ ନିର୍ବାଚନ ପରେ ପଦକ୍ଷେପ ହେବ।ଏମିତି ବେଳରେ ଲୋକେ କହୁଛନ୍ତି କୁଆଡେ ଗଲେ 5T ସରକାର!କି ଜବାବ ଦେବେ ଶାସକଦଳ ସମର୍ଥିତ ପ୍ରାର୍ଥୀ??????ଏହି ସବୁକୁ ମୁଖ୍ୟ ଆୟୁଧ କରି ବିରୋଧୀ ମାନେ ଲୋକଙ୍କୁ ବୁଝାଉ ଥିବାରୁ ତାହା ନିର୍ବାଚନକୁ ବ୍ୟାପକ ପ୍ରଭାବିତ କରିବା ଆଶଙ୍କା ରହିଛି।