ସାମ୍ବାଦିକତା ପରି ପବିତ୍ର ବ୍ରୁତ୍ତିରେ ଚାନ୍ଦା ଆଦାୟର ଅଭିଯୋଗ କିଛି ନୂଆ କଥା ନୁହେଁ ହେଲେ,କେତେକ ଅଣସାମ୍ବାଦିକ ସାମ୍ବାଦିକତା ନାଁ ରେ ଚଳାଉଥିବା ଉତ୍ପାତ ଓ ଚାନ୍ଦା ଆଦାୟ କେବଳ ନିନ୍ଦନୀୟ ନୁହେଁ ବରଂ କଳା ଅଧ୍ୟାୟଭୁକ୍ତ ତଥା ସମାଜ ବ୍ୟବସ୍ଥା ପ୍ରତି ପ୍ରଶ୍ନବାଚୀ ସ୍ରୁଷ୍ଟି କରିଛି । ଏଭଳି ଅଭିଯୋଗରେ ନିର୍ଯ୍ୟାତନା ସହି ନ ପାରି ଜଣେ ସାଧାରଣ ନାଗରିକ ଆଜି ସଂଧ୍ୟାରେ ପୁଲିସରେ ଲିଖିତ ଅଭିଯୋଗ କରିଛନ୍ତି ।ଫଳରେ ଅସଲି ନକଲିର ପରିଚୟ ଜାଣିବାକୁ ସ୍ଥାନୀୟ ଅଂଚଳରେ ଉତ୍ସୁକତା ପ୍ରକାଶ ପାଇଛି ।ମିଳିଥିବା ସୂଚନାନୁଯାୟୀ , ଗୋବିନ୍ଦପୁର ଥାନା,ନାହାଳପୁର ପଂଚାୟତ ଗୁଣାଦୋଳରେ ଏକ କ୍ୟାବିନ ପକାକୁ କେନ୍ଦ୍ରକରି ବିବାଦୀୟ ପରିସ୍ଥିତି ସ୍ରୁଷ୍ଟି ହୋଇଥିଲା କ୍ୟାବିନକୁ ଉଠାଇ ଦେବାକୁ ସାହାଯ୍ୟ କରିବେ କହି ଜଣେ ବ୍ୟକ୍ତି ନିଜକୁ ରଘୁନାଥ ଆଚାର୍ଯ୍ୟ ,ଘର ବ୍ରାହ୍ମଣସାଇଲୋ ସାମ୍ବାଦିକ ପରିଚୟ ଦେଇଥିଲେ ଓ ଏଥିପାଇଁ ୫ହଜାର ଟଂକା ଦାବୀ କରିଥିଲେ ,କାମଟି ହୋଇଯିବ ଭାବି ସଂପ୍ରୁକ୍ତ ବ୍ୟକ୍ତି ୫ହଜାର ଟଂକାରୁ ୨ହଜାର ଟଂକା ପ୍ରାୟ ଦୁଇମାସ ତଳେ ଦେଇଥିଲେ।ତେବେ ଅବଶିଷ୍ଟ ଟଂକା ପାଇଁ ତାଂକୁ ନିୟମିତ ଧମକ ମିଳୁଥିଲା ଆଜି ସେ ଗଣମାଧ୍ୟମ ଆଗରେ ଏ ସଂପର୍କରେ ବୟାନ ରଖିବା ସହିତ ଗୋବିନ୍ଦପୁର ଥାନାରେ ତାଂକ ନାମରେ ଲିଖିତ ଅଭିଯୋଗ କରିଛନ୍ତି ।ସଂପ୍ରୁକ୍ତ ବ୍ୟକ୍ତିଜଣକଂ ନିଜ ବୟାନରେ ଦର୍ଶାଇଛନ୍ତି ଯେ ଭିନ୍ନ ଭିନ୍ନ ସମୟରେ ତାଂକୁ ଭିନ୍ନ ଭିନ୍ନ ଗଣମାଧ୍ୟମ ନାମରେ ତାଂକୁ ପରିଚୟ ଦେଇ ଏହି ଟଂକା ନିଆ ଯାଇଥିବାରୁ ତାଂକର ସନ୍ଦେହ ସ୍ରୁଷ୍ଟି ହୋଇଛି ।ତେଣୁ ପୁଲିସର ତଦନ୍ତପରେ ସ୍ପଷ୍ଟ ହେବ ଯେ ପ୍ରକ୍ରୁତରେ ସେ କେଉଁ ଗଣମାଧ୍ୟମର ଓ ତାହା ରେଜିଷ୍ଟ୍ରାର ନିଉଜ ପେପର୍ସ ଅଫ ଇଣ୍ଡିଆକଂ ଦ୍ୱାରା ପଂଜିକ୍ରୁତ କି ନୁହେଁ ।ତେବେ ଅଭିଯୋଗକାରୀ ଗଣମାଧ୍ୟମ ସମ୍ମୁଖରେ ରଖିଥିବା ଆଜି ସଂଧ୍ୟାରେ ବୟାନ ଆମେ ଆମର ପ୍ରିୟ ପାଠକ ଓ ଦର୍ଶକକଂ ଅବଗତି ନିମନ୍ତେ ଏଠାରେ ପେଶ୍ କରୁଛୁ ।