କଣ୍ଟାପଡା ୨୩।୮(ନି.ପ୍ର) କଟକ ଜିଲ୍ଲା ,କଣ୍ଟାପଡା ବ୍ଲକ୍ ଅନ୍ତର୍ଗତ ଫୁଲନଖରା ନିଆଳି ୬୦ ନମ୍ବର ରାଜ୍ୟ -ରାଜପଥ ପାର୍ଶ୍ୱସ୍ଥ ବାଗଲପୁର ବଜାରରେ ଦେଶର ଜାତୀୟପତାକାକୁ କେମିତି ସମ୍ମାନ ଦିଆଯାଉଛି ତାହାର ନମୁନା ଦେଖିବାକୁ ମିଳିଛି । ପ୍ରଥମତଃ ଫ୍ଲାଗ୍ କୋଡ ନିୟମ ଭାଂଗି କୋଠାର ଉପରେ ଉଡିବା ବଦଳରେ ଅର୍ଦ୍ଧ ନମିତ କରି ଉଡାଯାଇଛି, ଦ୍ୱିତୀୟରେ ସ୍ୱାଧୀନତା ଦିବସର ୮ ଦିନ ବିତିବା ପରେ ବି ଉଡାଯାଇଥିବା ଏହି ପତାକାକୁ ଏଯାଏ ଖୋଲା ଯାଉନାହିଁ। ଏହି ଘଟଣା ଯେ କାହାରି ଆଖିରେ ପଡି ନ ଥିବ ସେ କଥା କୁହାଯାଇ ପାରିବ ନାହିଁ, କାରଣ ରାଜପଥ ପାର୍ଶ୍ୱ ହୋଇ ଥିବାରୁ ଗୋବିନ୍ଦପୁର ଓ ଓଲଟପୁର ଥାନା କର୍ମଚାରୀ ବିଶେଷତଃ ଓଲଟପୁର ଥାନାଂଚଳ ଓ କଣ୍ଟାପଡା ତହସିଲ,ବାଗଲପୁର ପଂଚାୟତ, ରାଜସ୍ୱ ନିରୀକ୍ଷକକଂ କାର୍ଯ୍ୟାଳୟ ପାଖରେ ଅବସ୍ଥିତ, ବ୍ଲକ କାର୍ଯ୍ୟାଳୟ ବି ପାଖରେ । କେହି କେମିତି ଏହାକୁ ଦେଖିପାରୁନାହାନ୍ତି ,ଜାତୀୟପତାକାକୁ ଅବମାନନା ପ୍ରତି କାର୍ଯ୍ୟାନୁଷ୍ଠାନ ହେଉନାହିଁ ସେଥିନେଇ ବିସ୍ମୟ ପ୍ରକାଶ ପାଉଛି। ଆମେ ଏ ସଂପର୍କରେ ବ୍ଲକର ବି.ଡି .ଓ କେ.ଅଶୋକ କୁମାର କୁଂ ଫୋନ ରେ ଯୋଗାଯୋଗ କରିଥିଲୁ, ମାତ୍ର ସେ କିଛି ଶୁଣିବା ଆଗରୁ ଫୋନ୍ କାଟିଥିଲେ। ଘଟଣାକୁ ନେଇ ବୁଦ୍ଧିଜିବୀ ମାନକଂ ମଧ୍ୟରେ ତୀବ୍ର ଅସନ୍ତୋଷ ଦେଖାଦେବା ସହ କାର୍ଯ୍ୟାନୁଷ୍ଠାନ ଦାବୀ ହୋଇଛି।