କଟକ ୨୫।୯ ( ସ୍ୱ.ପ୍ର) ୧୦୦ବର୍ଷ ପୂର୍ତ୍ତି ଉପଲକ୍ଷେଉତ୍ସବ ମନାଉଥିବା ଉତ୍କଳମଣି କଂ ମାନସ ସନ୍ତାନ,ସ୍ୱାଧୀନତା ସଂଗ୍ରାମର ମୁକ୍ତିମଶାଲ ଜାଳିଥିବା “ସମାଜ”ଖବରକାଗଜ କିଭଳି ସ୍ଥିତିରେ ଅଛି ? ପରିଚାଳନାର ମୂଳଦୁଆ ପକେଇଯାଇଥିବା,ଆଦର୍ଶର ସୁରକ୍ଷା କବଚରେ ଅଭିମନ୍ତ୍ରିତ ପ୍ରୁଷ୍ଠପୋଷକ ମହାମନିଷୀ ମାନକଂ ପ୍ରଦର୍ଶିତ ମାର୍ଗରେ ଚାଲିଛି ନା କକ୍ଷଚ୍ୟୁତ ଉଲକା ପାଲଟିଛି ତାହା ଆଜି ପାଠକ,ସଚେତନ ନାଗରିକ ଓ ବୁଦ୍ଧିଜିବୀକଂ ପରଖିବାର ଅବକାଶ ଆସିଛି। କାରଣ ବିଜୟା ଦଶମୀରେ ଜନ୍ମ ଏହି ଅନୁଷ୍ଠାନ ଅସତ୍ୟଉପରେ ସତ୍ୟର ବିଜୟ ବୋଲି ଡିଣ୍ଡିମ ପିଟାଯାଇଥାଏ । ଅହିଂସା ମାର୍ଗରେ ସତ୍ୟ ନ୍ୟାୟ ପଥରେ ଅସହାୟ ପିଡୀତକଂ ସେବାରେ ଉତ୍ସର୍ଗୀକ୍ରୁତ ହେବାକୁ ପରାମର୍ଶ ଆଜି ଏଠାରେ ବାଟବଣା ବୋଲି ଅଭିଯୋଗଉଠୁଛି।ଗୋଟିଏ ଖବରକାଗଜର ମୁଖ୍ୟ ବା ଜୀବନ ହେଉଛି ଉତ୍ତମ ଖବର ,ଯାହା ଉପରେ ନିର୍ଭର କରି ପ୍ରସାରଣ ଓ ବିଜ୍ଞାପନ ବଢିଥାଏ।ମାତ୍ର କାଗଜଟିକୁ ପରିଚାଳନା କରୁଥିବା କର୍ମକର୍ତ୍ତା ମାନେ ଏଭଳି ପରିଚାଳନା କରୁଛନ୍ତି ଯେ ବାସ୍ତବ ବିକ୍ରି ସଂଖ୍ୟା କମିଯାଇ ପରସ୍ପରକୁ ତୋଷାମଦରେ କେବଳ ସନ୍ତୁଷ୍ଟି ମିଳୁଛି । ପରିସ୍ଥିତି ଏଭଳି ହୋଇଛି ପ୍ରସାରିତ ବହୁପଛରେ ଜନ୍ମ ନେଇଥିବା କାଗଜ ଏବେ ବହୁ ଆଗକୁ ଚାଲିଗଲେଣି । ଫଳରେ ବାଧ୍ୟହୋଇ ସ୍ଥିତିବଂଚେଇବାକୁ ଯାଇ ଏବେ ତଳପାହାଚ ଅର୍ଥାତ ସାମାଜିକ ଗଣମାଧ୍ୟମ ଖୋଲିବାକୁ ବାଧ୍ୟ ହୋଇଛି।ସବୁଠୁ ବଡ ଅପବାଦ ଯେ ନିଜସ୍ୱ ଧାରାରୁ ଓହରି ଯାଇ କାଗଜଟି ଅନ୍ୟ ନୂଆ ନୂଆ କାଗଜ ଗୁଡିକପରି ହକର ଓ ଏଜେଣ୍ଟ ମାନକୁଂ ସାମ୍ବାଦିକ କାର୍ଡ ବାଣ୍ଟି ବିକ୍ରି ବଢେଇବାକୁ ଚାପ ପକାଉଛି ଫଳରେ ସେମାନକଂ ଅନଭିଜ୍ଞତା ଯୋଗୁ ପ୍ରକାଶିତ ଖବରଗୁଡିକ ବିରୁଦ୍ଧରେ ସଂଖ୍ୟାଧିକ ମାମଲା ବିଭିନ୍ନ ନ୍ୟାୟାଳୟରେ ବିଚାରାଧୀନ । କେବଳଏତିକି ନୁହେଁ ଏଭଳି ହକର ମାନେ ନିଉଜର ” ନ” ଅକ୍ଷର ଜାଣି ନ ଥିବାରୁ କିମ୍ବା ସାମ୍ବାଦିକତାର ଧାର୍ ଧାରି ନ ଥିବାରୁ ପୁରୁଣା ଅନ୍ୟକାଗଜର ପୂର୍ବରୁ ପ୍ରକାଶିତ ଖବରକୁ ଧାଡି ଧାଡି ଉତ୍ତାରି ସମାଜ କାଗଜକୁ ପଠାଇଛନ୍ତି ଓ ତାହାସବୁ ଛପାଯାଇଛି । ଗୋଟିଏ କି ଦୁଇଟି ନୁହେଁ ସଂଖ୍ୟାଧିକ ଏପରି ପ୍ରକାଶିତ ଖବର ତୁଳନାତ୍ମକ ଭାବେ ଆମେ ପାଠକ କଂ ଅବଗତି ନିମନ୍ତେ କ୍ରମାଗତ ପେଶ୍ କରିବୁ । ସତ୍ୟର ଅନୁସଂଧାନ ଦାୟୀତ୍ୱ ପାଠକ କଂ ର ।ଏସବୁ ସମାଜ କର୍ତ୍ତ୍ରୁପକ୍ଷ ଓ ସଂପାଦନା ମଣ୍ଡଳୀ ଜାଣିନାହାନ୍ତି ତାହାନୁହେଁ ,ଠୋସ୍ ହାତରେ ଅବିକଳ ନକଲ ଧରେଇଦିଆଯିବା ପରେ ବି ପଦକ୍ଷେପ ଶୂନ୍ । ୟା ନା କି ସାମ୍ବାଦିକତା ? ସମାଜ କାଗଜର ସଂପାଦକୀୟ ବି ସଂପାଦକ ଲେଖନ୍ତିନି ଏକଥା ପାଠକେ ଜାଣନ୍ତି ? ସେମାନେ ପଢୁଥିବା ସଂପାଦକୀୟ ଯେ ତାଂକ ପାଇଂ ଅନ୍ୟଜଣେ ସବଏଡିଟର ହିଁ ଲେଖନ୍ତି ।ଏହା ପାଠକ କଂ ସହ ଧୋକାବାଜି ନୁହେଁ ତ ଆଉକଣ ? ତେବେ ସଂପାଦକ ପଦବୀଧାରୀଜଣକଂ ମାସିକ ୭୦/୮୦ ହଜାର ଟଂକା ଦରମା ନେଇ କରନ୍ତି କେଉଁକାମ ? ସଂପାଦକୀୟ ନିଜେ ଲେଖିବେନି ,ଅନ୍ୟକାଗଜରୁ କପିକରି ନିଉଜ ଛପାଇ ପାଠକକୁଂ ଦିଆଯିବ? ଲୋକେ ତାକୁ ଟଂକାଦେଇ କିଣିପଢିବେ କାହିଁକି ? ୧୦୦ବର୍ଷ ପାଳନ ଅବସରରେ ଯେଉଁସବୁ ମହାମନିଷୀ ସମାଜ ଅନୁଷ୍ଠାନର ପଦ ପଦବୀ ଅଳଂକ୍ରୁତ କରିଯାଇଛନ୍ତି ବୋଲି ସ୍ମ୍ରୁତିଚାରଣ କରାଯାଉଛି ଏଭଳି ଭେଳିକିପୂର୍ଣ କାର୍ଯ୍ୟ ସେମାନକଂ ଆତ୍ମାପ୍ରତି ଅପମାନ ନୁହେଁକି ?