ନିଆଳି :ଧାନ,ପାନଓ ମୀନ ସାଂଗକୁ ପ୍ରଭୁ ଶୋଭନେଶ୍ୱର ଓ ମାଧବକଂ ପୌରାଣିକ ପବିତ୍ର କ୍ଷେତ୍ର ଭାବେ ସୁପରିଚିତ ନିଆଳି ପାଇଁ ଆଉଥରେ କଳା ଅଧ୍ୟାୟ ଓ ଲଜ୍ଜାର ବିଷୟ।ରାଜ୍ୟସରକାର ଗ୍ରାମ୍ୟଉନ୍ନୟନ ବିଭାଗ ଅଧୀନସ୍ଥ ପନିମାଳ -କପାସି ପିଚୁସଡକର ଉନ୍ନୟନ ନିମନ୍ତେ ୬୦ ଲକ୍ଷ ଟଂକାର ଅନୁଦାନ ରାଶି ଯୋଗାଇଥିଲେ । କାର୍ଯ୍ୟ ତଦାରଖ ଦାୟୀତ୍ୱରେ ନିଆଳି ଗ୍ରାମ୍ୟ ଉନ୍ନୟନ ଉପଖଣ୍ଡ ଓ ସେକ୍ସନ କନିଷ୍ଠ ଯନ୍ତ୍ରୀ ଦାୟୀତ୍ୱରେ ଥିଲେ।ନିର୍ମାଣ କାର୍ଯ୍ୟ କୁ ୬ଦିନ ବି ପୁରିନି, ହେଲେ ରାସ୍ତାରୁ ନୂଆ ପିଚୁ ଓ ଗୋଡି ଉଠିଯାଇ ପୁରୁଣା ପିଚୁ ମୁହଁ କାଢିଲାଣି । ସ୍ଥାନୀୟ ଅଂଚଳରେ ଏଥିନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇବା ଓ ସରକାର ବଦନାମ ହେବା ଆଶଂକାରେ ତାଳିପକା କାମକରି ବିଭାଗ ନିଜ ମୁଣ୍ଡରୁ ଦୋଷ ଛଡେଇବାକୁ ଓ ଠିକାଦାରକୁଂ ଘଣ୍ଟ ଘୋଡାଇବାର ଅପଚେଷ୍ଟା ଚଳାଇଥିବାର ଅଭିଯୋଗ ହେଉଛି ।ଏ ସଂପର୍କରେ ମତାମତ ଜାଣିବାକୁ କନିଷ୍ଟ ଯନ୍ତ୍ରୀ ଶରତସାହୁକୁଂ ଯୋଗାଯୋଗ କରା ଯାଇଥିଲା ।ସେ କହିଥିଲେ କି ରାସ୍ତାର ଲମ୍ବ ୬କି.ମି ୧୨୪ ମିଟର ।କାମଚାଲିଥିବା ବେଳେ ହଠାତ୍ ମେସିନ ଭାଂଗିଗଲା।ଠିକାଦାର ପାର୍ଟ ଆଣି ଲଗାଇବେ ଓ ତ୍ରୁଟୀ ସଂଶୋଧନ କରାଯିବ ତେବେ ରାସ୍ତାର କେତେ ଅଂଶ ନିର୍ମାଣ ସରିବା ପରେ ଏପରି ତ୍ରୁଟୀ ଦେଖାଦେଇଛି ପଚାରିବାରେ “ମୁଁ ଗାଡି ଚଳାଉଛି ଅଫିସ ଆସନ୍ତୁ”କହି ଫୋନ କାଟିଦେଇଥିଲେ।ସଂପୂର୍ଣ ରାସ୍ତା ନିର୍ମାଣ ଯନ୍ତ୍ରୀକଂ ଜାଣତରେ ନିମ୍ନ ମାନର ହୋଇଥିବା ଅଭିଯୋଗ ହେଉଛି