କଣ୍ଟାପଡ଼ା,୧୪/୪(ନି.ପ୍ର) ଭେଳିକି ଦେଖାଉଛି କି ଗୋବିନ୍ଦପୁର ଥାନା ପୁଲିସ?ସେଭଳି ଏକ ପ୍ରଶ୍ନବାଚୀ ଆଜି ସୃଷ୍ଟି ହୋଇଛି ଅଞ୍ଚଳବାସିଙ୍କ ପକ୍ଷରୁ।ଖୋଦ୍ ମୁଖ୍ୟମନ୍ତ୍ରୀଙ୍କ କୋଭିଡ ନିୟମ କଡ଼ାକଡ଼ି ନିମନ୍ତେ ନିର୍ଦ୍ଦେଶ,ଗୃହ ସଚିବଙ୍କ ପୁଲିସ ମହା ନିର୍ଦ୍ଦେଶକଙ୍କୁ ଆଦେଶ ପାଳନ ନିମନ୍ତେ ଦିଆଯାଇଥିବା ଆଦେଶ ସବୁ ଯେମିତି ପାଣିର ଗାର ପାଲଟିଛି ଗୋବିନ୍ଦପୁର ପୁଲିସ ପାଖରେ।କୁହାଯାଉଛି ବହୁ ବର୍ଷ ଧରି ଥାନାରେ ବନ୍ଦ ହୋଇଯାଇଥିବା ଦଲାଲ ରାଜ ଏବେ ଖୁବ୍ ସକ୍ରିୟ ଓ ସଶକ୍ତ ହୋଇ ଉଠିଛି।ଏଣୁ ଥାନାରେ ଘଣ୍ଟା ଘଣ୍ଟା ଧରି ବସି ରହୁଥିବା ଓ ସବୁ କଥାରେ ମୁଣ୍ଡ ପୁରାଇ ନୀତି ନିୟମର ନିର୍ଦ୍ଧାରଣ କରୁଥିବା,ଫିକ୍ସିଂରେ ମୁଖ୍ୟ ସାଜିଥିବା ବାବୁମାନେ ଏବେ ଅସଲରେ ଥାନା ବାବୁ ପାଲଟି ଛନ୍ତି।ତେଣୁ ଏଠାରେ ଏବେ ମୁଖ୍ୟମନ୍ତ୍ରୀ,ଗୃହ ସଚିବ,ପୁଲିସ ମହା ନିର୍ଦ୍ଦେଶକ କିଏ??ତାଙ୍କ ଆଦେଶକୁ ଧ୍ୟାନ ଦେଲେ ଥାନା ଚାଲିପାରିବ ନାହିଁ।ସେ ସବୁ ଆଦେଶ ଏବେ ଅଳିଆ ଗଦାରେ।ଏ କଥା ଆମେ ମନରୁ କହୁନାହୁଁ।ଏବେକାର ଗୋବିନ୍ଦପୁର ଥାନା ସି ସି ଟିଭି ଦେଖିଲେ ସବୁର ଗୁମର ଆପେ ଫିଟିବ।ସରକାର କୋଭିଡ କଟକଣା ନେଇ ଯେଉଁ ନିର୍ଦ୍ଦେଶ ନାମା ଦେଇଥିଲେ ତାହାକୁ ଗୋବିନ୍ଦପୁର ଥାନା ପୁଲିସ କେମିତି ପାଳୁଛି ତାହାର ପ୍ରମାଣ ଏଥି ସହ ଫଟୋ, ଓ ଭିଡ଼ିଓ ବୟାନ କରୁଛି,ଅନ୍ୟ କେହି କିଛି ବୁଝେଇବା ଦରକାର ନାହିଁ।କୋଭିଡ ପାଇଁ ଥାନା ନିର୍ଦ୍ଦେଶ ପାଳି ବିଭିନ୍ନ ସ୍ଥାନରେ ନାରାୟଣଙ୍କ ପାଲା,ଦୋଳ,ସଙ୍କୀର୍ତ୍ତନ,ଯମୁନା ସ୍ନାନ ଆଦି ଶହ ଶହ ବର୍ଷର ପରମ୍ପରା ବନ୍ଦ ହେଲା।ବହୁ ସ୍ଥାନରେ ମହା ବିଷୁବ ପଣା ସଂକ୍ରାନ୍ତି ଓ ଓଡ଼ିଆଙ୍କ ବିଶିଷ୍ଟ ନୂଆ ବର୍ଷ ପାଳନକୁ ପୁଲିସ କରନା ଓ ଜାରି କୋଭିଡ ନିୟମାବଳୀ ଆଧାରରେ ବନ୍ଦ କରିଥିବା ବେଳେ ଯୋହଳ ଗ୍ରାମରେ ଆଜି ଅପରାହ୍ନରେ ପ୍ରାୟ ୧୫୦୦/୨୦୦୦ ଜନ ସମାଗମରେ କାଳୀସି ନିଆଁରେ ଚାଲିଲେ।ତେବେ ଅନ୍ୟତ୍ର ସବୁ ଆଡ଼କୁ ଗୋବିନ୍ଦପୁର ପୁଲିସର ଏ କଟକଣା କୁଆଡେ ଗଲା???ସରକାର କହିଛନ୍ତି ବୋଲି ପ୍ରଚାର ଗାଡ଼ିରେ ଡ଼ାକବାଜି ଯନ୍ତ୍ର ଲଗାଇ କୁହାଟ ଛାଡିବାର ଫଟୋ କେବଳ ଜିଲ୍ଲା ଆରକ୍ଷୀ ଅଧିକ୍ଷକ ଦେଖିବେ! ଯୋହଲ ଜନ ସମାଗମକୁ କଣ ଆଖିବୁଜି ଦେବେ କି ବୋଲି ପ୍ରଶ୍ନ ଉଠୁଛି। ଗୋବିନ୍ଦପୁର ପୁଲିସର ଏପରି ବୈମାତୃକ ମନୋଭାବ ଲାଗି ସାରା ଅଞ୍ଚଳରେ ଜନ ଅସନ୍ତୋଷ ତେଜିବାରେ ଲାଗିଛି।ଉଚ୍ଚ କର୍ତ୍ତୃପକ୍ଷ ନେଡି ଗୁଡ଼ କହୁଣୀକୁ ଯିବା ଆଗରୁ ସାବଧାନ ହେବା ଜରୁରୀ ବୋଲି ଜନ ସାଧାରଣରେ ବହୁମତ ପ୍ରକାଶ ପାଇଲାଣି।