ସମାଜ ଖବର କାଗଜ କହିବାକୁ ଗଲେ ଓଡିଶାର ଏକ ବହୁପୁରାତନ ଖବରକାଗଜ। ସଂଗ୍ରାମ ଓ ଅଧ୍ୟବସାୟ ବଳରେ ପ୍ରାକ୍ ସ୍ୱାଧୀନତା କାଳରୁ ସ୍ୱାଧୀନୋତ୍ତର କାଳପର୍ଯ୍ୟନ୍ତ ଏହାର ଜୟଯାତ୍ରା ଓ ନିଷ୍ଠା ଅବ୍ୟାହତ ରହିଆସିଥିଲା। ବହୁ ମହାମନିଷୀ ଉକ୍ତ ଅନୁଷ୍ଠାନର ବହୁଗୁରୁତ୍ୱପୂର୍ଣ ପଦବୀ ମଣ୍ଡନ କରିଥିଲେ।ମାତ୍ର ନିଷ୍ଠା ଓ ତ୍ୟାଗ ବଦଳରେ ଯେବେଠୁ ଲୁଟିବା ପ୍ରକ୍ରିୟା ଓ ମନୋଭାବର ଅନୁପ୍ରବେଶ ଘଟିଲା , ସେବେଠୁ ସମାଜର ଅଧୋଃଗତି ଆରମ୍ଭ ହୋଇଛି, ଯେ ବୁଡିଗଲା ଗୋଡ ତଳକୁ ତଳକୁ ଛଡା ଉପରକୁ ଉଠିବା ନାଁ ଧରୁନି । ପରିସ୍ଥିତି ଏଭଳି ହୋଇଛି ଖବରକାଗଜଟିର ବିକ୍ରି ବଢେଇବାକୁ ହକରମାନକଂ ଜରିଆରେ ପୁସ ସେଲକୁ ବିକଳ୍ପ ପନ୍ଥାଭାବେ ବାଛିବା ଛଡା ଗତ୍ୟନ୍ତର ନାହିଁ ।ସେଥିଯୋଗୁ କାଗଜଟିର ଖବର ମାନ ହ୍ରାସ ପାଉଛି,ଯେ ଯାହା ପାରୁଛି ଲେଖୁଛି ,ତା ବି ଛପା ଯାଉଛି । ଫଳରେ ଦିନ ଏମିତି ଆସିବାକୁ ଯାଉଛି । ପାଠକୀୟ ଶ୍ରଦ୍ଧା ଓ ଆଦ୍ରୁତି ହରାଇ ନିଜ ସ୍ଥିତି ହଜାଇବା ବେଶୀ ବିଳମ୍ବ ହେବନାହିଁ।କାରଣ ଗାଈ ଜଗିବାଲୋକ ଦ୍ୱାରା ଗାଈ ବିକ୍ରି ହୋଇପାରେ ନାହିଁ ତାହା ପୁନଃପୁନଃ ପ୍ରମାଣିତ

ହେବାରେ ଲାଗିଛି । ” ଗୋଦର ଗୋଡରେ ମାଉଁସ ଲାଗିଲେ ଦେହର କି ଶୁଭ ଗଣି ” ? ସେଥିପାଇଁ ପୂର୍ବତନ ବାର୍ତ୍ତା ସଂପାଦକ ଶ୍ରୀ ସତ୍ୟରାୟ ହକରଂକୁ ସାମ୍ବାଦିକତା ଦେବା ସପକ୍ଷରେ ନ ଥିଲେ । ଏବେକାର କଥା କିନ୍ତୁ ସଂପୂର୍ଣ ଅଲଗା । ପଂଗୁ ଲଘଂୟତେ ଗିରି …….। ଭୁଲ ଦେଖେଇବାର ଦିନଟିଏ ଯାଇନାହିଁ । ପୁଣି ଭୁଲ ପରେ ଭୁଲ। ବିରିଡି (ସ.ପ୍ର) ଲେଖିଥିବା ଓ ସମାଜ ଖବରକାଗଜରେ ପ୍ରକାଶ ପାଇଥିବା ଖବର ଅନୁଯାୟୀ ମହାତୋଳ ଗାଁ ରେ ଜଣେ ବିଶିଷ୍ଟ ବ୍ୟକ୍ତି ଧନଂଜୟ ରାଉତଂକ ଏକାଦଶାହ ଉପଲକ୍ଷେ ଶୋକସଭାଟିଏ ଅନୁଷ୍ଠିତ ହୋଇଥିଲା। ଯହିଁରେ ଜଗତସିଂହପୁର ସାଂସଦ ଡାକ୍ତର ରାଜଶ୍ରୀ ମଲ୍ଲିକ ଓ ତିର୍ତ୍ତୋଲ ବିଧାୟକ ବିଷ୍ଣୁଦାସ ଯୋଗ ଦେଇଥିଲେ । ମାତ୍ର ସମାଜ କାଗଜ ଲେଖିଲା କି ଧନଂଜୟ ମହାପାତ୍ର ! ଏହାକୁ କଣ ଯଥାର୍ଥ ପୂଜ୍ୟ ପୂଜା ବୋଲି କୁହାଯାଇପାରିବ ?ଏପରି ଲେଖିବା ଦ୍ୱାରା ବରଂ ନ ଲେଖିବା ଠାରୁ ଅଧିକ କଷ୍ଟ ସେଇମାନଂକୁ ହେବ କି ନା ଯେଉଁମାନେ ସଠିକ ନାଁ ଲେଖାଥିଲେ ଖୁସି ହୋଇଥାନ୍ତେ ? ଅଥଚ ଧରିତ୍ରୀ କାଗଜକୁ ଧନ୍ୟବାଦ ଏପରି ଭୁଲ ସେହି କାଗଜ କରିନାହିଁ। ଆମେଏହି ଦୁଇକାଗଜର କ୍ଲିପିଂ ପାଠକୀୟ ଅବଗତି ନିମନ୍ତେ ପେଶ୍ କରିଛୁ। ପ୍ରସାରଣ ଆମର , ବିଚାର ଓ ନିଷ୍ପତ୍ତି ଆପଣ ମାନଂକର ।