କଟକ ଗ୍ରାମାଞ୍ଚଳ ଜିଲ୍ଲା(ନିପ୍ର)କଟକ ଗ୍ରାମାଞ୍ଚଳ ଜିଲ୍ଲା ପୁଲିସ ଅନ୍ତର୍ଗତ ନିଆଳି ଥାନା ବିଲାସୁଣୀ ପଞ୍ଚାୟତର ଜଣେ ଆଦିବାସୀ ନା ବାଳକକୁ ଆଜି ପ୍ରତ୍ୟୁଷରେ ଓଲାଂଶ ଠାରେ,ସର୍ବ ସାଧାରଣରେ ଏକ ମୋଟା ରଜ୍ଜୁ ସାହାଯ୍ୟରେ ଆପାଦ ମସ୍ତକ ଅତି ନିର୍ମମ ଭାବେ ବନ୍ଧାଯାଇଥିବା ଭଳି ଏକ ମାନବାଧିକାର ଉଲଙ୍ଘନ ଘଟଣା ସାମ୍ନାକୁ ଆସିଛି।ନିଆଳି ପୁଲିସ ଖବର ପାଇ ସମ୍ପୁକ୍ତ ନାବାଳକକୁ ଉଦ୍ଧାର କରି ଡାକ୍ତର ମାଇନା ନିମନ୍ତେ ଥାନାକୁ ଆଣିଛି,ତେବେ ନିର୍ଯ୍ୟାତନାକାରୀ ମାନଙ୍କୁ ପୁଲିସ ଏଯାଏ ଗିରଫ କରିନାହିଁ।ପ୍ରାପ୍ତ ସୂଚନା ଆଧାରରେ ଜଣାପଡିଛି କି ଗତକାଲି ଜଣେ ବ୍ୟକ୍ତି ମୋବାଇଲ ଚୋରୀ ସନ୍ଦେହରେ ଉକ୍ତ ନା ବାଳକ ନାମରେ ନିଆଳି ଥାନାରେ ଅଭିଯୋଗ ଦେଇଥିଲେ।ପୁଲିସ ପିଲାଟିକୁ ଥାନାକୁ ଡ଼ାକି ପଚ ରା ଉଚରା ପରେ ଛାଡି ଦେଇଥିଲା।ତାହାଠାରୁ କୌଣସି ମୋବାଇଲ ମଧ୍ୟ ଜବତ ହୋଇନାହିଁ।ତଥାପି ପୁଲିସ ଗତକାଲି ଏଥିନେଇ କୌଣସି ପ୍ରମାଣ ନପାଇ ଛାଡି ଦେଇଥିବାରୁ ଆଜି ପୁନର୍ବାର ଏହି ଅଭିଯୁକ୍ତ ମାନେ କଙ୍ଗାରୁ କୋର୍ଟ ନିଷ୍ପତ୍ତି ଅନୁଯାୟୀ,ପିଲାଟିକୁ ଜବରଦସ୍ତ ଭାବେ ଅଟକାଇ ରଖି ଏପରି ଅତି କୃର ଓ କର୍କଶ ପଦକ୍ଷେପ ନେଇଥିବା ସ୍ପଷ୍ଟ ହୋଇଛି। ଘଟଣାଟି ନବୀନ ସରକାରଙ୍କ ସ୍ଵଚ୍ଛ ଶାସନରେ ଆଉ ଏକ ମାନବାଧିକାର ହତ୍ୟା ବୋଲି ଅଭିଯୋଗ ର ପସରା ମୁଣ୍ଡେଇ ଥିବାରୁ ରାଇଜ ମୁଖ୍ୟ ମନ୍ତ୍ରୀ,5T ସଚୀବ,ରାଜ୍ୟ ପୁଲିସ ମୁଖ୍ୟ କଠୋର ପଦକ୍ଷେପ ନେବାକୁ ଦାବି ହେଉଛି।