କଣ୍ଟାପଡା ୨୭।୧୧(ନି.ପ୍ର) ‘ଫନି’ ବାତ୍ୟା ସହାୟତାରେ ବିରାଟ ଘୋଟାଲା ନେଇ ରାଜ୍ୟର ଅଧିକାଂଶ ପିଡୀତ ଅଂଚଳ ଚର୍ଚ୍ଚାରେ ଥିବାବେଳେ କଟକ ଜିଲ୍ଲା,କଣ୍ଟାପଡା ତହସିଲ ଓ ବ୍ଲକର ନାହାଳପୁର ପଂଚାୟତ ଓ ରାଜସ୍ୱ ସର୍କଲ ଅଧୀନସ୍ଥ ଯୋହଳ ଗ୍ରାମ ସର୍ବାଗ୍ରେ ରହିଛି।ଗ୍ରାମର ୯୯ଭାଗ ଘର କୁଆଡେ ସଂପୂର୍ଣ କ୍ଷତିଗ୍ରସ୍ତ ହୋଇଥିବା ଦର୍ଶାଇ ରାଜସ୍ୱନିରୀକ୍ଷକକଂ ରିପୋର୍ଟ ଭିତ୍ତିରେ ଜଣପିଛା ୯୫ ହଜାର୧୦୦ଟଂକା ଲେଖାଁ ଦିଆଯାଇଛି ରାଜ୍ୟସାରାର ଫନି ଏହି ଗାଁଉପରେ ମାଡହୋଇଥିବ ବୋଲି କେତେକ ପରିହାସରେ କହିବା ଆରମ୍ଭ କଲେଣି ।ଅପର ପକ୍ଷରେ ଏମିତି ତାଲିକାରେ ନାଁ ଭର୍ତ୍ତି କରିବାକୁ ଜଣପିଛା ୧୦ରୁ ୧୫ ହଜାର ଟଂକା ଲେଖାଁ ଲାଂଚ ଆଦାୟ କରାଯାଇଥିବାର ଚର୍ଚ୍ଚା ଏବେ ଜିଲ୍ଲା ସାରା ଛାଇ ଗଲାଣି।ଲାଂଚ ଟଂକା ଲୋଭରେ ଉପରିସ୍ଥ ଅଧିକାରୀକଂ ବାରମ୍ବାର ନିର୍ଦ୍ଦେଶ ତାଲିକା ସାର୍ବଜନୀନ କରିବା ଓ ତାଲିକାଉପରେ ଆପତ୍ତି ଅଭିଯୋଗ ଗ୍ରହଣର ସୁଯୋଗ ନ ଦେଇ ଶେଷ ତାରିଖ ଟପିବା ପରେ ବି ଚପାଇ ରଖାଯାଇଥିବା ଅଭିଯୋଗ ହେଉଛି ।ପରିସ୍ଥିତି ଏଭଳି ଯେଏହି ମୋଟା ଅଂକର ଲାଂଚଟଂକା ଦେଇ ନପାରି ଗାଁ ର ସାଗରିକା ଦାସ,ସଂଜୁବାଳା ଭୋଇ,ଅଲେଖ ମଲ୍ଲିକ ,ସାବିତ୍ରୀ ଭୋଇ ,ଝୁନି ଦେଇ,ମହେଶ୍ୱର ଭୋଇକଂ ପରି କିଛି ପରିବାର ଭଂଗାଘର ତଳେ ପଡିରହିଥିବାରୁ ଅନ୍ୟ ବିକଳ୍ପ ନ ପାଇ ପ୍ରତିବାଦ ଜଣେଇବାକୁ ଆନ୍ଦୋଳନ ର ପନ୍ଥା ବାଛିଛନ୍ତି।ସେମାନେ ଆଜି ତହସିଲକୁ ୭ଦିନିଆ ମହଲତ ନୋଟିସ ଦେଇଛନ୍ତି ।ଏଭଳି ନୋଟିସ ଦେଖି ତହସିଲ ପ୍ରଶାସନ ଏବେ ହରଡ ଘଣାରେ ।ଆନ୍ଦୋଳନ କାରୀକୁଂ ବୁଝା ଶୁଝା ଓ ପ୍ରଲୋଭନ, ପ୍ରତିଶ୍ରୁତି ବି କିଛି କାମ ଦେଇନି।ଯଦିଏଭଳି ଲାଗିରହେ ତେବେ ତଦନ୍ତରେ କେତେକର୍ମଚାରୀ ଯେ ମାମୁଁଘର ନ ଯିବେ ତାହା ସମୟ କହିବ।