୨୦ବର୍ଷ ଧରି ନିରବଛିନ୍ନ ଭାବେ ଓଡିଶାର ଶାସନ ଡୋରୀ ଧରି ଆସୁଥିବା ଜଣେ ଦକ୍ଷମୁଖ୍ୟମନ୍ତ୍ରୀ ଭାବେ ବିବେଚିତ ନବୀନ ବାବୁ ନିଶ୍ଚୟ ଇତିହାସରେ ସ୍ଥାନପାଇବେ ଏକଥା ନିଃସନ୍ଦେହ।ସବୁଠାରୁ ବଡଉଲ୍ଲେଖନୀୟ ଯେ,କଥା ନ କହି କାମରେ ଦେଖାଉଥିବା ଶାସକକଂ ମଧ୍ୟରେ କେବଳ ଓଡିଶା ନୁହେଁ, ସାରା ଭାରତ ବର୍ଷରେ ବୋଧହୁଏ ସେ ହିଁ ଏକମାତ୍ର ବ୍ୟକ୍ତିତ୍ୱ।ତେବେ ଏଭଳି ଜଣେ ଦକ୍ଷ ବିରଳ ବ୍ୟକ୍ତିତ୍ୱ ଧାରୀ ରାଜନେତାକଂ ନିକଟରେ ବହୁ ଯୋଗ୍ୟ ପାରିଷଦ ବି ରହିଛନ୍ତି ,’ଧ’ବୋଲି କହିବା ଆଗରୁ କେବଳ ଚାହାଣୀର ଇସାରାରେ ଯେଉଁଠି ଆଦେଶ ତାମିଲ ହୁଏ ,ଏପରି ରାଜ୍ୟର ଏପରି ମୁଖ୍ୟମନ୍ତ୍ରୀ କେବଳ ଭାଗ୍ୟରେ ଥିଲେ ମିଳେ ବୋଲି କହିବା ନିଷ୍ପ୍ରୟୋଜନ।ନଚେତ ବିଜୁବାବୁ ଯାହା ପାରି ନଥିଲେ ତାଂକ ପରେ ତାଂକ ନାମରେ ଗଠିତ ଏକ ଆଂଚଳିକ ଦଳକୁ କ୍ରମାଗତ ଭାବେ ସେ ଦୀର୍ଘ ୨୦ବର୍ଷରୁ ଅଧିକ କାଳ ଖାଲି ସୁରୁଖୁରୁରେ ଚଳାଇ ଆସିନାହାନ୍ତି, ବରଂ ବିରୋଧୀକୁଂ ଧରାଶାୟୀ ବି କରିଛନ୍ତି।ହେଲେ ଏଭଳି ଜଣେ ମୁଖ୍ୟମନ୍ତ୍ରୀକଂ ଜନକଲ୍ୟାଣକାରୀ ନିର୍ଦ୍ଦେଶକୁ ବି.ଡି.ଓ ଏବଂ ଜିଲ୍ଲାପାଳମାନେ ଟାଳିଦେବାରେ ସକ୍ଷମ ହେଲେ କେମିତି?ତାହା ହିଁ ପରମ ବିସ୍ମୟ ନୁହେଁ ତ ଆଉକଣ ?

ଏକଥା ଆମେ କହୁ ନାହୁଁ।ନବୀନ ବାବୁକଂ ସରକାରର ଆଦେଶନାମା କହୁଛି।ଯାହାଏହି ଖବର ସହିତ ଆମେ ଆମ ରାଜ୍ୟର ପ୍ରିୟ ପାଠକକଂ ଅବଗତି ନିମନ୍ତେ ଉପସ୍ଥାପିତ କରୁଛୁ ।

ହାଇକୋର୍ଟରେ ରୁଜୁହେବ ଜନ ସ୍ୱାର୍ଥ ମାମଲା !

ସରକାର ଗରୀବ ଜନସାଧାରଣକଂ ଟିକସ ଅର୍ଥରେ ଜନକଲ୍ୟାଣକାରୀ ଯୋଜନାମାନ କରିଥାନ୍ତି।ଏଥିରୁ ବ୍ଲକର ବି.ଡି.ଓ ଏବଂ ଜିଲ୍ଲାର ଜିଲ୍ଲାପାଳମାନକଂ ସୁଖ ସ୍ୱାଛନ୍ଦ୍ୟ ନିମନ୍ତେ ଲକ୍ଷ ଲକ୍ଷ ଓ କୋଟି କୋଟି ଟଂକା ବ୍ୟୟକରି ସରକାରୀ ବାସଭବନ ମାନ ନିର୍ମାଣ କରିଥାନ୍ତି।ଅଥଚ ଏହିସବୁ ବାବୁମାନେ ସରକାରୀ ବାସଭବନକୁ ଭୂତକୋଠୀ କରି ବହୁଦୂରରେ ରହନ୍ତି ସେଠାକୁ ଦୈନ ନ୍ଦିନ ଯାତାୟତ ନିମନ୍ତେ ସରକାରୀ ଗାଡିକୁ ନାନା ଆଳଦେଖାଇ ସରକାରୀ କାମ ଦର୍ଶାଇଥାନ୍ତି ନତୁବା ଯିବା ଆସିବାରେ ବହୁ ଅଯଥା ସମୟ ବ୍ୟୟ ହୋଇଥାଏ ,ଯେଉଁଥିପାଇଁ ଜନସାଧାରଣକଂ ସେବା ବ୍ୟାହତ ହୋଇଥାଏ । ଏହାକୁ ଲକ୍ଷ୍ୟକରି ରାଜ୍ୟସରକାରକଂ ପଂଚାୟତିରାଜ ବିଭାଗ ଚିଠି ନମ୍ବର 17-GM-24-9120 2167/ PR,Dated21-01-2013 RESOLUTION ୬ପ୍ରୁଷ୍ଠା ବ୍ୟାପୀ ରାଜ୍ୟପାଳକଂ ନିର୍ଦେଶ କ୍ରମେ ପଂଚାୟତରାଜ କମିଶନର ଓ ସଚୀବକଂ ସ୍ୱାକ୍ଷରରେ ଜାରୀ ଏହି ନିୟମାବଳୀର ପ୍ରୁଷ୍ଠା ୫ ,ସ୍ତମ୍ଭ III.ରେ ଉଲ୍ଲେଖ ଅଛି କି ବହୁ ବି.ଡି.ଓ କଂ ବ୍ଲକ ମୁଖ୍ୟାଳୟରେ ରହୁ ନଥିବା ସରକାରକଂ ଦ୍ରୁଷ୍ଟିକୁ ଆସିଛି,ତେଣୁ କଠୋର କାର୍ଯ୍ୟାନୁଷ୍ଠାନ ସାଂଗକୁ ଦରମାବନ୍ଦ ଏବଂ ବିଭାଗ ମାସିକ ଏକ ଗୁପ୍ତ ରିପୋର୍ଟ ଜିଲ୍ଲାପାଳକଂ ଠାରୁ ତଲବ କରିବ ଯେ ବି.ଡି.ଓ ବ୍ଲକ ମୁଖ୍ୟାଳୟରେ ରହୁଛନ୍ତି କି ନାହିଁ ?ବି.ଡି.ଓ ମାନେ ମାସିକ ଅନ୍ୟୁନ ୧୫ଦିନ ନିଜ ବ୍ଲକ ଅଂଚଳରେ ଟୁରରେ ଯିବେ।ଟୁରରେ ଯିବା ଆଗରୁ ଓ ଫେରିବାପରେ ବ୍ଲକ କାର୍ଯ୍ୟାଳୟରେ ଯଥାବିଧି କାର୍ଯ୍ୟକରିବାକୁ ନିର୍ଦ୍ଦେଶ ନାମାରେ ଉଲ୍ଲେଖ ରହିଛି। ହେଲେ ନବୀନ ବାବୁକଂ ସରକାରର ଏହି ନିର୍ଦ୍ଦେଶନାମା କେତେଦୂରପାଳିତ ହେଉଛି ?ତାହା ଦେଖିବାକୁ କେହି ନାହିଁ, ଯଦି ପ୍ରଶ୍ନ ଉଠେ ଯେ ଆମରାଜ୍ୟର କେତେ ଜଣ ବି.ଡି.ଓ ସରକାରୀ ଆବାସିକ କାର୍ଯ୍ୟାଳୟରେ ରାତ୍ରୀଯାପନ କରୁଛନ୍ତି?ତେବେ ଉତ୍ତର ଆସିବକି ଶତକଡା ୫ ବି ନୁହେଁ ତାହା ପୁଣି ଉପକୂଳ ଜିଲ୍ଲାରେ ଆଦୌନୁହେଁ।ଉକ୍ତ ନିର୍ଦ୍ଦେଶନାମା ଅନୁଯାୟୀ କେତେଜଣ ଜିଲ୍ଲାପାଳକୁଂ ବିଭାଗ ଏ ସଂପର୍କୀୟ ରିପୋର୍ଟ ତଲବ କରିଛି ?ବା ଜିଲ୍ଲାପାଳ ମାନେ ନିଜଆଡୁ ଏହି ଗୁପ୍ତ ରିପୋର୍ଟ ସରକାରକୁଂ ଦେଇଛନ୍ତି ?ତାହାର ବି ତଥ୍ୟ ଆସିବ ଯେ ଶତକଡା ଶୂନ।ତାହାହେଲେ ନବୀନ ସରକାରକଂ ଏହି ନିର୍ଦ୍ଦେଶ ନାମା କାହା ପାଇଁ ଉଦ୍ଦିଷ୍ଟ ? ଆମର ଏକ ଆକଳନ ଅନୁଯାୟୀ ସରକାରକଂ ବଦଳି ତାଲିକା ସଚିବାଳୟରୁ ବାହାରୁ ନ ବାହାରୁଣୁ ଖବରଟି ସଂପ୍ରୁକ୍ତ କର୍ମଚାରୀକଂ ନିକଟରେ ପହଂଚିଯାଇଥାଏ ଓ ମନ ମୁତାବକ ସ୍ଥାନ ପସନ୍ଦ ନିମନ୍ତେ ସଚିବାଳୟରେ ଭିଡଲାଗେ। ବଦଳି ଟାଳିବାକୁ କିମ୍ବା ସମାନ ପଦବୀରେ ଅନ୍ୟତ୍ର ଥଇଥାନ ନିମନ୍ତେ ନିଜର/ପତ୍ନୀ/ ବାପା/ମା/ଶାଶୁ/ଶ୍ୱଶୁରକଂ ସ୍ୱାସ୍ଥ୍ୟ ଗତ ସମସ୍ୟାର ଡାକ୍ତରୀ ପ୍ରମାଣର ଆବଶ୍ୟକତା ଲୋଡା ପଡେ।କିମ୍ବା ପିଲା ପଢୁଥିବା ପରୀକ୍ଷାର ଆଳନେଇ ମୋଟା ଅଂକର ବିନିମୟରେ କିମ୍ବା ରାଜନୈତିକ ଚେଲା ଚାମୁଣ୍ଡାକଂ ଜରିଆ ଚାପରେ ପୁଣି ଏକ Partial modification ବା ଆଂଶିକ ବଦଳି ତାଲିକା ପ୍ରକାଶ ପାଏ।ଅଧିକାଂଶ ବଦଳି ରାଜଧାନୀ ପାଖାପାଖି ଜାଗାକୁ କିମ୍ବା କଟକ,ପୁରୀ ,ଜଗତସିଂହପୁର,ବାଲେଶ୍ୱର , କେନ୍ଦ୍ରାପଡା,ନୟାଗଡ ଆଦି ସ୍ଥାନକୁ ହୋଇଥାଏ।ଏଥିପାଇଁ ବର୍ଷକ ୬ୠତୁ ସାଂଗକୁ ଆଉ ଗୋଟିଏ ବଦଳି ଋତୁକୁ ମିଶାଇ କେତେକ ୭ଋତୁ ବୋଲି କେତେକ ମଜାରେ କହିଥାନ୍ତି।କାରଣ ବଦଳି ଜନିତ ଭଲ ଆୟ ଅମଳ ମିଳିଥାଏ।ସେ ଯା ‘ହେଉ ଅନୁନ୍ନତ ଜିଲ୍ଲାକୁ ନ ଯାଇ କିମ୍ବା ଲକ୍ଷ ଲକ୍ଷ ଟଂକା ବିନିମୟରେ ନିର୍ମିତ ସରକାରୀ ବାସ ଭବନରେ ରହଣି ନ କରି ବି.ଡି.ଓ ଓ ତହସିଲଦାରଦାରମାନେ କେବଳ ଯେ ସରକାରକଂ ନିର୍ଦ୍ଦେଶନାମା ଓ ସରକାରୀ ଚାକିରୀ ସର୍ତ୍ତାବଳୀ ଉଲଂଘନ କରିଥାନ୍ତି ତାହା ନୁହେଁ ବରଂ ଜନସାଧାରଣକଂ ସେବା ବ୍ୟାହତ ହୋଇଥାଏ।କିନ୍ତୁ ନବୀନକଂ ସାମ୍ନାରେ ଅଭିଯୋଗ କରିବ ବା କିଏ ? ଗୋଟିଏ ବ୍ଲକ କଟକ ଜିଲ୍ଲା କଣ୍ଟାପଡାର ନମୁନା ଯଥେଷ୍ଟ ହେବ।ଏହିବ୍ଲକରେ ୧୯୯୨ ମସିହା ପରଠାରୁ ଅମରେଶ୍ୱର ଦାଶକଂ ପରେ କୌଣସି ବି.ଡି.ଓ ଆଉ ବ୍ଲକ ମୁଖ୍ୟାଳୟରେ ରହିନାହାନ୍ତି ଅଥଚ ବିଡିଓ ଅମ୍ବିକା ପ୍ରସାଦ ଦାଶକଂ ବେଳେ୨୦୧୪ ମସିହାରେ ବି.ଡି.ଓକଂ କ୍ୱାର୍ଟର ମରାମତି ନାଁରେ ୫ଲକ୍ଷ, ଏହି କ୍ୱାର୍ଟର ମରାମତି ସହିତ ପ୍ରାୟ ୨୯ ଲକ୍ଷ ଟଂକାରେ ଆଉଏକ ନୂଆ ବାସଭବନ ବ୍ଲକପରିସରରେ ନିର୍ମାଣ କରାଯାଇ ତାହା ଅବ୍ୟବହ୍ରୁତ ଅବସ୍ଥାରେ ଭୁତକୋଠି ହୋଇପଡିଛି। ଦିନଟିଏ ବି ଏଯାଏ କୌଣସି ବି.ଡି.ଓ ରହି ନାହାନ୍ତି ବରଂ ବର୍ତ୍ତମାନର ବି.ଡି.ଓ କେ.ଅଶୋକ କୁମାର ଅଟୋଭଡା କରି ଦୈନିକ କେଉଁଏକ ଅଜଣା ଦୂର ସ୍ଥାନରୁ ପ୍ରତ୍ୟେହଆସୁଛନ୍ତି ଯାଉଛନ୍ତି।5T ସରକାର ଏଥିପ୍ରତି ଧ୍ୟାନ ଦେଲେ ସରକାର ତଥା ପ୍ରଜାକଂ ମଂଗଳ ହେବ।