କଟକ ସଦର( ସତ୍ୟାନୁସଂଧାନ ବ୍ୟୁରୋ) ବିଶ୍ୱବ୍ୟାପୀ ଆତଂକ ସ୍ରୁଷ୍ଟି କରିଥିବା’କରୋନା’କୁ ପ୍ରତିହତ କରିବା ଲକ୍ଷ୍ୟରେ କେନ୍ଦ୍ର ତଥା ରାଜ୍ୟ ସରକାରକଂ ପକ୍ଷରୁ ନିଆ ଯାଇଥିବା ପଦକ୍ଷେପ ସାଧାରଣରେ ଉଚ୍ଚପ୍ରଶଂସିତ ହୋଇଛି,ତେବେ କଟକଣା ଯୋଗୁ ସାଂପ୍ରତିକ ସ୍ଥିତିରେ ପନିପରିବା ଚାଷୀ- ସାଧାରଣ ଖାଉଟୀ ଏବଂ ଦିନମଜୁରୀଆ, ଛୋଟ ବ୍ୟବସାୟୀ ମାନକଂ ସମସ୍ୟା ଉତ୍କଟ ହୋଇଛି।ଗୋଟିଏପଟେ ସଂକ୍ରମଣ ରୋକି ଜୀବନ ବଂଚେଇବାକୁ କଟକଣା ତ ଅନ୍ୟପଟେ ଖାଦ୍ୟ ସାମଗ୍ରୀ ସୁରୁଖୁରୁରେ ଯୋଗାଣ ଓ ସଂଗ୍ରହରେ ଏକ ବିରାଟ ପ୍ରତିବନ୍ଧକ ସ୍ରୁଷ୍ଟି ହୋଇଛି।ଚାଷୀ ନିକଟରେ,ବିଲରେ ଉନ୍ନତ ମାନର ସଜ ପନିପରିବା ପ୍ରଚୁର ପରିମାଣରେ ମହଜୁଦ ଥିବା ଓ ଖାଉଟୀକଂ ମଧ୍ୟଏହାକୁ ଚାହିଦା ଥିବାସତ୍ତ୍ୱେ କରୋନା ସଂକ୍ରମଣ ଭୟରେ ଲାଗିଥିବା କଟକଣା ଯୋଗୁ ଲକ୍ଷ ଲକ୍ଷ ଟଂକା ମୂଲ୍ୟର ଏହି ପନିପରିବା ସବୁ ବିନା ବ୍ୟବହାରରେ ବିଲରେ ଉଜୁଡି ନଷ୍ଟ ହେବାକୁ ଯାଉଥିବାର ଚାଷୀକଂ ଆଶଂକା କିଛି ଅମୂଳକ ନୁହେଁ। କଟକ ଜିଲ୍ଲା ବାରଂଗ ବ୍ଲକ,ହରିଅନ୍ତା ପଂଚାୟତ,ଅନ୍ଧୋଟି ଗ୍ରାମର ବସନ୍ତ ଜେନା ଜଣେ ଚାଷୀ,ଯେ କି କେବଳ ଜିଲ୍ଲାର ନୁହେଁ ବରଂ ରାଜ୍ୟର ଆଗଧାଡିର ୫ଜଣ ଚାଷୀକଂ ଭିତରୁ ଜଣେ, ସେ ନିଜର ପ୍ରାୟ ୧୩।୧୪ଏକର ଜମି ସହିତ ପାଖାପାଖି ଚାଷୀକଂ ଠାରୁ ମଧ୍ୟ ୪/୫ ଏକର ଜମି ସଂଜାରେ ଆଣି ମୋଟ ପ୍ରାୟ୧୮ଏକର ଭଳି ଜମିରେ ଛଚିନ୍ଦ୍ରା, ଲଂକା,ବିଭିନ୍ନ କିସମର କୋବି କରିଛନ୍ତି ଯାହାରମୂଲ୍ୟ ଲକ୍ଷ ଲକ୍ଷ ଟଂକା ହେବ ସେ ଏହାକୁ ଭୁବନେଶ୍ୱର ମାର୍କେଟରେ ବିକ୍ରୟ କରିଥାନ୍ତି।ଏହି ସବୁ ପରିବା ଏବେ ତାଂକ ବିଲରେ ଥିବାବେଳେ ଖାଉଟୀ କିନ୍ତୁ ଆଉ ପାଇବାର ବାଟ ନାହିଁ।ପରିବା ପାଇଁ ଖାଉଟୀ କିନ୍ତୁ ହନ୍ତସନ୍ତ।ସରକାରକଂ କରୋନା ଟାସ୍କଫୋର୍ସ ଯଦି ଏଥିନିମନ୍ତେ କିଛି ସୁ ଚିନ୍ତିତ ଉପାୟ ନିର୍ଦ୍ଧାରଣ କରନ୍ତେ କରୋନା କଟକଣା ଓ ସତର୍କତା ପାଳନ ସହିତ ସଂପ୍ରୁକ୍ତ ଚାଷୀ ତଥା ଖାଉଟୀକଂ ମଂଗଳ ସାଧନ ହୋଇପାରନ୍ତା। ଅବଶ୍ୟ ସରକାର ଚାହିଁଲେ ନିମିଷକେ କିଛି ନା କିଛି ବାଟ ବାହାର କରିପାରିବେ। ଏହାକେବଳ ଜଣେଚାଷୀ ବସନ୍ତ ଜେନାକଂ ସମସ୍ୟା ନୁହେଁ ଏମିତି କନ୍ଦରପୁର,ଖଲର୍ଦ୍ଦା,କୁଳ କଇଜଂଗା,ନାହାଳପୁର ସମେତ ବାଲେଶ୍ୱର,ବ୍ରହ୍ମପୁର ଓ ରାଜ୍ୟର ଅନେକାନେକ ଅଂଚଳରେ ଚାଷୀକଂ ସମସ୍ୟା ଠିକ ଏକା ଭଳି। ଆଗରୁ ଚାଷୀମାନେ ପ୍ରାକ୍ରୁତିକ ବିପର୍ଯ୍ୟୟରେ ବ୍ୟାପକ କ୍ଷତି ସହି ମେରୁଦଣ୍ଡ ଭାଂଗିଯାଇଛି।ଏମିତି ସ୍ଥିତିରେ ଲକ୍ଷ ଲକ୍ଷ ଟଂକାର ପନିପରିବା ଯେ କେବଳ ଉଜୁଡିବ ତା ନୁହେଁ ବରଂ ପରିସ୍ଥିତି ଯଦି ଆଗକୁ ଯଥାଶୀଘ୍ର ନ ସୁଧୁରି ଅଧିକ ଜଟିଳ ହେଲା ତେବେ ପନିପରିବା ଦର ଆକାଶ ଛୁଆଁ ହେବା ସ୍ୱାଭାବିକ।

ସେହିଭଳି କରୋନା କଟକଣାରେ ଦିନମଜୁରୀଆ,ଛୋଟ ଦୋକାନୀ ଏକପ୍ରକାର ଜୀବିକା ହରାଇଛନ୍ତି।ସେମାନେ ବଡକଷ୍ଟରେ ଜୀବନ ବଂଚୁଛନ୍ତି ସେମାନେ କରୋନା ସତର୍କତା ପାଳିବାକୁ ସାବୁନ,ସାନିଟାଇଜର କିଣିବା ଅବସ୍ଥାରେ ନାହାନ୍ତି।ସେମାନକୁଂ ସରକାରକଂ କରୋନା ପାଣ୍ଠିରୁ ଏହାକୁ ଯୋଗାଣ ନିମନ୍ତେ ଚଉପଡା ଗ୍ରାମର ନ୍ରୁସିଂହ ଚରଣ ଜେନା ଦାବୀ କରିଛନ୍ତି।ଅପର ପକ୍ଷରେ ସରକାର ଯୋଗାଇଥିବା କରୋନା ପାଣ୍ଠିକୁ ହରିଲୁଟ୍ କରିବା ମସୁଧାରେ ରାଜନୈତିକ ଓ ଅମଲା ତାନ୍ତ୍ରିକ ଅସାଧୁମେଣ୍ଟର ଚକ୍ରବ୍ୟୁହ କାର୍ଯ୍ୟାରମ୍ଭ କରିଥିବା ବିଭିନ୍ନ ମହଲରୁ ଅଭିଯୋଗ ଉଠିଲାଣି।