ବଢୁଛି ଅପରାଧ : ଏକା ଦିନକେ ଦୁଇ ଘଟଣା (୧)ଆଦିବାସୀ ନା ବାଳିକାକୁ ଅସଦାଚରଣ(୨) ମହାବିଦ୍ୟାଳୟରେ ଛାତ୍ରଙ୍କୁ ରାଗିଂ

କଟକ ଗ୍ରାମାଞ୍ଚଳ ଜିଲ୍ଲା:(ନି.ପ୍ର)ରାଜ୍ୟରେ ସରକାର ସିନା ବଦଳିଛି ହେଲେ ଅପରାଧ ଥମିବାର ନାଁ ନେଉ ନାହିଁ।ଗୋଟିଏ ଦିନରେ କଟକ ଗ୍ରାମାଂଚଳ ଜିଲ୍ଲା ପୁଲିସ ଅନ୍ତର୍ଗତ ଦୁଇ ଦୁଇଟି ଥାନା ଗୋବିନ୍ଦପୁର ଓ ଓଲଟପୁର ଥାନା ଅଂଚଳରେ ଏହି ଦୁଇଟି ଅପରାଧ ଘଟିଥିବା ବେଳେ ଗୋଟିକରେ ଥାନାରେ ଲିଖିତ ଅଭିଯୋଗ ଉପରେ ପୁଲିସ ମାମଲା ରୁଜୁ କରି ମାମଲାର ତଦନ୍ତ ଓ ଅଭିଯୁକ୍ତଙ୍କୁ ଅଟକ ରଖି ପଚରା ଉଚରା କରୁଛି ଦ୍ଵିତୀୟ ଘଟଣାରେ ଏଯାଏ ପୁଲିସରେ କୌଣସି ଲିଖିତ ଅଭିଯୋଗ ହୋ ଇ ନାହିଁ,ପୀଡ଼ିତ ଛାତ୍ର ଜଣକ ନିର୍ଯ୍ୟାତନା ପରେ ଭୟରେ ହଷ୍ଟେଲ ଛାଡି ପଳାଇଛନ୍ତି।ମିଳିଥିବା ସୂଚନା ଅନୁଯାୟୀ,ପ୍ରଥମ ଘଟଣା ଘଟିଛି ଗୋବିନ୍ଦ ପୁର ଥାନା କୂଳବ୍ରାହ୍ମଣସାଇଲୋ-ଧାନମଣ୍ଡଳ କନ୍ଦଳନଦୀ ବନ୍ଧକୁ ଲାଗି ଥିବା କୂଳବ୍ରାହ୍ମଣସାଇଲୋ ଠାରେ ଏକ କୁକୁଡା ଫାର୍ମ ରହିଛି।ଏହି ଫାର୍ମ ରେ କାମ କରିବାକୁ ପଛୁଆ ଅଞ୍ଚଳ ଜିଲ୍ଲାର ଜଣେ ଆଦିବାସୀ ଦମ୍ପତ୍ତିଙ୍କୁ ଓ ତାଙ୍କସହ ଥିବା ତାଙ୍କର ଏକ ନା-ବାଳିକା ଝିଅ(୧୧)କୁ ଆଣି ଫାର୍ମ ମାଲିକ ରଖିଥିଲେ।ମହିଳାଙ୍କ ସହ ଅନୈତିକ ସମ୍ପର୍କ ରଖି ଥିବା ସ୍ଥାନୀୟ ଲୋକେ ସନ୍ଦେହ କରୁଥିଲେ,ତେବେ ଅବିବାହିତ ଫାର୍ମ ମାଲିକ(୪୮) ଆଦିବାସୀ ପରିବାରର ନା ବାଳିକା ପ୍ରତି ଅସଦା ଚରଣ କରିଥିବାର ଲିଖିତ ଅଭିଯୋଗ ଆଜି ପୂର୍ବାହ୍ନରେ ଗୋବିନ୍ଦପୁର ଥାନାରେ ପୀଡ଼ିତଙ୍କ ପକ୍ଷରୁ ଆଗତ ହୋଇଥିଲା।ପୁଲିସ ଅଭିଯୁକ୍ତଙ୍କୁ ଥାନାକୁ ଡ଼କାଇ ପଚରା ଉଚରା କରୁଥିବା ଓ ପୁଲିସ୍ ଉଚ୍ଚ କର୍ତ୍ତୃପକ୍ଷ ଘଟଣାସ୍ଥଳ ପରିଦର୍ଶନ କରି ବାପରେ ଅଭିଯୁକ୍ତଙ୍କୁ ଗିରଫ କରାଯାଇଛି ଓ ଆସନ୍ତାକାଲି କୋର୍ଟଚାଲାଣ କରାଯିବ ବୋଲି ସୂଚନା ମିଳିଛି।

ଓଲଟପୁରଥାନା ଅନ୍ତର୍ଗତ ଏକ ସ୍ବୟଂଶାସିତ ମହା ବିଦ୍ୟା ଳୟରେ ଅଧ୍ୟୟନରତ ଅନ୍ତେଃବାସୀ ତଳ ଶ୍ରେଣୀ ଛାତ୍ରଙ୍କୁ ଉକ୍ତ ମହାବିଦ୍ୟାଳୟର ଉପରଶ୍ରେଣୀ ଛାତ୍ରମାନେ ରାଗିଂ, ଶାରୀରିକ ନିର୍ଯ୍ୟାତନା ଦେଇଥିବା ଅଭି ଯୋଗ ହେଉଛି ଫଳରେ ସଂପୃକ୍ତ ଛାତ୍ର ରାଗିଙ୍ଗ ସହି ନପାରି ଛାତ୍ରାବାସ ଓ ମହାବିଦ୍ୟାଳୟ ପାଠ ଛାଡି,ଜିନିଷ ପତ୍ର ଧରି ପଳାଇ ଛନ୍ତି।କନିଷ୍ଠ ଶ୍ରେଣୀ ପିଲାଙ୍କୁ,ଖାଇବାକୁ ଆଣି ଦେବା ଓ ଖାଇ ସାରି ଅଇଁଠା ବାସନ ଧୋଇବାକୁ ବାଧ୍ୟ କରିବା, ବୈଦ୍ୟୁତିକ ମଶାଧୂପ ମାଗି ନେବା ଓ ନ ଫେରାଇବାରୁ ମାଗିବାକୁ ଯିବାରେ ମାଡ଼ ମାରିଥିବା ଭଳି ଶାରୀରିକ ନିର୍ଯ୍ୟାତନାର ଅଭିଯୋଗ ସାମ୍ନାକୁ ଆସିଛି।ଫଳରେ ସଂପୃକ୍ତ ଛାତ୍ର ମହାବିଦ୍ୟାଳୟ ଛାଡି ପଳାଇଛନ୍ତି ।ଏହା ସର୍ବତ୍ର ବ୍ୟାପିଥିବାବେଳେ ମହାବିଦ୍ୟାଳୟ କର୍ତ୍ତୃପକ୍ଷ,ରା ଗିଂ କମିଟି,ସ୍ଥାନୀୟ ପୁଲିସ୍ କିପରି ଜାଣି ନପାରିଲେ ତାହା ଘୋର ସନ୍ଦେହ ସୃଷ୍ଟି କରିଛି।

ନିଆଳି ଥାନା:କଥାରେ ଅଛି ଖୁଣ୍ଟ ଦୁର୍ବଳ ଥିଲେ ଘୋଡା ଡିଆଁ ଡେଇଁ, କୁଦା କୁଦି କରେ।ରାଜ୍ୟରେ ନୁଆ ସରକାର ଙ୍କ ଚେର ମାଟି ନ ଧରୁଣୁ ଅପରାଧୀ ମାନେ ଏବେ ଖୁବ୍ ସକ୍ରିୟ।ଏହି ଅପରାଧ ଓ ଅପରାଧୀଙ୍କୁ ସକ୍ରିୟ କରି କାମ ରେ ଲଗାଉଛି ଏବେ ପୁଲିସ୍।ଆଜି ଧାମନଗର ଅଞ୍ଚଳରୁ ଆସିଥିବା ୩ ବ୍ରାଉନ ସୁଗର୍ କାରବାର ଅପରାଧୀ ସହ ଧରାପଡ଼ିଥିବା କୋଟି ଟଂକାର ବ୍ରାଉନ ସୁଗାରକୁ ଖସାଇ ଦେବାକୁ ନିଆଳି ଥାନା ବାବୁ ମାନେ ବହୁ ପରିଶ୍ରମରେ ଲାଗି ପଡିଛନ୍ତି,ଥାନା ଗାଡ଼ି ବି କାମରେ ଲାଗିଛି, ନିଆଳି ଅଚିହ୍ନା ପଡିଆ ମୁଣ୍ଡରେ ଥିବା ସିଂହ ସାହି ଫାଟକ ସାମ ନାରେ ଚାଲିଛି ମୋଟା ଅଙ୍କର ଡିଲ, ଡ଼ିଲ ଖତମ୍ ହେଲେ ଥାନା ବାବୁ ଦିଲ ଖୋଲା କରି ଅଭିଯୁକ୍ତଙ୍କୁ ଛାଡ଼ି ଦେବା ଉପକ୍ରମ ଜାରୀ ରହିଛି,ଚିଲ, ଶାଗୁଣା ବି କିଛି କିଛି ଝାମ୍ପି ବାକୁ ଛକି ବସିଛନ୍ତି ଅନ୍ଧାର ରେ। ଦେଖାଯାଉ ରାଜ୍ୟ ପୁଲିସର ଅପରାଧ ଓ ଅପରାଧୀ ନିୟନ୍ତ୍ରଣ କେତେ ସଫଳ ହେଉଛି???