ଜଂଗଲ ଓ ବନ୍ୟଜନ୍ତୁକଂ ସୁରକ୍ଷା ନିମନ୍ତେ ପ୍ରଣୀତ ହୋଇଥିଲା ସ’ ମିଲ୍ ସ’ ପିଟ୍ ନିୟନ୍ତ୍ରଣଆଇନ୍ ୧୯୯୧ଉକ୍ତ ଆଇନ ଆଧାରରେ ବେସରକାରୀଉଦ୍ୟମରେ କରତକଳ ପ୍ରତିଷ୍ଠା ଓ ପରିଚାଳନାକୁ ନିଷେଧ କରାଯାଇଛି ଏମିତି କି ବେଆଇନ କରତକଳକୁ ବିଦ୍ୟୁତ ଯୋଗାଉଥିବା ଅଧିକାରୀକଂ ପ୍ରତି କଠୋର ଦଣ୍ଡ ବ୍ୟବସ୍ଥା ବି ଏଥିରେ ରହିଛି।ପୂର୍ବରୁ ଥିବା କରତକଳ ଗୁଡିକ ବି ଏଥିରୁ ନିସ୍ତାର ପାଇପାରି ନାହାନ୍ତି । ଆତ୍ମ ନିଯୁକ୍ତି ହରାଇଥିବା କରତକଳ ମାଲିକମାନକଂ ପକ୍ଷରୁ ହାଇକୋର୍ଟ ଓ ସୁପ୍ରିମ କୋର୍ଟରେ ବହୁସଂଖ୍ୟକ ମାମଲା ରୁଜୁହୋଇଥିଲା ହେଲେ ତାହା ନିଷ୍ଫଳ ପ୍ରମାଣିତ ହେବାପରେଆତ୍ମନିଯୁକ୍ତି ହରାଇଥିବା କରତକଳ ମାଲିକମାନକୁଂ ଥଇଥାନ ନିମନ୍ତେ ସରକାର ସ୍ଥାନ ଚିହ୍ନଟକରି କ୍ଲଷ୍ଟରରେ ସେହିସବୁ କରତକଳ ସ୍ଥାପନ ଯୋଜନା କରିଥିଲେ।ସେତିକି ବ୍ୟତିତ ଆଉ ନୂତନ କରତକଳ ନିଷେଦ୍ଧ ହୋଇଛି ଏହା ସତ୍ତ୍ୱେ ସଂଖ୍ୟାଧିକ ଚୋରାକରତ କଳ ଏବେ ବର୍ଷାଦିନିଆ ଛତୁପରି ମେଲିଚାଲିଛି ନା ଅଛି କଟକଣା ନା ଅଛି କାର୍ଯ୍ୟାନୁଷ୍ଠାନ । କେବଳ ଧର୍ମକୁ ଆଖିଠାର ସଦ୍ରୁଶ କାଗଜ ପତ୍ର ରେ ଆଇନ ସିମୀତ ରହିଛି। ବିଭାଗ ନାମକୁମାତ୍ର ଲୋକଦେଖାଣିଆ ନଟ୍ ବୋଲ୍ଟ କେତେଟା ଖୋଲି ନେବା ପରେ ସ୍ୱଳ୍ପ ବ୍ୟବଧାନରେ ପୁଣି ଏସବୁକାରଖାନା ସ୍ୱାଭାବିକ ରିତୀରେ ଚାଲିଥାଏ। ଅଭିଯୋଗ ହୁଏ ଯେ ବିପୁଳ ପରିମାଣ ମାସିକିଆ ବଟି ନେଇ ବନବିଭାଗ ଅଧିକାରୀ ଚେଇଁ ଶୋଇଥାନ୍ତି ସେପଟେ ବିପୁଳ ବନସଂପଦ ଲୁଟ୍ ହୋଇଚାଲିଥାଏ।ଏମିତି ଏକ ପରିସ୍ଥିତି କ୍ରମେ ଆଜି ବନ ବିଭାଗ ପକ୍ଷରୁ ନିଆଳି ବିନିଶିପୁର, ରତନପୁର ଗଜାବର ସ୍ଥିତ ଦୁଇଟି ବେଆଇନ କରତକଳ ଉପରେ ଚଢାଉ ହୋଇଥିଲା ।ଏକ ବସରେ ସଶସ୍ତ୍ର ସୁରକ୍ଷାବଳ, ନିଆଳି ଥାନା ପୁଲିସ ନିରୀକ୍ଷକ ବିଜୟ କୁମାର ମଲ୍ଲିକ,ତହସିଲଦାର ତଥା ଏକ୍ସକ୍ୟୁଟିଭ ମାଜିଷ୍ତ୍ରେଟ୍ ରଂଜନ କୁମାର ଜେନା,ଏ.ସି ଏଫ ରଜନୀକାନ୍ତ ୪ଗୋଟି ରେଂଜ ଅଧିକାରୀ ଭରତକୁମାର ଘଡେଇ , ଆଦିତ୍ୟନାରାୟଣ ମିଶ୍ର,ବି.ବି ମହାପାତ୍ର, ଦୂର୍ଗା ଚରଣ ସାହୁ,ପ୍ରମୁଖ ଚଢାଉରେ ଅଂଶଗ୍ରହଣ କରିଥିଲେ।ତେବେ ଗଜାବର ମିଲ କୌଣସିକ୍ରମେ ଆଗୁଆ ଖବର ପାଇ ମୁଖ୍ୟ ମୁଖ୍ୟ ଯନ୍ତ୍ରାଂଶ ରାତିଆ ଖୋଲି ଦେଇଥିବାରୁ ବିଭାଗ କେବଳ ସାମାନ୍ୟ କିଛି ଯନ୍ତ୍ର ସମେତ ଲକ୍ଷାଧିକ ଟଂକାର ଶାଗୁଆନ କାଠ ଜବତ କରିଥିଲା।ସେହିପରି ନିଆଳି ବିନିଶିପୁର ମିଲ୍ ରୁ ଲକ୍ଷାଧିକ ଟଂକାର ଯନ୍ତ୍ରାଂଶ ଓ ଚିରେଇ କାଠ ବିଭାଗ ଜବତ କରିଛି ।ତେବେ ଦୀର୍ଘଦିନ ଧରି ମହୀଧରପଡାର ନାଥମିଲ ,ଗୋଗଳର ମହାରଣା ମିଲ,ବରିଷଣ,ଉତ୍ତାରଣ , ବାଘୁଆ, ଗରଗରା,ବାବୁକା ଡିହ ଆଦି ସ ମିଲ ଗୁଡିକ ଉପରେ କୌଣସି ଚଢାଉ ହେଉ ନ ଥିବାରୁ ବିଭାଗୀୟ ଅନୁକମ୍ପା ବୋଲି କେତେକ ସଂଦେହ କରିଛନ୍ତି ।