ଏକ ବାଲିବୋଝେଇ ହାୱା ପୋଲଉପରେ ଯାଉଥିବା ବେଳେ ପୋଲ ମଝିରୁ ଭାଂଗିଯିବାରୁ ବାଲିସହ ଟ୍ରକଟି ପୋଲ ଅଧାରେ ଝୁଲି ରହିଛି। ଚାଳକ ନିଜ ଜୀବନ ବଂଚେଇବାରେ ଏକପ୍ରକାର ସକ୍ଷମ ହୋଇଛନ୍ତି ।ପ୍ରାପ୍ତ ସୂଚନାନୁଯାୟୀ କାକଟପୁର ବ୍ରାଂଚ କେନାଲ (କେ.ବି.ସି) ର ଗୋବିନ୍ଦପୁର ବଜାର ନିକଟରେ ଥାନା ଆଡକୁ ଯାଇଥିବା ରାସ୍ତାରେ ନିର୍ମିତ ଏହି ପୋଲଟି ବହୁ ପୁରୁଣା ପ୍ରାୟ ୪୦ବର୍ଷରୁ ଉର୍ଦ୍ଧ୍ୱ ହେଲାଣି ।ତେଣୁ ଏହାର ପୁନଃ ନିର୍ମାଣ ନିମନ୍ତେ ଦୀର୍ଘଦିନରୁ ଦାବୀ ହୋଇଆସୁଥିଲା ମାତ୍ରଏଥିପ୍ରତି କେହି ଧ୍ୟାନ ଦେଉ ନ ଥିଲେ । ପୋଲର ବାଡା ଭାଂଗି ପଡିଥିବାବେଳେ ଅନେକଥର ଛୋଟ ବଡ ଦୁର୍ଘଟଣା ମଧ୍ୟ ଘଟିଥିଲା।ତଥାପି ବି ଭାଗଏହାକୁ ବିପଦଶଂକୁଳ ଘୋଷଣା କରୁ ନ ଥିଲା କିମ୍ବା ଭାରୀଯାନ ଚଳାଚଳକୁ ମଧ୍ୟ ନିଷେଧ କରା ଯାଇ ନଥିଲା।କେନାଲରେ ଭରାପାଣି ଚାଲିଥିବା ବେଳେ ଆସନ୍ନ ବାତ୍ୟା “ବୁଲବୁଲ”ର ତାଣ୍ଡବ ଆଜି ଅପରାହ୍ନରୁ ଆରମ୍ଭ ହୋଇଛି ଏହି ସମୟରେ ମାତ୍ରାଧିକ ପରିମାଣର ବାଲି ଲଦି ଉକ୍ତ ଦୁର୍ବଳ ପୋଲଉପରେ ହାଇୱାଟି ଯାଉଥିବା ବେଳେ ଅଧାରେ ପୋଲ ଦୁଇଖଣ୍ଡ ହୋଇ ଭାଂଗି ଯାଇଥିଲା ଚାଳକ ନିଜ ଜୀବନ ବଂଚାଇବାକୁ ଗାଡିଛାଡି ଓହ୍ଲାଇ ପଳାଇବାରେ ସକ୍ଷମ ହୋଇଥିଲେ।ଏବେ ଉଭୟପଟରୁ ସମସ୍ତପ୍ରକାର ଯୋଗାଯୋଗ ବିଛିନ୍ନ ହୋଇଯାଇଛି ।