ଆନନ୍ଦପୁର,୧୪/୪(ନି.ପ୍ର) ଦୈତାରୀ ଥାନା ଅନ୍ତର୍ଗତ ବଳି ପର୍ବତ ପାଖରେ ଥିବା ପଞ୍ଚମ ଗ୍ରାମର ୩ ଜଣ ଯୁବକ ଗୋଟିଏ ବାଇକରେ ବସି ଦୈତାରୀ ସାପ୍ତାହିକ ହାଟକୁ ଆସୁଥିବା ବେଳେ ଆଜି ଅପରାହ୍ନରେ ୱେଲକମ୍ ଛକ ନିକଟରେ ଠିଆ ହୋଇଥିବା ଏକ ବୋଲେରୋକୁ ଧକ୍କା ଦେଇଥିଲେ।ଫଳରେ ବାଇକର ୩ ଆରୋହୀ ଗୁରୁତର ଭାବେ ଆହତ ହୋଇଥିଲେ।ଦୈତାରୀ ଥାନା ପୁଲିସ ଖବର ପାଇ ସେମାନଙ୍କୁ ୧୦୮ ଆମ୍ବୁଲାନ୍ସ ଯୋଗେ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ପଠାଇ ଥିବାବେଳେ ସେଠାରେ ମହାକୁଡ ଗାଗରାଇ(୨୫)ଙ୍କର ମୃତ୍ୟୁ ଘଟିଛି।ଅନ୍ୟ ଦୁଇଜଣ ରେଙ୍ଗଳା ପିଙ୍ଗୁଆ (୨୨),ସନାତନ ବେହେରା(୨୩)ଅବସ୍ଥା ଗୁରୁତର ଥିବାରୁ ସେମାନଙ୍କୁ କଟକ ସ୍ଥାନାନ୍ତର କରା ଯାଇଛି।ମୃତକଙ୍କ ଶବ ପୁଲିସ ଜବତ କରି ଅଧିକ ତଦନ୍ତ ଚଳାଇଛି।ଦୁଇ ଚକିଆ ଯାନରେ ୩/୪ ଜଣ ବସି ଯାଉଥିବା, ହେଲମେଟ ପିନ୍ଧି ନଥିବା ଓ ନିଶାଗ୍ରସ୍ତ ଭାବେ ଦୃତ ଗତିରେ ଗାଡି ଚଳାଉଥିବା ଏହି ମର୍ମନ୍ତୁଦ ଦୁର୍ଘଟଣାର କାରଣ ବୋଲି କେତେକ ପ୍ରତ୍ୟେକ୍ଷଦର୍ଷୀ କହିଛନ୍ତି।ହେଲେ ଥାନା ପୁଲିସ ଏ ସବୁ ପ୍ରତି ଅତି କୋହଳ ମନୋଭାବ ପୋଷଣ କରୁଛନ୍ତି।